தினமலர் 03.10.2013
விருத்தாசலத்தில் 100 சோலார் விளக்குகள்: எம்.எல்.ஏ., தகவல்
விருத்தாசலம்:விருத்தாசலம் தொகுதியில் 100 சோலார் விளக்குகள் அமைக்க நிதி ஒதுக்கப்பட்டுள்ளது என முத்துக்குமார் எம்.எல்.ஏ., தெரிவித்துள்ளார்.
அவர், விடுத்துள்ள அறிக்கை:
விருத்தாசலம் தொகுதி மேம்பாட்டு திட்டத்தின் கீழ் கடந்த 2012 - 13ல் 70 சோலார் விளக்குகள் பொருத்தப்பட்டன. இதனால் பொதுமக்களிடமிருந்து நல்ல வரவேற்பு கிடைத்தது.
அதைத்தொடர்ந்து இந்த நிதியாண்டில் 100 சோலார் விளக்குகள் பொருத்த நிதி ஒதுக்கீடு செய்யப்பட்டுள்ளது. அதன்படி, விருத்தாசலம் நகரில் 10 சோலார் விளக்குகள், விருத்தாசலம் ஒன்றியத்தில் 39, மங்கலம்பேட்டை பேரூராட்சியில் 3, நல்லூர் ஒன்றியத்தில் 32, கம்மாபுரம் ஒன்றியத்தில் 16 சோலார் விளக்குகள் பொருத்தப்படும். இவ்வாறு அறிக்கையில் கூறப்பட்டுள்ளது.