Urban News

தின மணி          17.02.2013

துப்புரவு பணியாளர்களுக்கு இலவச மருத்துவ முகாம்த

திருச்சி மாநகராட்சி அரியமங்கலம் கோட்டத்திலுள்ள 450 துப்புரவுப் பணியாளர்களுக்கு இலவச கண் மற்றும் பொது மருத்துவப் பரிசோதனை முகாம் சனிக்கிழமை நடைபெற்றது.

கீழரண் சாலையிலுள்ள மாநகராட்சி மருத்துவமனையில் நடைபெற்ற முகாமை மேயர் அ. ஜெயா தொடங்கி வைத்தார். இந்த முகாமில் இசிஜி, ஸ்கேன், ரத்தப் பரிசோதனை போன்ற அனைத்தும் இலவசமாக மேற்கொள்ளப்பட்டன.

இதில் அறுவைச் சிகிச்சை தேவைப்படுவோருக்கு அரசு காப்பீட்டுத் திட்டத்தில் அதை மேற்கொள்ளவும் திட்டமிடப்பட்டுள்ளது. முகாமில், மாநகராட்சி ஆணையர் வே.ப. தண்டபாணி, கோட்டத் தலைவர் ஜெ. சீனிவாசன், மாமன்ற உறுப்பினர் பி. கிருஷ்ணமூர்த்தி, செயற்பொறியாளர் எஸ். அருணாசலம், நகர்நல அலுவலர் ந. ராஜேசுவரி, உதவி ஆணையர் கே. ராஜம்மா உள்ளிட்டோர் பங்கேற்றனர்.

கம்பம்:கம்பம் வாரச்சந்தை அருகில்,35 லட்சம் ரூபாய் மதிப்பீட்டில் சமுதாய கூடம் கட்ட, நகராட்சி முடிவு செய்துள்ளது. ஒருங்கிணைந்த குடிசைப்பகுதி மேம்பாட்டு திட்டத்தில், 2008-09ல் கம்பம் நகராட்சி பகுதியில் 325 வீடுகள் கட்டவும், அடிப்படை வசதிகளை செய்வதற்கும், 5 கோடியே 18 லட்சம் ரூபாய் ஒதுக்கீடு செய்யப்பட்டது. அதில் வீடுகள் கட்டப்பட்டன. அடிப்படை பணிகளில் 23 பணிகள் முடிக்கப்பட்டது. கோம்பை ரோட்டில் கழிப்பறையை இடிக்க எதிர்ப்பு தெரிவித்ததால், சமுதாய கூடம் கட்டும் பணி மட்டும் அங்கு மேற்கொள்ளப்படவில்லை. அந்த பணிக்காக 26 லட்சம் ரூபாய் ஒதுக்கி வைக்கப்பட்டிருந்தது.தற்போது வாரச்சந்தை அருகில், மெயின்ரோட்டில் ஆர்.சி.எச்., நகராட்சி ஆஸ்பத்திரி அருகில் சமுதாய கூடம் கட்ட நகராட்சி முடிவு செய்துள்ளது. இன்றைய விலை விகிதப்படி, 35 லட்சம் ரூபாய்க்கு மதிப்பீடு செய்யப்பட்டுள்ளது. மீதமுள்ள தொகையை, நகராட்சி பொதுநிதியில் இருந்து மேற்கொள்ள முடிவு செய்யப்பட்டுள்ளது.