தினமணி 24.01.2014
கருப்பூரில் ரூ.5.25 லட்சத்தில் வளர்ச்சிப் பணிகள் தொடக்கம்
ஓமலூர் அருகேயுள்ள கருப்பூர் பேரூராட்சியில் ரூ.5.25 லட்சம் மதிப்பிலான வளர்ச்சிப் பணிகளை சட்டப்பேரவை உறுப்பினர் பல்பாக்கி சி.கிருஷ்ணன் வியாழக்கிழமை தொடக்கிவைத்தார்.
கருப்பூர் பேரூராட்சி 3-ஆவது வார்டு பகுதியில் ரூ.2.25 லட்சம் மதிப்பீட்டில் தார்ச் சாலை, சாக்கடை வடிகால் அமைக்கும் பணி, குள்ளகவுண்டனூர் பகுதியில் ரூ.3 லட்சம் மதிப்பிலான கொசு ஒழிப்பு இயந்திரத்தின் செயல்பாடுகளையும் சட்டப்பேரவை உறுப்பினர் பல்பாக்கி சி.கிருஷ்ணன் தொடக்கிவைத்தார்.
இதில், பேரூராட்சித் தலைவர் வெற்றிவேல், செயல்அலுவலர் அப்துல்சாதிக் பாட்ஷா, துணைத் தலைவர் மகாதேவன், ஓமலூர் ஒன்றியக் குழுத் துணைத் தலைவர் பன்னீர் செல்வம் உள்ளிட்ட பலர் கலந்து கொண்டனர்.
