Urban News

களியக்காவிளை, நவ.26: களியக்காவிளை, மெதுகும்மல், ஏழுதேசம், கொல்லங்கோடு கூட்டுகுடிநீர் திட்டத்துக்காக ரூ18கோடியில் அதங்கோட்டில் அமைய இருக்கும் சுத்திகரிப்பு நிலைய பணி தொடங்கியது.

களியக்காவிளை, கொல்லங்கோடு, ஏழுதேசம் பேரூராட்சிகள் மற்றும் மெதுகும்மல், வாவறை, குளப்புரம், அடைக்காகுழி உள்ளிட்ட ஊராட்சிகள் மற்றும் சுற்றுப்புற பகுதிகள் பயன்பெறும் வகையில் களியக்காவிளை, மெதுகும்மல் மற்றும் ஏழுதேசம் கொல்லங்கோடு கூட்டு குடிநீர்திட்டம் ஏற்படுத்தப்பட்டன.

இதற்காக களியக்காவிளை அருகே அதங் கோடு தாமிரபரணி ஆற்றுப்படுகையில் 10க்கும் மேற்பட்ட உறை கிணறுகள் அமைக்கப்பட்டன. அதில் இருந்து பெறப்படும் தண் ணீர் தங்கள் தேவைக்கு ஏற்ப நீர்த்தொட்டிகளில் சேமித்து வீட்டு குடிநீர் இணைப் புகள் மூலம் விநியோகிக்கப்பட்டு வரு கிறது.

உறைகிணறுகளில் இருந்து அனுப்பப்படும் தண்ணீர் சுகாதாரமற்றதாக இருப்பதால் சுத்திகரிக்கப்பட்ட குடிநீர்வழங்க வேண்டும் என்று பொது மக்கள் கோரிக்கை விடுத்து வந்தனர்.

இதையடுத்து களியக்காவிளை மெதுகும்மல் கூட்டுகுடிநீர் திட்டம், கொல்லங்கோடு, ஏழுதேச பகுதியில் உள்ள 27 வழியோர கிராமங்கள், மேல்புறம் ஊராட்சி ஒன்றியத்துக்கு உட்பட்ட 79 வழியோர கிராமங்களுக் கென குடிநீர் சுத்திகரிப்பு நிலையம் அமைக்க அதங்கோட்டில் இடம் தேர்வு செய்யப்பட்டு கடந்த டிசம்பர் மாதம் அடிக்கல் நாட்டப்பட்டது. ரூ18 கோடி மதிப்பில் அதங்கோட்டில் அமைய இருக்கும் குடிநீர் சுத்தி கரிப்பு நிலைய பணி கடந்த சில தினங்களுக்குமுன் தொடங்கியது.

முதல்கட்டமாக ஜேசிபி எந்திரம் மூலம் நிலத்தை சீரமைத்து அஸ்திவாரம் தோண்டும் பணி நடந்து வருகிறது. வரும் 2011ம் ஆண்டு இறுதியில் குடிநீர்சுத்திகரிப்பு நிலையம் செயல்பட தொடங்கும்.

தேனி, நவ.25: தொடர்ந்து பெய்து வரும் கனமழையால், குடிநீர், தேங்கும் மழைநீர் மூலம் நோய் அபாயம் இருப்பதால், சுகாதாரத்துறையினர் விழிப்புடன் செயல்பட கலெக்டர் உத்தரவிட்டுள்ளார். குடிநீரில் குளோரினேசன் அளவை அதிகப்படுத்த அறிவுறுத்தியுள்ளார்.

தேனி மாவட்டத்தில் தொடர்ந்து பெய்து வரும் மழை காரணமாக, ஆறுகளில் வெள்ளம் கரைபுரண்டு கலங்கலாக ஓடுவதால் உறைகிணறுகளில் தண்ணீர் மாசுபட்டுள்ளது. இந்த தண்ணீரை அப்படியே விநியோகித்தால் தொற்று நோய் பரவலாம் என்ற அச்சம் நிலவுகிறது.

இதனையடுத்து கலெக்டர் முத்துவீரன், மாவட்டத்தில் உள்ள அனைத்து நகராட்சி, பேரூராட்சி, ஊராட்சிகளின் ஆணையர், செயல் அலுவலர்கள் மற்றும் தலைவர்களுக்கு உத்தரவு ஒன்றை பிறப்பித்துள்ளார். அதில், குடிநீரை குளோரினேசன் அளவை அதிகப்படுத்தி நன்கு சுத்திகரிப்பு செய்து பொதுமக்களுக்கு விநியோகம் செய்ய வேண்டும். தவிர, மேல்நிலைத் தொட்டிகளையும் சுத்திகரிப்பு செய்ய அவர் வேண்டும் என கலெக்டர் உத்தரவிட்டுள்ளார். இதையடுத்து ஆயிரம் லிட்டருக்கு 4 கிராம் குளோரின் என்பது அதிகப்படுத்தப்பட்டுள்ளது. குடிநீரிலோ, தேங்கும் நீரிலோ நோய்கள் பரவாமல் தடுக்க சுகாதாரத்துறை அலர்ட் செய்யப்பட்டுள்ளது. அதேவேளையில், குடிநீரை நன்கு காய்ச்சி வடிகட்டி குடிக்க வேண்டும் என பொதுமக்களுக்கு கலெக்டர் வேண்டுகோள் விடுத்துள்ளார்.

இதனையடுத்து கலெக்டர் முத்துவீரன், மாவட்டத்தில் உள்ள அனைத்து நகராட்சி, பேரூராட்சி, ஊராட்சிகளின் ஆணையர், செயல் அலுவலர்கள் மற்றும் தலைவர்களுக்கு உத்தரவு ஒன்றை பிறப்பித்துள்ளார். அதில், குடிநீரை குளோரினேசன் அளவை அதிகப்படுத்தி நன்கு சுத்திகரிப்பு செய்து பொதுமக்களுக்கு விநியோகம் செய்ய வேண்டும். தவிர, மேல்நிலைத் தொட்டிகளையும் சுத்திகரிப்பு செய்ய அவர் வேண்டும் என கலெக்டர் உத்தரவிட்டுள்ளார். இதையடுத்து ஆயிரம் லிட்டருக்கு 4 கிராம் குளோரின் என்பது அதிகப்படுத்தப்பட்டுள்ளது. குடிநீரிலோ, தேங்கும் நீரிலோ நோய்கள் பரவாமல் தடுக்க சுகாதாரத்துறை அலர்ட் செய்யப்பட்டுள்ளது. அதேவேளையில், குடிநீரை நன்கு காய்ச்சி வடிகட்டி குடிக்க வேண்டும் என பொதுமக்களுக்கு கலெக்டர் வேண்டுகோள் விடுத்துள்ளார்.

சுகாதாரப்பணியை தீவிரப்படுத்த கூடுதல் பணியாளர்கள் நியமனம் செய்யப்பட்டுள்ளனர். மாவட்டம் முழுவதும் உள்ள 8 தலைமை ஆரம்ப சுகாதார நிலையங்களில் 10 சுகாதாரப்பணியாளர்கள் (மஸ்தூர்) நியமிக்கப்பட்டு இருந்தனர். தற்போது கூடுதலாக 5 மஸ்தூர்கள் நியமிக்கப்பட்டுள்ளனர். மொத்தம் 120 பேர் தினமும் வீடு, வீடாக சென்று, கொசுக்களை ஒழிக்கும் விழிப்புணர்வு நடவடிக்கைகளில் ஈடுபட்டுள்ளனர்.

வீட்டில் உள்ள தொட்டிகள், பிளாஸ்டிக்குகள், தேங்காய் சிரட்டைகள், உடைந்த டயர்களில் தேங்கிய தண்ணீரில் கொசு இனப்பெருக்கம் நடக்கிறது. இதனை அப்புறப்படுத்தினாலே கொசுக்கள் உற்பத்தியாகாது. சிக்குன்குனியா, காய்ச்சல் போன்றவை உருவாகாது என அறிவுறுத்துகின்றனர். ஏடிஎஸ், கியூலக்ஸ் வகை கொசுக்கள் குறித்தும் வீடு வீடாக பிரசாரம் செய்யப்படுகிறது.