Urban News

  • Increase font size
  • Default font size
  • Decrease font size
Nagara Seithigal - E-Governance

சொத்து வரி வசூலை தீவிரப்படுத்த 300 கையடக்க இயந்திரங்கள் கொள்முதல்

Print PDF

தினமலர்          05.01.2015

சொத்து வரி வசூலை தீவிரப்படுத்த 300 கையடக்க இயந்திரங்கள் கொள்முதல்

சென்னை : சொத்து வரி வசூலை தீவிரப்படுத்தும் வகையில், 300 கையடக்க இயந்திரங்களை, சென்னை மாநகராட்சி கொள்முதல் செய்துள்ளது.

சென்னை மாநகராட்சி, 200 வார்டுகளில் சொத்து வரி வசூலிக்கும் பணியில், 274 வரி வசூலிப்பாளர்கள் ஈடுபட்டு உள்ளனர். சென்னை மாநகராட்சி வரி வசூலிப்பு மையங்கள், வங்கிகள் மற்றும் இணையதளம் மூலம் சொத்துவரி வசூலிக்கப்படுகிறது.வரி வசூலிப்பாளர்கள் நேரடியாக சென்று, வீடுகள் மற்றும் வணிக நிறுவனங்களில் வசூல் செய்ய வசதியாக, கையடக்க கருவிகள் வழங்கப்பட்டன.அவை அனைத்தும் கடந்த இரண்டு ஆண்டுகளாக அடிக்கடி பழுது ஏற்பட்டு வந்தது. அவற்றை சரிசெய்ய முடியாத நிலையில், தற்போது, 300 புதிய கையடக்க கருவிகளை சென்னை மாநகராட்சி கொள்முதல் செய்துள்ளது.

அதில், 274 கருவிகள், வரி வசூலிப்பாளர்களுக்கு உடனடியாக வழங்கப்பட உள்ளன. மீதமுள்ள கருவிகள், தேவைக்காக இருப்பு வைக்கப்பட உள்ளன. அனைத்து கருவிகளிலும், சொத்துவரி சம்பந்தமான தகவல்கள் பதிவேற்றம் செய்யப்பட்டு உள்ளன. புதிய கருவிகள் வழங்கப்பட உள்ளதால், இந்த நிதியாண்டில், சென்னை மாநகராட்சி சொத்துவரி வசூலிப்பில், 600 கோடி ரூபாய் என்ற இலக்கை எட்டும் என எதிர்பார்க்கப்படுகிறது.

 

சென்னையில் மேலும் 2 நகர்ப்புற பொது இ-சேவை மையங்கள் திறப்பு

Print PDF
தினமணி     11.11.2014  

சென்னையில் மேலும் 2 நகர்ப்புற பொது இ-சேவை மையங்கள் திறப்பு

சென்னையில் கூடுதலாக இரண்டு நகர்ப்புற பொது இ-சேவை மையங்கள் திங்கள்கிழமை திறந்து வைக்கப்பட்டன.

இதுகுறித்து சென்னை மாவட்ட ஆட்சியர் அலுவலகம் வெளியிட்ட செய்திக்குறிப்பு:

நகர்ப்புறங்களில் பொதுமக்கள் வருவாய்த் துறை, சமூக நலத் துறை, சென்னை மாநகராட்சி ஆகிய துறைகளின் சேவைகளை ஒரே இடத்தில் பெறவும், மின் கட்டணத்தைச் செலுத்தவும் வசதியாக எழும்பூர், மாம்பலம், மயிலாப்பூர், புரசைவாக்கம், பெரம்பூர், தண்டையார்பேட்டை, அமைந்தகரை, கிண்டி, வேளச்சேரி ஆகிய இடங்களிலுள்ள வட்டாட்சியர் அலுவலகங்களில் முதல் கட்டமாக 9 நகர்ப்புற அரசு பொது இ-சேவை மையங்கள் தொடங்கப்பட்டன.

இந்த நகர்புற பொது இ-சேவை மையங்களின் மூலமாக இதுவரை 23,620 ஜாதிச் சான்றிதழ்கள், 33,759 வருமானச் சான்றிதழ்கள், 1,613 இருப்பிடச் சான்றிதழ்கள், கணவனால் கைவிடப்பட்டோர் 7 பேருக்கு சான்றிதழ்கள், 2,935 முதல் பட்டதாரிச் சான்றிதழ்கள் என மொத்தம் 61,934 சான்றிதழ்கள் வழங்கப்பட்டுள்ளன.

இந்த நிலையில், அயனாவரம் வட்டாட்சியர் அலுவலகம், மாவட்ட ஆட்சியர் அலுவலகம் ஆகிய இரண்டு இடங்களில் மேலும் இரண்டு நகர்ப்புற பொது இ-சேவை மையங்களை அமைச்சர் முக்கூர் என்.சுப்பிரமணியன் திங்கள்கிழமை திறந்து வைத்தார்.

இந்த நிகழ்ச்சியில் அமைச்சர் எஸ்.கோகுல இந்திரா, மேயர் சைதை துரைசாமி ஆகியோர் பங்கேற்றனர்.
 

மாநகராட்சி லஞ்சப் புகார்களையும் எஸ்.எம்.எஸ். அனுப்பலாம்

Print PDF

தினமணி        26.08.2014

மாநகராட்சி லஞ்சப் புகார்களையும் எஸ்.எம்.எஸ். அனுப்பலாம் 

கோவை மாநகராட்சியில் அடிப்படை வசதிகளை பொதுமக்கள் தெரிவிப்பதற்காக அறிவிக்கப்பட்ட மொபைல் எண்ணில் லஞ்சப் புகார்களையும் குறுஞ்செய்தியாக அனுப்பலாம் என்று ஆணையாளர் க.லதா தெரிவித்தார்.

கோவை மாநகராட்சி, விரிவாக்கப்பட்ட பகுதிகளையும் சேர்த்து மொத்தம் 100 வார்டுகளைக் கொண்டது. அனைத்துப் பகுதிகளும் 5 மண்டலங்களாகப் பிரிக்கப்பட்டுள்ளது. கடந்த ஆண்டு ஏப்ரல் மாதத்தில் மேயராகப் பதவி வகித்த செ.ம. வேலுசாமி, பொதுமக்கள் தங்கள் பகுதியில் நிலவும் அடிப்படை வசதிகள் தொடர்பாக மாநகராட்சியின் பிரதான அலுவலகத்துக்கோ அல்லது பிரிவு அலுவலகங்களுக்கோ நேரில் வராமல் குறுஞ்செய்தி மூலம் மொபைல் எண்ணுக்கு அனுப்பும் முறையைக் கொண்டு வந்தார்.

தங்கள் பகுதியில் நிலவும் பிரச்னைகளை மாநகராட்சி நிர்வாகத்தின் பார்வைக்குக் கொண்டு வந்தபின் அந்தப் பிரச்னைகள் சம்பந்தப்பட்ட பிரிவு அலுவலக அதிகாரிகளுக்குத் தெரிவிக்கப்படும். இதன் மூலம் அதிகாரிகள் அந்தக் குறையைக் களைய நடவடிக்கை எடுப்பர்.

இதுவரை சுமார் 14,500 குறுஞ்செய்திகளைப் பொதுமக்கள் அனுப்பியிருந்தனர். இவற்றில் பெரும்பாலான குறைகள் ஓரிரு நாள்களில் களையப்பட்டதாக அணையாளர் க.லதா தெரிவித்தார். மாநகராட்சியில் லஞ்சம் பெறுவது தொடர்பாக குறுஞ்செய்தி அனுப்பலாமா என்று ஆணையாளர் க.லதாவிடம் கேட்டதற்கு, மாநகராட்சியில் யாராவது லஞ்சம் கேட்டால் கண்டிப்பாக மாநகராட்சியில் தரப்பட்ட எண்ணுக்குக் குறுஞ்செய்தி அனுப்பலாம். ஆனால் அச்செய்தியின் நம்பகத்தன்மை குறித்து ஆய்வு செய்த பின்தான், சம்பந்தப்பட்டவர் மீது நடவடிக்கை எடுக்கப்படும். இதற்கு தாமதம் ஆகும் என்றும் தெரிவித்தார்.

Last Updated on Tuesday, 26 August 2014 09:46
 
  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  Next 
  •  End 
  • »


Page 1 of 41