Urban News

  • Increase font size
  • Default font size
  • Decrease font size
Nagara Seithigal - News Papers

பொது மக்களுக்கு விநியோகிக்காமல் உணவகங்களுக்கு குடிநீர் விற்ற 4 லாரிகளுக்கு ரூ.1 லட்சம் அபராதம்

Print PDF

தி இந்து 

பொது மக்களுக்கு விநியோகிக்காமல் உணவகங்களுக்கு குடிநீர் விற்ற 4 லாரிகளுக்கு ரூ.1 லட்சம் அபராதம்

கோப்பு படம்

சென்னைக் குடிநீர் வாரியம் நேற்று வெளியிட்ட செய்திக் குறிப்பு:

பொதுமக்களின் குடிநீர் தேவையைக் கருத்தில் கொண்டு சென்னைக் குடிநீர் வாரியம் வணிக நிறுவனங்களுக்காக விநியோகம் செய்யும் குடிநீர் சேவையை சில மாதங்களுக்கு முன்னர் ரத்து செய்தது. சென்னைக் குடிநீர் வாரிய ஒப்பந்த அடிப்படையிலான லாரிகள் பொது மக்களுக்கு விநியோகிக்கும் குடிநீரை முறைகேடாக பயன்படுத்தினால் கடுமையான நடவடிக்கை எடுக்கப்படும் என குடிநீர் வாரியம் எச்சரிக்கை விடுத்துள்ளது.

குடிநீர் வாரியத்தால் லாரிகள் மூலம் குடிநீர் விநியோகம் செய்வதில் எவ்வித முறைகேடும் நடைபெறாமல் இருக்க அதிகாரிகள் கொண்ட கண்காணிப்புக் குழுவினரை நியமித்து அவர்கள் அனைத்துப் பகுதிகளிலும் கண்காணிப்பில் ஈடுபட்டு வருகின்றனர்.

இந்நிலையில், சென்னை பள்ளிப்பட்டு நீர் நிரப்பு மையம் அருகில் உள்ள கானகத்தில் கண்காணிப்புக் குழு அதிகாரிகள் கண்காணிப்பில் ஈடுபட்டிருந்தபோது குடிநீர் வாரிய ஒப்பந்த லாரிகள் பொது மக்களுக்கு விநியோகம் செய்வதற்கான குடிநீரை முறைகேடாக தனியார் உணவகத்துக்கு விற்பனை செய்தது கண்டறியப்பட்டது.

இதுபோல அண்ணாநகர் பகுதியில் சோதனை செய்தபோது முறைகேட்டில் ஈடுபட்ட 2 லாரிகள் பிடிபட்டன. இதையடுத்து இந்த 4 லாரிகளுக்கும் தலா ரூ.25 ஆயிரம் அபராதம் விதித்ததுடன், அவற்றின் ஒப்பந்த பணி ஆணைகளும் ரத்து செய்யப்பட்டன. இனிவரும் காலங்களில் குடிநீர் வாரிய ஒப்பந்த லாரிகள் முறைகேடுகளில் ஈடுபட்டால் கடும் நடவடிக்கை எடுக்கப்படும். இவ்வாறு அந்த அறிக்கையில் குடிநீர் வாரிய நிர்வாகம் எச்சரித்துள்ளது.
Last Updated on Friday, 07 July 2017 07:38
 

சென்னையின் குடிநீர் பிரச்சினையை போக்குவதற்காக குவாரியில் இருந்து தண்ணீர் எடுக்கும் பணி: அமைச்சர்கள், அதிகாரிகள் நேரில் ஆய்வு

Print PDF

தி இந்து        11.06.2017

சென்னையின் குடிநீர் பிரச்சினையை போக்குவதற்காக குவாரியில் இருந்து தண்ணீர் எடுக்கும் பணி: அமைச்சர்கள், அதிகாரிகள் நேரில் ஆய்வு

மாங்காடு அருகேயுள்ள சிக்கராயபுரம் கல் குவாரியில் இருந்து குடிநீருக்காகத் தண்ணீர் எடுக்கும் பணிகளைப் பார்வையிடும் உள்ளாட்சித் துறை அமைச்சர் எஸ்.பி.வேலுமணி, ஊரக வளர்ச்சித் துறை அமைச்சர் பெஞ்சமின் உள்ளிட்டோர்.
மாங்காடு அருகேயுள்ள சிக்கராயபுரம் கல் குவாரியில் இருந்து குடிநீருக்காகத் தண்ணீர் எடுக்கும் பணிகளைப் பார்வையிடும் உள்ளாட்சித் துறை அமைச்சர் எஸ்.பி.வேலுமணி, ஊரக வளர்ச்சித் துறை அமைச்சர் பெஞ்சமின் உள்ளிட்டோர்.

சென்னையின் குடிநீர் பிரச் சினையை போக்குவதற்காக கல் குவாரியில் இருந்து தண்ணீர் எடுக்கும் பணி நடைபெற்று வருகிறது. இப்பணியை நேற்று அமைச்சர்கள் ஆய்வு செய்தனர்.

சென்னைக்கு குடிநீர் வழங்கும் செம்பரம்பாக்கம், சோழவரம், பூண்டி, புழல் ஏரிகள், வறட்சி காரணமாக வறண்டுள்ளன. இதனால் சென்னையில் குடிநீர் தட்டுப்பாடு ஏற்பட்டுள்ளது. இப்பிரச்சினையைப் போக்க கல் குவாரிகளில் இருக்கும் தண்ணீரை பயன்படுத்த தமிழக அரசு முடிவு செய்தது. இதுகுறித்து நடத்தப்பட்ட ஆய்வில், குவாரி தண்ணீரை குடிக்க பயன்படுத்தலாம் என்று தெரியவந்தது. இதையடுத்து மாங்காடு அருகேயுள்ள சிக்கராயபுரம் கல் குவாரியில் இருந்து தண்ணீர் எடுக்க முடிவு செய்யப்பட்டது. இந்த குவாரியில் இருந்து குழாய் மூலம் தண்ணீர் எடுக்கும் பணி தற்போது நடைபெற்று வருகிறது. உள்ளாட்சித் துறை அமைச்சர் எஸ்.பி. வேலுமணி, ஊரக வளர்ச்சி துறை அமைச்சர் பெஞ்சமின் ஆகியோர் நேற்று இந்த பணிகளை நேரில் சென்று ஆய்வு செய்தனர்.

அமைச்சர் தகவல்

பின்னர் அமைச்சர் எஸ்.பி. வேலுமணி செய்தியாளர்களிடம் கூறியதாவது:

145 வருடங்களுக்கு பிறகு தமிழகத்தில் தற்போது கடும் வறட்சி ஏற்பட்டுள்ளது. தமிழகத்தில் 63 சதவீதம் மழை குறைந்துள்ளது. சென்னையின் குடிநீர் தேவையை சமாளிக்க சிக்கராயபுரம் கல் குவாரியில் இருந்து தண்ணீர் எடுத்து சுத்திகரிக்கப்பட்டு சென்னை மக்களுக்கு வழங்கப்படுகிறது. அதேபோல் திருவள்ளூர் மாவட்டத்தில் 100க்கும் மேற்பட்ட விவசாய கிணறுகளை வாடகைக்கு எடுத்து 7ஆயிரம் நடைகள் லாரி மூலம் தண்ணீர் விநியோகம் செய்யப்பட்டு வருகிறது. கல் குவாரியில் இருந்து தண்ணீர் எடுக்கும் திட்டத்துக்கு ரூ.13.63 கோடி செலவானது. மேலும் 20 நாட்களில் இந்த பணி முடிவடைந்தது. இந்த திட்டத்துக்கு ராட்சத மோட்டார் பம்பு அமெரிக்காவில் இருந்து இறக்குமதி செய்யப்பட்டது. இது சரித்திர சாதனை திட்டம்.

தமிழக அரசு நீர்நிலைகளை தூர்வாரும் பணியை செய்து வருகிறது. இது மக்கள் மத்தியில் நல்ல வரவேற்பை பெற்றுள்ளது. இதனால் திமுகவினரும் நீர்நிலைகளை தூர்வாரும் பணியை செய்கின்றனர். அவர்கள் ஏரியில் உள்ள செடி கொடிகளை மட்டுமே அகற்றுகின்றனர். அவர்கள் ஆட்சியில் இருந்தபோது நீர்நிலைகளை தூர்வாரவில்லை. பத்திரிகையில் செய்தி வர வேண்டும் என்பதற்காகவே தூர்வாரும் பணியை செய்கின்றனர்.

இவ்வாறு அவர் கூறினார்.

ஆய்வின்போது மாவட்ட ஆட்சியர் பா.பொன்னையா, பெரும்புதூர் எம்.பி. கே.என்.ராமச்சந்திரன், எம்.எல்.ஏ. பழனி, சென்னை குடிநீர் வாரிய மேலாண்மை இயக்குநர் அருண்ராய் உள்ளிட்ட பலர் உடன் இருந்தனர்.

 

சென்னை மாநகராட்சி சார்பில் உலக குழந்தை தொழிலாளர் ஒழிப்பு தின உறுதிமொழி ஏற்பு

Print PDF

தி இந்து         13.06.2017

சென்னை மாநகராட்சி சார்பில் உலக குழந்தை தொழிலாளர் ஒழிப்பு தின உறுதிமொழி ஏற்பு

சென்னை மாநகராட்சி சார்பில், உலக குழந்தைத் தொழிலாளர் ஒழிப்பு தின உறுதிமொழி நேற்று ஏற்கப்பட்டது.

கடந்த 2011-ல் எடுக்கப்பட்ட மக்கள் தொகை கணக்கெடுப்பின்படி, இந்தியாவில் ஒரு கோடியே 10 லட்சம் குழந்தைத் தொழிலாளர்கள் (5 முதல் 14 வயதுக்கு உட்பட்டவர்கள்) உள்ளனர். அதில் ஊரகப் பகுதியில் 81 லட்சம் பேரும், நகரப் பகுதியில் 20 லட்சம் பேரும் உள்ளனர். அதிகபட்சமாக உத்தரபிரதேச மாநிலத்தில் 20 லட்சம் குழந்தைத் தொழிலாளர்கள் உள்ளனர். அதற்கு அடுத்தடுத்த இடங்களில் பிஹார், ராஜஸ்தான், மத்திய பிரதேசம், மஹாரஷ்டிரம் ஆகிய மாநிலங்கள் உள்ளன.

நாட்டின் எதிர்கால தூண்களான குழந் தைகளை, இளம் வயதில் பள்ளிக்கு அனுப்பாமல், வேலைக்கு அனுப்புவதைத் தடுக்கும் வகையில், பொதுமக்கள் மத்தி யில் விழிப்புணர்வு ஏற்படுத்தும் விதமாக, ஆண்டுதோறும் ஜூன் 12-ம் தேதி உலக குழந்தைத் தொழிலாளர் ஒழிப்பு தினமாக கடைபிடிக்கப்படுகிறது. இதையொட்டி, குழந்தைத் தொழிலாளர் முறை ஒழிப்பு உறுதிமொழி ஏற்கும் நிகழ்ச்சி சென்னை மாநகராட்சியில் நேற்று நடைபெற்றது. அதில் சென்னை மாநகராட்சி ஆணையர் தா.கார்த்திகேயன் பங்கேற்று, 14 வயதுக்கு உட்பட்ட குழந்தைகளை பள்ளிக்கு அனுப்ப வேண்டும். பணிக்கு அனுப்புவதைத் தடுக்க வேண்டும் என்ற உறுதிமொழியை வாசிக்க, மாநகராட்சி அதிகாரிகளும், பணி யாளர்களும், உறுதிமொழி ஏற்றுக் கொண் டனர். நிகழ்ச்சியில் மாநகராட்சி துணை ஆணையர்கள் எம்.கோவிந்தராவ், ஆர்.லலிதா, எம்.விஜயலட்சுமி ஆகியோர் கலந்துகொண்டனர்.

காவல் ஆணையர்

குழந்தை தொழிலாளர் ஒழிப்பு தினத்தை முன்னிட்டு சென்னை காவல் ஆணையர் ஏ.கே விஸ்வநாதன் தலைமையில் காவல் ஆணையர் அலுவலகத்தில் காவல் அதிகாரிகள் மற்றும் அமைச்சுப் பணி யாளர்கள் குழந்தை தொழிலாளர் ஒழிப்பு நாள் உறுதி மொழி ஏற்றுக்கொண்டனர்.

நிகழ்ச்சியில் கூடுதல் காவல் ஆணையர் எஸ்.என்.சேஷசாயி, துணை ஆணையர்கள் அ.ராதிகா, ஆர்.திருநாவுக்கரசு, எஸ்.விமலா, சரவணன் உள்பட பலர் கலந்து கொண்டனர்.

 


Page 3 of 3984