Urban News

  • Increase font size
  • Default font size
  • Decrease font size
Nagara Seithigal - News Papers

மறுசுழற்சிக்கு உதவாத 'பிளாஸ்டிக்' பைகள் : திடக்கழிவு மேலாண்மைக்கு சவால்

Print PDF

தினமலர்          26.05.2017

மறுசுழற்சிக்கு உதவாத 'பிளாஸ்டிக்' பைகள் : திடக்கழிவு மேலாண்மைக்கு சவால்

கோவை: பல்வேறு நிறுவனங்கள் தயாரிக்கும் பிளாஸ்டிக் பைகளை, மறுசுழற்சி செய்ய முடியாத தால், திடக்கழிவு மேலாண்மை பணியில் ஈடுபடும் உள்ளாட்சி அமைப்புகளுக்கு, பெரும் சிக்கல் ஏற்பட்டுள்ளது.

மாநிலத்தில் உள்ள பல நகராட்சி, பேரூராட்சி, ஊராட்சி கள் திடக்கழிவு மேலாண்மை பணியில் ஈடுபட்டு வருகின்றன. இதில், ஊழியர்கள் பயிற்சி பெற, லட்சக்கணக்கில் அரசு செலவிடுகிறது.

தரம் பிரித்தல் : உள்ளாட்சி அமைப்புகள், தங்கள் எல்லைக்கு உட்பட்ட பகுதிகளில் சேகரிக்கப்படும் குப்பை, காய்கறி கழிவுகளை, மட்கும் மற்றும் மட்காத குப்பையாக தரம் பிரித்து, மட்கும் குப்பையில் இருந்து இயற்கை உரம் தயாரித்து வருகின்றன. சில வகை பிளாஸ்டிக் பொருட்கள், இயந்திரத்தால் துாளாக்கப்பட்டு, அவை சாலை அமைக்க, தாருடன் கலக்கப்படுகின்றன. பிளாஸ்டிக் தார் கலவை மூலம் போடப்படும் சாலையின் உறுதித் தன்மை, வலுவாக இருக்கும் என, கூறப்படுகிறது. இந்நிலையில், மசாலா கம்பெனிகள் உட்பட, பல நிறுவனங்கள் பல வண்ணங்களில், பிளாஸ்டிக் பைகளை தயாரிக்கின்றன. மறுசுழற்சிக்கு உதவாத அத்தகைய பிளாஸ்டிக் பைகள், உள்ளாட்சி அமைப்புகளின் குப்பை குழிகள் மற்றும் திடக்கழிவு மேலாண்மை செய்யப்படும் இடங்களில், குவியலாக சேர்த்து வைக்கப்பட்டு உள்ளன.
பயன்படாது

உள்ளாட்சி அமைப்பின் அதிகாரிகள் சிலர் கூறியதாவது:மசாலா பாக்கெட்டுகள் உட்பட, பல வண்ணங்களில் தயாரிக்கப்படும் பிளாஸ்டிக் பைகளின் உட்புறம், 'சில்வர் பூச்சு' இருப்பதால், அவற்றை மறுசுழற்சிக்கு, நிறுவனங்கள் வாங்குவதில்லை. இதனால், அவற்றை மேலாண்மை செய்வது, எங்களுக்கு கடினமாக உள்ளது. எனவே, பிளாஸ்டிக் பைகளை தயாரிக்கும் நிறுவனங்கள், மறுசுழற்சிக்கு ஏற்ற வகையில், பிளாஸ்டிக் பைகளை தயாரித்தால், அவற்றை மேலாண்மை செய்வது எளிதாக இருக்கும்.இவ்வாறு அவர்கள் கூறினர்.

 

அங்கீகரிக்கப்படாத மனைகளை வரன்முறைப்படுத்த தமிழகம் முழுவதும் கணக்கெடுப்பு பணி தீவிரம்

Print PDF

தி இந்து      21.05.2017

அங்கீகரிக்கப்படாத மனைகளை வரன்முறைப்படுத்த தமிழகம் முழுவதும் கணக்கெடுப்பு பணி தீவிரம்

கோப்பு படம்

கோப்பு படம்

அங்கீகரிக்கப்படாத மனைகளை வரன்முறைப்படுத்துவதற்காக, தமிழகம் முழுவதும் உள்ளாட்சி அமைப்புகள் மூலம் கணக்கெடுக் கும் பணி தொடங்கியுள்ளது.

அங்கீகாரமற்ற வீட்டு மனைகள் விவகாரம் தொடர்பான வழக்கு, தற்போது சென்னை உயர் நீதிமன் றத்தில் நிலுவையில் உள்ளது. இந்த வழக்கில் உயர் நீதிமன்றத்தின் தீர்ப்பு விரைவில் வரவுள்ளது. நீதிமன்ற தீர்ப்பின் அடிப்படையில் அங்கீகார மற்ற வீட்டு மனைகளை வரன் முறைப்படுத்த, தமிழக அரசு தயா ராகி வருகிறது. அதன் ஒரு பகுதி யாக தமிழகம் முழுவதும் அங்கீகார மற்ற மனைகளை கணக்கெடுக்கும் பணி தொடங்கியுள்ளது.

உள்ளாட்சி பகுதிகளில் கடந்த 2016-ம் ஆண்டு அக்டோபர் 20-ம் தேதிக்கு முன்பு, அங்கீகரிக்கப் படாத மனைகளை வாங்கியோர் அதை வரன்முறைப்படுத்த, வீட்டு வசதி மற்றும் நகர்ப்புற மேம்பாட்டுத் துறை புதிய விதிகளை வெளி யிட்டுள்ளது. எனவே, அங்கீகரிக்கப் படாத மனைகளை வாங்கியோர், மனை பிரிவை உருவாக்கியோர், உடனடியாக சம்பந்தப்பட்ட உள் ளாட்சி அமைப்புகளின் அலுவல கத்தில் உரிய முறையில் விண்ணப் பித்து பயன்பெறலாம் என உள் ளாட்சி அமைப்புகள் சார்பில் அறி விப்பு வெளியிடப்பட்டுள்ளது. மேலும் சம்பந்தப்பட்ட உள்ளாட்சி அமைப்புகள் மூலம் அங்கீகரிக்கப் படாத மனைகள் கணக்கெடுக்கும் பணியும் நடைபெற்று வருகிறது.

இது தொடர்பாக நகரமைப்பு அலுவலர் ஒருவர், ‘தி இந்து’விடம் கூறியதாவது:

தமிழ்நாடு நகரமைப்புத் திட்ட மிடல் சட்டம் 1971-ன் கீழ், தமிழ்நாடு அங்கீகாரமற்ற வீட்டு மனைகள் ஒழுங்குமுறை விதி - 2017 புதிதாக உருவாக்கப்பட்டுள்ளது. நிலங்கள் கடந்த 2016 அக்டோபர் 20-ம் தேதிக்கு முன் உருவாக்கப்பட்டவையாக இருந்தால், வரன்முறைப்படுத்தும் விதியின்கீழ் கொண்டுவர முடியும். இந்த மனைகளை பதிவு செய்வதன் மூலம் நிலம் வாங்கியவர்கள், பத்திரப் பதிவு செய்து கொள்ளலாம். மேலும் உள்ளாட்சி அமைப்புகள் மூலம் வழங்கப்படும் குடிநீர், பாதாள சாக்கடை இணைப்புகள் உள்ளிட்ட அடிப்படை வசதிகளை பெறலாம். மின் இணைப்பும் பெற்றுக் கொள்ளலாம். உள்ளாட்சி அமைப்புகளிடம் அனுமதி பெறும் பட்சத்தில், வங்கியில் வீடு கட்ட கடனும் கிடைக்கும்.

எனவே, சம்பந்தப்பட்டவர்கள் தங்கள் இடத்தின் வரைபட நகலை நிலம் அமைந்துள்ள பகுதியின் உள் ளாட்சி அமைப்பு அலுவலகத்தில் 15 நாட்களுக்குள் வழங்க வேண்டும். மேலும் உள்ளாட்சி நகரமைப்பு அலுவலர்கள் மூலம் நிலங்கள், மனைகள் கணக்கெடுக்கப்பட்டு வருகிறது. அந்தந்த பகுதியில் உள்ள அரசு உரிமம் பெற்ற சர்வேயர், ஆர்கிடெக், கட்டுமான நிறுவனத்தின் பொறியாளர்கள் ஆகியோர் கணக்கெடுப்புப் பணியை செய்யவும் அறிவுறுத்தப் பட்டுள்ளது. இந்தப் பணியில் ஈடு படுபவர்களுக்கு, அரசு சேவை கட் டணம் வழங்க உத்தேசித் துள்ளது.

கணக்கெடுப்புப் பணிகளை 20 நாட்களுக்குள் முடித்து அரசுக்கு அறிக்கை வழங்கப்படும். அதன்பிறகு சம்பந்தப்பட்ட இடங் களை சென்னை பெருநகர வளர்ச்சிக் குழுமம் மற்றும் உள் ளாட்சி நகர்ப்புற வளர்ச்சி துறையை சேர்ந்த வல்லுநர்கள் ஆய்வு செய்து அனுமதி வழங்குவர். இந்த அரிய வாய்ப்பினை பொதுமக்கள், வீடு, நிலம் விற்போர் பயன்படுத்தி, மனைகளை வரன்முறைப்படுத்திக் கொள்ள வேண்டும்.

இவ்வாறு அவர் கூறினார்.

 

மாநகராட்சி பள்ளி மாணவர்களுக்கு கைகொடுத்த ‘ஸ்பார்க்’ திட்டம்: 10, 12 ம் வகுப்பு தேர்வில் உயர் மதிப்பெண் பெறுவது அதிகரிப்பு

Print PDF

தி இந்து       22.05.2017

மாநகராட்சி பள்ளி மாணவர்களுக்கு கைகொடுத்த ‘ஸ்பார்க்’ திட்டம்: 10, 12 ம் வகுப்பு தேர்வில் உயர் மதிப்பெண் பெறுவது அதிகரிப்பு

சென்னை மாநகராட்சிப் பள்ளிகளில் செயல்படுத்தப்பட்ட ‘ஸ்பார்க்’ திட்டத்தால், இந்த ஆண்டு 10 மற்றும் 12-ம் வகுப்பு தேர்வில் உயர் மதிப்பெண் பெற்ற மாணவர்களின் எண்ணிக்கை அதிகரித்துள்ளது.

சென்னை மாநகராட்சி கட்டுப் பாட்டில் மொத்தம் உள்ள 281 பள்ளிகளில் 32 மேல்நிலைப் பள்ளிகள், 70 உயர்நிலைப் பள்ளிகள் ஆகும். இப்பள்ளிகளில் 10 மற்றும் 12-ம் வகுப்பு பொதுத் தேர்வுகளில் தேர்ச்சி விகிதம் மற்றும் உயர் மதிப்பெண்கள் பெறுவது குறைவாக இருந்தது.

இந்நிலையில், 10, 12-ம் வகுப்பு தேர்வில் தேர்ச்சி விகிதத்தை உயர்த்தவும், உயர் மதிப்பெண் பெறும் மாணவர்களின் எண்ணிக்கையை உயர்த்தவும், மாணவர்களிடம் மறைந்திருக்கும் ஆற்றலை வெளிக்கொண்டு வரும் ‘தீப்பொறி’ என பொருள்படும் ‘ஸ்பார்க்’ என்ற புதிய திட்டத்தை மாநகராட்சி நிர்வாகம் சோதனை அடிப்படையில் கடந்த ஜனவரியில் தொடங்கியது. இத்திட்டத்தால் தற்போது மாணவர்களின் தேர்ச்சி விகிதமும், உயர்மதிப்பெண் பெறுவதும் அதிகரித்துள்ளது.

இது தொடர்பாக சென்னை மாநகராட்சி கல்வித்துறை அதிகாரி ஒருவர் கூறியதாவது:

சென்னை மாநகராட்சிப் பள்ளிகளில் ‘ஸ்பார்க்’ திட்டத்தை சோதனை அடிப்படையில் தொடங்கி இருக்கிறோம். அதில் 10 மற்றும் 12-ம் வகுப்பில் காலாண்டு, அரையாண்டு தேர்வு மதிப்பெண்களை ஆய்வு செய்து, பாடங்களில் தோல்வி அடைந்த மாணவர்கள், தேர்ச்சி பெற்ற மாணவர்கள், உயர் மதிப்பெண் பெற்ற மாணவர்கள் என வகை பிரித்து, அவர்களை அடுத்த நிலைக்கு அழைத்துச் செல்லும் வகையில் பயிற்சிகள் வழங்கப்பட்டன.

அதற்காக, 5 மாணவர்களுக்கு ஓர் ஆசிரியர் வீதம் நியமித்து, காலை மற்றும் மாலை வேலைகளில் சிறப்பு வகுப்புகளை நடத்தினோம். மேலும் மாநகராட்சி பள்ளிகளில் உள்ள அனுபவம் வாய்ந்த ஆசிரியர்கள் மூலம் சிறப்பு பயிற்சியும் வழங்கப்பட்டது. கூடுதல் பயிற்சி ஏடுகள் மூலமும் பயிற்சி அளிக்கப்பட்டது. காலை உணவும் அளிக்கப்பட்டது.

இதனால், கடந்த ஆண்டு 86.21 சதவீதமாக இருந்த 12-ம் வகுப்பு பொதுத்தேர்வு தேர்ச்சி விகிதம், இந்த ஆண்டு 88.7 சதவீதமாக உயர்ந்துள்ளது. மேலும் 1100-க்கு மேல் மதிப்பெண்கள் பெற்ற மாணவர்களின் எண்ணிக்கை 136 ஆக (கடந்த ஆண்டு 61 மாணவர்கள்) உயர்ந்துள்ளது. 1000-க்கு மேல் மதிப்பெண் பெற்ற மாணவர்களின் எண்ணிக்கை 524 ஆக (கடந்த ஆண்டு 326 மாணவர்கள்) உயர்ந்துள்ளது. பல்வேறு பாடங்களில் 200-க்கு 200 மதிப்பெண் பெற்ற மாணவர்களின் எண்ணிக்கை 119 ஆக (கடந்த ஆண்டு 51 மாணவர்கள்) உயர்ந்துள்ளது.

மேலும் 90 சதவீதத்துக்கு மேல் தேர்ச்சி அளித்த பள்ளிகளின் எண்ணிக்கை 18 ஆக (கடந்த ஆண்டு 16 பள்ளிகள்) உயர்ந்துள்ளது.

10-ம் வகுப்பு தேர்வில் 1.8 சதவீதம் தேர்ச்சி குறைந்தாலும், 100 சதவீதம் தேர்ச்சி அளித்த பள்ளிகளின் எண்ணிக்கை 20 ஆக உயர்ந்துள்ளது. பல்வேறு பாடங்களில் 100 சதவீதம் மதிப் பெண்கள் வாங்கிய மாணவர்களின் எண்ணிக்கை கடந்த ஆண்டு 78 ஆக இருந்தது. இந்த ஆண்டு 189 ஆக உயர்ந்துள்ளது. 450-க்கு மேல் மதிப்பெண்கள் பெற்ற மாணவர்களின் எண்ணிக்கை 312 (கடந்த ஆண்டு 249) ஆக உயர்ந்துள்ளது. அதற்கு ‘ஸ்பார்க்’ திட்டம் செயல்படுத்தப்பட்டதுதான் காரணம்.

இவ்வாறு அவர் கூறினார்.

 


Page 5 of 3984