Urban News

தினத்தந்தி         13.06.2013

கோவை மாநகராட்சி பகுதியில் உள்ள அம்மா உணவகங்களில் ‘கண்காணிப்பு கேமரா’ தட்டு, தம்ளர் திருட்டு போவதை தடுக்க அதிகாரிகள் நடவடிக்கை

கோவை மாநகராட்சியில் செயல்பட்டு வரும் அம்மா உணவகங்களில் தட்டு, தம்ளர் திருட்டு போவதை தடுக்க கண்காணிப்பு கேமரா அமைக்க மாநகராட்சி அதிகாரிகள் முடிவு செய்து உள்ளனர்.

அம்மா உணவகங்கள்

கோவை மாநகராட்சிக்கு உட்பட்ட பூ மார்க்கெட், சிங்காநல்லூர் பஸ் நிலையம், மணியகாரன்பாளையம், குறிச்சி மாநகராட்சி அலுவலகம், ராமநாதபுரம் 80 அடி ரோடு, திருமால் வீதி திருமண மண்டபம், புதிய பஸ்  நிலையம், மசக்காளிப்பாளையம், சரவணம்பட்டி அம்மன் நகர், குனியமுத்தூர் ஆகிய 10 இடங்களில் அம்மா உணவகம் அமைக்கப்பட்டு உள்ளது. இங்கு ஒரு இட்லி 1 ரூபாய்க்கும், தயிர் சாதம் ரூ.3–க்கும், சாம்பார் சாதம் ரூ.5–க்கும் விற்பனை  செய்யப்படுகின்றன. காலை 7 மணி முதல் 10 மணி வரை இட்லியும், மதியம் 12 மணி முதல் 3 மணி வரை சாம்பார் மற்றும் தயிர் சாதமும் வழங்கப்படுகிறது.

தட்டு, தம்ளர் திருட்டு

இதில் ஒருசில உணவகங்களில் சாப்பிட வந்த பொதுமக்களில் ஒருசிலர் தட்டு, தம்ளரை திருடிவிட்டதாக கூறப்படுகிறது. எனவே உணவகத்துக்கு வருபவர்களை கண்காணிப்பதற்காக கேமரா அமைக்க மாநகராட்சி அதிகாரிகள் முடிவு செய்து உள்ளனர். ஒவ்வொரு உணவகங்களிலும் எத்தனை கேமராக்கள் அமைக்கப்படுகிறது? எப்போது வைக்கப்படும் என்பது குறித்து மாநகராட்சி அதிகாரிகளிடம் கேட்டபோது அவர்கள் கூறியதாவது:–

கண்காணிப்பு கேமரா

கோவை மாநகராட்சியில் செயல்பட்டு வரும் ஒரு அம்மா உணவகத்தில் தட்டு, தம்ளர்கள் திருடப்பட்டு உள்ளது. அங்கு வழங்கப்படும் உணவின் விலை குறைவாக இருந்தாலும், தட்டு, தம்ளர்கள் விலை உயர்ந்தது ஆகும். எனவே திருட்டை தடுக்க அனைத்து உணவகங்களிலும் கண்காணிப்பு கேமராக்கள் அமைக்க திட்டமிடப்பட்டு உள்ளது.

இதற்காக திட்ட மதிப்பீடு தயார் செய்யப்பட்டு வருகிறது. ஒவ்வொரு உணவகங்களின் வெளியில் ஒரு கேமரா, உள்பகுதியில் ஒரு கேமரா என்று 2 கேமராக்கள் வீதம் 10 உணவகங்களிலும் 20 கேமராக்கள் அமைக்கப்பட்டு, கண்காணிக்க மாநகராட்சியில் டி.வி.கள் அமைக்கப்படும். இதற்கு ரூ.2 லட்சம் செலவாகும் என்று மதிப்பிடப்பட்டு உள்ளது.

கடும் நடவடிக்கை

இதன்மூலம் உணவகத்துக்கு சாப்பிட வருபவர்களையும், அங்கு வேலை செய்து வருபவர்களையும் கண்காணிக்க முடியும். உணவகங்களில் சமைப்பதற்கு பயன்படுத்தப்படும் அரிசி மற்றும் காய்கறிகள்  திருட்டையும் தடுக்கவும் இது ஏதுவாக இருக்கும். எனவே அம்மா உணவகத்துக்கு சாப்பிட வருபவர்கள் சாப்பிட்டுவிட்டு, தட்டு, தம்ளரை அங்கேயே வைத்து செல்ல வேண்டும். அதை திருடி செல்பவர்கள் கண்டுபிடிக்கப்பட்டால் சம்பந்தப்பட்ட நபர்கள் மீது கடும் நடவடிக்கை எடுக்கப்படும்.

சோலார் முறை

மேலும் பூ மார்க்கெட், குறிச்சி உள்பட 3 அம்மா உணவகங்களில் 2 கிலோவாட் மின்சாரம் தயார் செய்யும் வகையில் சோலார் அமைக்கப்பட்டு உள்ளது. அதன் மூலம் ஒவ்வொரு உணவகத்திலும் 10 விளக்குகள், 4 மின்விசிறிகள் மற்றும் ஒரு மிக்சி இயக்கக்கூடிய அளவுக்கு மின்சாரம் கிடைக்கிறது. இதனால் மின்சார செலவு குறைந்து உள்ளது. அதுபோன்று மற்ற உணவகங்களிலும் சோலார் அமைக்க முடிவு செய்யப்பட்டு உள்ளது. இவ்வாறு மாநகராட்சி அதிகாரிகள் தெரிவித்தனர்.

தினகரன்          23.05.2013

பிறப்பு, இறப்பு சான்றிதழ்களை ஆன்லைனில் இனி பெறலாம்

கோவை, : கோவையில் பிறப்பு, இறப்பு சான்றிதழ்களை ஆன் லைனின் பெறும் திட்டத்தை மேயர் துவக்கி வைத்தார்.

பிறப்பு, இறப்பு சான்றிதழ்களை ஆன் லைனில் பொதுமக்கள் பெறும் திட்டத்தை கோவை மாநகராட்சி மேயர் செ.ம.வேலு சாமி நேற்று துவக்கி வைத்தார்.

இந்நிகழ்ச்சியில் அவர் பேசுகையில், ‘‘கோவை மாநகராட்சியில் மலிவுவிலை உணவகம் அமைக்கும் பணிகள் வேகமாக நடை பெற்று வருகின்றன. மக்கள் தேவைகளை, குறைகளை எஸ்.எம்.எஸ். மூலம் அனுப்பி அவற்றினை உடனே நிவர்த்தி செய்கின்ற வ¬ கயில் தமிழத்திலேயே முதன் முதலாக கோவை மாநகராட்சியில் தான் எஸ்.எம்.எஸ். வசதி துவக்கப்பட்டது. 4000 சதுர அடி கட்டட அனுமதி ஆன் லைனில் ஒப்புதல் பெறும் வசதி தொடங்கி வைக்கப்பட்டது.

தற்போது மாநகராட்சியில் பிறப்பு, இறப்பு சான்றிதழ் பெறும் வசதி துவக்கப்பட்டுள்ளது. 1981 முதல் 2011 வரையிலான 8,99,954  பிறப்பு பதிவுகளும்,  5,46,320 இறப்பு பதிவுகளும் ஆன் லைன் முறையில் இணைக்கப்பட்டுள்ளன. இதற்கென தனி யாக கணிப்பொறி சர்வர் அமைக்கப்பட்டு ஒரே நேர த்தில் 2000 பேர் விண்ணப்பித்து பதிவிறக்கம் செய்து கொள்ள வசதி செய்யப்பட்டுள்ளது.

இவ்வாறு மேயர் செ.ம.வேலுசாமி தெரிவித்தார்.

இந்நிகழ்ச்சியில், மாநகராட்சி கமிஷனர் லதா, துணை ஆணையர் சிவ ராசு, சுகாதார குழு த¬ லவர் தாமரைச்செல்வி, மண்டல குழு தலைவர்கள் ஆதிநாராயணன், ஜெய ராம், சாவித்திரி, பணிக்குழு தலைவர் அம்மன் அர்ச்சுனன், கல்வி குழு தலைவர் சாந்தாமணி, கணக்கு குழு தலைவர் கணேசன், கவுன்சிலர்கள் மாரப்பன், சரஸ் வதி, ராஜேந்திரன், நகர் நல அலுவலர் துள சியம்மாள் உட்பட பலர் கலந்து கொண்டனர்.