Urban News

  • Increase font size
  • Default font size
  • Decrease font size
Nagara Seithigal - News Papers

48.74 கி.மீ., ரோடுகளை சீரமைக்க ஒதுக்கீடு ரூ. 21.77 கோடி மாநகராட்சியின் 41 வார்டுகள் புறக்கணிப்பு

Print PDF

தினமலர்    18.11.2017

48.74 கி.மீ., ரோடுகளை சீரமைக்க ஒதுக்கீடு ரூ. 21.77 கோடி மாநகராட்சியின் 41 வார்டுகள் புறக்கணிப்பு  

மதுரை, மதுரை நகரில் பெரும்பாலான ரோடுகள் சேதமடைந்த நிலையில் 48.74 கி.மீ., ரோடுகளை மட்டும் சீரமைக்க, நகர்புற சாலைகள்மேம்பாட்டு திட்டத்தின் கீழ் 21.77 கோடி ரூபாய் ஒதுக்கீடு செய்யப்பட்டுள்ளது.நகரில் 1,500 கி.மீ.,க்கு சாலைகளை மாநகராட்சி பராமரிக்கிறது. கடந்த சட்டசபை தேர்தலுக்கு முன் 90 கி.மீ.,க்கு ரோடுகள் அவசர கதியாக சீரமைக்கப்பட்டன.பெரும்பாலான ரோடுகள் அனைத்தும் 5 முதல் 10 ஆண்டுகளுக்கு முன் அமைக்கப்பட்டவை.இன்று குண்டும்,குழியுமாக உள்ளன. தொடர் மழையால் ரோடுகளில் மெகா பள்ளங்கள் உருவாகின.ரோடு சீரமைப்புக்குஉள்ளாட்சி பிரதிநிதிகளுக்கு 'கட்டிங்' கொடுக்கும் நடைமுறை இருந்ததால் ரோடு பராமரிப்புக்கான நிதி 20முதல் 35 சதவீதம் வரைவீணடிக்கப்பட்டது.தற்போது உள்ளாட்சி பிரதிநிதிகள் இல்லாத நிலையில், ஒதுக்கீடுசெய்யப்பட்டுள்ள 21 கோடி ரூபாயில் தரமான தார் மற்றும் பேவர்பிளாக் ரோடுகள்அமைக்கப்பட உள்ளது.

இதற்காக 5 - 8, 10 - 22, 27, 33, 37- 42, 44 - 47, 75 -77, 80, 81, 83 - 85, 87 - 89, 90-93, 100 ஆகிய வார்டுகளில்குறிப்பிட்ட ரோடுகள் தேர்வு செய்யப்பட்டுள்ன.இதன்படி 59 வார்டுகளில் இப்பணி நடைபெறும். மீதமுள்ள41 வார்டுகள் புறக்கணிக்கப்பட்டுள்ளன. மாநகராட்சி அதிகாரிகள் கூறியதாவது: நகரில் மிகவும் சேதமடைந்துள்ள ரோடுகள்அனைத்தும் தற்போதுமாநகராட்சியின் பொது நிதியில்'ஒட்டுவேலை' பார்க்கப்பட்டு வருகிறது.நகர்புற சாலைகள்மேம்பாட்டு திட்டத்தில் சீரமைக்கப்பட உள்ள ரோடுகள் மிகவும் பாழ் பட்டுள்ளன.அதனால் இவற்றிற்கு தற்போது முக்கியத்துவம் அளிக்கப் பட்டுள்ளன. இந்த ரோடுகளுக்கான டெண்டர் டிச., 12 ல் நடைபெற உள்ளது. மழைக்காலம் முடிந்த பின் ஜன., முதல்ரோடுகள் அமைக்கப்படும்.மற்ற ரோடுகளை மேம்படுத்துவதற்கு மேலும்சில திட்டங்களில்நிதி ஒதுக்கீடுபெற முயற்சி எடுக்கப்பட்டுள்ளது,என்றனர்.
 

கோயம்பேடு மார்க்கெட்டில் 674 கடைகளில் நிலுவை: சொத்து வரி ரூ.1 கோடியே 77 லட்சம் வசூல்

Print PDF

தி  இந்து      21.07.2017

கோயம்பேடு மார்க்கெட்டில் 674 கடைகளில் நிலுவை: சொத்து வரி ரூ.1 கோடியே 77 லட்சம் வசூல்


கோயம்பேடு மார்க்கெட்டில் ரூ.2 கோடியே 48 லட்சம் மதிப்பில் சொத்து வரியை நிலுவையில் வைத் துள்ள 729 கடைகளுக்கு சீல் வைக்க வேண்டும் என்று சென்னை உயர் நீதிமன்றம் உத்தரவிட்டிருந்தது. அதைத் தொடர்ந்து நேற்று முன்தினம் மாநகராட்சி வருவாய்த் துறை அதிகாரிகள், கோயம்பேடு சந்தையில் முகாமிட்டு, சொத்து வரி நிலுவை வைத்துள்ள கடை களை மூடும் நடவடிக்கையை மேற் கொண்டனர். அதைத் தொடர்ந்து நேற்று மாலை 6 மணி நிலவரப்படி, மொத்தம் 674 கடைகள் நிலுவை சொத்து வரியை செலுத்தின. இதனால் ரூ.1 கோடியே 77 லட்சம் வசூலானது. மீதமுள்ள கடைகள் குறித்து மாநகராட்சி அதிகாரி ஒருவரிடம் கேட்டபோது, “கணினியில் ஏற்பட்ட தவறு காரணமாக ஒரே கடைக்கு 2 ரசீதுகள் என 30 கடைகளுக்கு வந்துள்ளது. அதனால் அவற்றை ரத்து செய்துவிட்டோம். தற்போது சீல் வைக்கப்பட்டுள்ள 25 கடை களின் உரிமையாளர்கள், நிலுவை தொகையை செலுத்தி, மாநகராட்சி ஆணையரின் அனுமதி பெற்ற பின்னரே கடைகளைத் திறக்க அனுமதிக்கப்படும்” என்றார்.

 

ரூ.6 கோடியில் 9 நகர்ப்புற ஆரம்ப சுகாதார நிலையங்கள்: சென்னை மாநகராட்சி நடவடிக்கை

Print PDF

தி  இந்து     20.07.2017

ரூ.6 கோடியில் 9 நகர்ப்புற ஆரம்ப சுகாதார நிலையங்கள்: சென்னை மாநகராட்சி நடவடிக்கை

சென்னை மாநகரப் பகுதியில் கூடுதலாக 9 நகர்ப்புற ஆரம்ப சுகாதார நிலையங்களை ரூ.6 கோடியே 90 லட்சம் செலவில் அமைக்க சென்னை மாநகராட்சி நடவடிக்கை எடுத்து வருகிறது.

சென்னை மாநகராட்சிக்கு உட்பட்ட பகுதியில், மாநகராட்சி பராமரிப்பில் 140 நகர்ப்புற ஆரம்ப சுகாதார நிலையங்கள் உள்ளன. இதில் ஒவ்வொரு ஆரம்ப சுகாதார நிலையத்திலும் சராசரியாக தினமும் சிகிச்சைக் காக 160 புறநோயாளிகள் வருகின்றனர். அனைத்து சுகாதார நிலையங்களிலும் சேர்த்து மாதம் சுமார் 4 லட்சத்து 63 ஆயிரம் நோய்களிலும், ஆண்டுக்கு 55 லட்சம் 80 ஆயிரம் நோயாளிகளும் சிகிச்சைக்காக வருகின்றனர். நாளுக்கு நாள் நோயாளிகளின் எண்ணிக்கை அதிகரித்து வரும் நிலையில், மருத்துவரைப் பார்க்க நோயாளிகள் நீண்ட நேரம் காத்திருக்க வேண்டி யுள்ளது. அதனால் சென்னை மாநகராட்சி சார்பில் மேலும் 9 இடங்களில் நகர்ப்புற ஆரம்ப சுகாதார நிலையங்களைத் திறக்க நடவடிக்கை எடுக்கப்பட்டு வருகிறது.

இது தொடர்பாக மாநகராட்சி அதிகாரி ஒருவரிடம் கேட்டபோது அவர் கூறியதாவது:

நோயாளிகள் காத்திருக்காமல் விரைவாக மருத்துவர்களைப் பார்த் துச் செல்லவும், நோயாளிகள் எளிதில் அணுகும் வகையில் அரு காமைப் பகுதியில் மருத்துவ மனைகள் இருக்க வேண்டும் என்பதற்காகவும் மேலும் 9 ஆரம்ப சுகாதார நிலையங்களை அமைக்க இருக்கிறோம். அவை 11-வது வார்டு (திரு வொற்றியூர்), 14-வது வார்டு (மல்லிகாபுரம்), 34-வது வார்டு (விவேகானந்தர் நகர்), 36-வது வார்டு (சர்மா நகர்), 48-வது வார்டு (வி.ஆர்.நகர்), 153-வது வார்டு (போரூர் சக்தி நகர்), 145-வது வார்டு ( நெற்குன்றம் பெருமாள் கோயில் தெரு), 197-வது வார்டு (நங்கநல்லூர்), 155-வது வார்டு (ராயபுரம் பஜனை கோயில் தெரு) ஆகிய இடங்களில் கட்டப்பட உள்ளன என்றார்.

 


Page 2 of 3984