Urban News

தினமலர்          15.10.2013

துரைப்­பாக்கத்தில் கான்­கிரீட் சாலை ரூ.1.2 கோடிக்கு மாந­க­ராட்சி ஒப்­பந்தம்

சென்னை : துரைப்­பாக்கம் ஆனந்தா நகரில், கான்­கிரீட் சாலை அமைக்க, 1.2 கோடி ரூபாய்க்கு மாந­க­ராட்சி ஒப்­பந்தம் கோரி­யுள்­ளது.

சோழிங்­க­நல்லுார் மண்­ட­லத்­திற்கு உட்­பட்ட, 193வது வார்டு துரைப்­பாக்கம், ஆனந்தா நகர், விநா­யகா நகர் பகுதி. இங்கு ஏரா­ள­மான குடி­யி­ருப்­புக்கள் உள்ள நிலையில், போதிய அடிப்­படை வச­திகள் இல்­லாத நிலை காணப்­ப­டு­கி­றது.

சாலை, மழைநீர் கால்­வாய்கள் இல்­லா­ததால், மழைக்­காலம் என்­றாலே, இந்த பகு­தி­வா­சிகள், சோகத்தில் மூழ்­கி­வி­டு­கின்­றனர்.

இது குறித்து, மாந­க­ராட்­சிக்கு தொடர்ந்து புகார்கள் வந்­ததை தொடர்ந்து, மேயர் சைதை துரை­சாமி, இந்த பகு­தி­களில் நேரில் ஆய்வு செய்தார். இதை அடுத்து, தற்­போது விநா­யகா நகர், ஆனந்தா நகரில் கான்­கிரீட் சாலை அமைக்க மாந­க­ராட்சி முன்­வந்­துள்­ளது. மூன்று சிப்­ப­மாக 1.2 கோடி ரூபாய்க்கு ஒப்­பந்தம் அறி­விக்­கப்­பட்டு உள்­ளது.

இதன்­படி ஆனந்தா நகர் பிர­தான சாலையில், 42.89 லட்சம் ரூபாய்க்கும், ரேடியல் சாலை முதல் ஆனந்தாநகர் ஒன்­றா­வது தெரு வரை, விநா­யகா நகர் பிர­தான சாலையில், 43.07 லட்சம் ரூபாய்க்கும், ஆனந்தா நகர் ஒன்­றா­வது தெரு சந்­திப்பு முதல், ஆனந்தா நகர் பிர தான சாலை வரை 34.12 லட்சம் ரூபாய்க்கும் கான் கிரீட் சாலை அமைக்­கப்­பட உள்­ளன.

இந்த பணி­க­ளுக்கு வரும் 25ம் தேதி ஒப்­பந்தம் திறக்­கப்­ப­டு­கி­றது. அடுத்த மாதம் சாலை பணிகள் துவங்கும் என, மாந­க­ராட்சி அதி­கா­ரிகள் தெரி­வித்­தனர்.

தினகரன்             09.10.2013

உடுமலை பகுதியில் ரூ10 கோடியில் தார்சாலைகள்

உடுமலை, : உடுமலை பகுதியில் பல்வேறு ரோடுகள் தார்சாலையாக மாற்றப்படுகிறது. குறிச்சிக்கோட்டையில் இருந்து குமரலிங்கம் ரோடு வரை 8 கி.மீட்டர் தூரத்துக்கு தார்சாலை அமைக்கப்படுகிறது. கொழுமத்தில் இருந்து கல்லாபுரம் ரோடு பஸ் ஸ்டாப் பகுதியில் 600 மீட்டரில் தார்சாலை அமைக்கப்படுகிறது கொழுமம் அமராவதி ஆற்றுப்பாலத்தில் இருபுறமும் தடுப்பு சுவர் கட்டப்படுகிறது. கொழுமத்தில் இருந்து பழனி ரோடு செக்போஸ்ட் வரை தார்சாலை அமைக்கப்படுகிறது. உடுமலை-தாராபுரம் ரோட்டில் 2 கி.மீட்டர் அகலப்படுத்தப்படுகிறது. உடுமலை-பல்லடம் ரோடு பூளவாடி பிரிவில் இருந்து பூளவாடி வரை அகலப்படுத்தி தார்சாலை அமைக்கப்படுகிறது. இப்பணிகள் அனைத்தும் ரூ.10 கோடியில் நிறைவேற்றப்படுகின்றன. அதற்கான நிதியை அரசு ஒதுக்கி உள்ளது.