Urban News

தினமணி              06.08.2012

விழுப்புரம் பழைய பஸ் நிலைய மேம்பாட்டுப் பணிகள்

விழுப்புரம் பழைய பஸ் நிலையத்தில் பாதியிலேயே நிறுத்தப்பட்ட சிமென்ட் தளம் அமைக்கும் பணிகள்.
விழுப்புரம், ஆக. 5 விழுப்புரம் பழைய பஸ் நிலைய மேம்பாட்டுப் பணிகள் கிடப்பில் போடப்பட்டுள்ளதால் பொதுமக்கள் மிகவும் பாதிக்கப்பட்டுள்ளனர்.இந்நிலையில், மழைக் காலமும் தொடங்கிவிட்டதால் இப்பணிகள் நிறைவேறுமா என்ற கேள்வி மக்களிடையே எழுந்துள்ளது.

மிகவும் பழுதடைந்து காணப்பட்ட விழுப்புரம் பழைய பஸ் நிலையத்தில் சாலை உள்ளிட்ட மேம்பாட்டுப் பணிகளை மேற்கொள்ள கடந்த ஆண்டு உத்தரவிடப்பட்டது. அதன் அடிப்படையில், நகராட்சி மூலம் பழைய பஸ் நிலையம் முழுவதும் சிமெண்ட் சாலை அமைப்பதற்கான ஒப்பந்தம் கோரப்பட்டு, கடந்த பிப்ரவரி மாதம் ஒப்பந்தப் பணிகளுக்கான உத்தரவு ஆணையும் வழங்கப்பட்டது.

மேலும் இப்பணிகளை ஒரு மாத காலத்தில் முடிக்க வேண்டும் என்றும் உத்தரவிடப்பட்டது. இப்பணிகளுக்காக, மொத்தம் ரூ. 64.50 லட்சம் நிதி ஒதுக்கப்பட்டது. இந்நிலையில், மேம்பாட்டுப் பணிகள் கடந்த மார்ச் மாதம் தொடங்கப்பட்டன. ஆனால், இதில் வெறும் 40 சதவீத பணிகள் மட்டுமே செய்யப்பட்டுள்ளன.மேலும் பஸ் நிலையத்தின் கிழக்கு பகுதியிலிருந்து தொடங்கப்பட்ட பணி, அப்படியே நிறுத்தப்பட்டுவிட்டன.

இது குறித்து சம்பந்தப்பட்ட அலுவலர்களிடம் கேட்ட போது, இப்பணிகளை மேற்கொள்ள அதிகம் செலவாகும் எனக் கூறி ஒப்பந்தக்காரர் மறுத்துவிட்டதாக தெரிவிக்கின்றனர். இது போன்ற பிரச்னைகளால் இந்த பஸ் நிலைய மேம்பாட்டுப் பணி கிடப்பில் போடப்பட்டு விட்டன. மேலும் மழைக்காலமும் தொடங்கிவிட்டதால், இந்த பஸ் நிலையத்தை பயன்படுத்துவோர் அன்றாடம் மிகவும் பாதிக்கப்படுகின்றனர். எனவே, இந்த விஷயத்தில் மாவட்ட ஆட்சியர் நேரடியாக தலையிட்டு நடவடிக்கை எடுக்க வேண்டும் என பொதுமக்கள் எதிர்பார்க்கின்றனர்.

தினமணி                                 02.08.2012

 பேருந்து நிலைய பாலப் பணிகள் துவக்கம்