Urban News

  • Increase font size
  • Default font size
  • Decrease font size
Nagara Seithigal - News Papers

திடக்கழிவு மேலாண்மையில் சாதிக்கிறது மதுக்கரை பேரூராட்சி: வளங்களை மீட்க வழிகாட்டுகிறது ஒரு குப்பைக் கிடங்கு

Print PDF

தி இந்து              13.06.2017

திடக்கழிவு மேலாண்மையில் சாதிக்கிறது மதுக்கரை பேரூராட்சி: வளங்களை மீட்க வழிகாட்டுகிறது ஒரு குப்பைக் கிடங்கு

மட்கும் கழிவுகளால் தயாராகும் உரப் படுக்கை
மட்கும் கழிவுகளால் தயாராகும் உரப் படுக்கை

குப்பைக்கிடங்கு என்றால் மலைபோல குவிந்திருக்கும் குப்பை, துர்நாற்றம், சுகாதாரக் சீர்கேடு ஆகியவை தான் நினைவுக்கு வரும். ஆனால் இந்த பொதுவான கண்ணோட்டத்தை பொய்யாக்கியுள்ளது கோவை மதுக்கரை பேரூராட்சியின் வளம் மீட்பு பூங்கா.

ஆம், இங்கு வளங்களை மீட்டுத் தரக்கூடிய இடமாக ஒரு குப்பைக்கிடங்கு மாற்றப்பட்டுள் ளது. மட்கும் குப்பைகளில் இருந்து இயற்கையான மண்புழு உரம், அதன் தரத்தை நிரூபிக்க வளமான காய்கறித் தோட்டம், பிளாஸ்டிக் கழிவுகளை தார் சாலைக்கான மூலப்பொருட்களாக மாற்றும் திட்டம் என, உள்ளே வரும் அத்தனை கழிவுகளையும், பயனுள்ள பொருளாக மாற்றி அனுப்புகிறது இந்த வளம் மீட்பு பூங்கா.

குப்பைக் கிடங்குகளால் ஏற்படும் பிரச்சினைகளை சமாளிக்க, தமிழகத்தில் 2013-14-ம் ஆண்டில் வளம் மீட்பு பூங்கா திட்டம் அறிமுகப்படுத்தப்பட்டது. குப்பையைத் தரம் பிரித்து, மறுசுழற்சி மூலம் அதை வேறு பயன்பாட்டுக்கு கொண்டு வரவும், சூழல் மாசுபாட்டைத் தடுக்கவும் திட்டமிடப்பட்டு 77 பேரூராட்சிகளில் இத்திட்டத்தை செயல்படுத்த அரசு உத்தரவிட்டது. அதில் ஒன்றாக ரூ.57.25 லட்சம் நிதியில் தொடங்கப்பட்டதுதான் கோவை மதுக்கரை சிறப்பு நிலை பேரூராட்சியின் வளம் மீட்பு பூங்கா.

பேரூராட்சிப் பகுதியில் உள்ள 8300 வீடுகளில் இருந்து மட்கும், மட்காத குப்பையை தனித்தனியாக சேகரித்து, துப்புரவுத் தொழிலாளர்கள் மூலம் இந்த பூங்காவுக்கு கொண்டு வரப்படுகிறது. பின்னர், மீண்டும் ஒருமுறை குப்பை தரம் பிரிக்கப்பட்டு, மட்கும் குப்பையை 60 படுக்கைகளில் குவித்து, தேவையான இயற்கை மூலப் பொருட்கள் சேர்த்து 45 நாட்களில் இயற்கை உரம் தயாராகிறது. பிறகு, சலித்து தூய்மைப்படுத்தி விற்பனைக்கு தயாராக்கப்படுகிறது. இதேபோல, மட்காத பிளாஸ்டிக் கழிவுகளை துல்லியமாக பிரித்தெடுத்து, இயந்திரங்கள் மூலம் சிறு, சிறு துண்டுகளாக வெட்டி பிளாஸ்டிக் தார் சாலைக்கான மூலப் பொருள் தயாரிக்கப்படுகிறது. மற்றொருபுறம், 18 தொட்டிகளில் தரம் மிகுந்த மண்புழு உரம் தயாராகிறது.


பண்ணைகளை பார்வையிடும் அலுவலர்கள்

அமோக விளைச்சல்

தயாராகும் உரங்களின் தரத்தை நிரூபிக்க இவர்கள் தேர்வு செய்த முறைதான் உச்சகட்டம். மொத்தமுள்ள 1.10 ஏக்கர் நிலத்தில் குப்பை தரம் பிரிப்பு, உரத் தயாரிப்புக்கு போக, மீதமுள்ள இடம் அனைத்தையும் பசுமை நிறைந்த விளைநிலமாக மாற்றியுள்ளனர் இங்குள்ள தொழி லாளர்கள். தேர்ந்த விதைகளை விதைத்து, தாங்கள் தயாரித்த உரத் தையே அதில் இட்டு இயற்கை காய் கறிகளை அறுவடை செய்கிறார்கள். பார்வையிட வருவோருக்கு அங்கு விளைந்த காய்கறிகளை இலவசமாக கொடுத்து உதவுகின்றனர் இங்குள்ள துப்புரவுத் தொழிலாளர்கள்.

மக்கள் பிரதிநிதிகள் இல்லாத தால் பல இடங்களில் உள்ளாட்சி நிர்வாகச் செயல்பாடுகள் கேள்விக்குள்ளாக்கப்பட்டு வரும் நிலையில், அலுவலர்கள், தொழிலாளர்கள் முயற்சியாலேயே இங்கு திடக்கழிவு மேலாண்மை திறம்பட நடக்கிறது.

பேரூராட்சி செயல் அலுவலர் டி.செல்வராஜ் கூறும்போது, ‘பேரூராட்சியில் 35,000 மக்கள் வசிக்கின்றனர். நாள் ஒன்றுக்கு 7.39 டன் குப்பை சேகரமாகிறது. கொஞ்சம் கூட வீணாக்காமல் தரம் பிரிக்கிறோம். 60 சதவீத மட்கும் குப்பை கிடைப்பதால் உரத் தயாரிப்பு எளிதாக இருக்கிறது. மட்காத பிளாஸ்டிக் கழிவை தார் சாலைக்கு பயன்படுத்த திட்டமிட்டுள்ளோம். மக்கள் கொடுக்கும் ஒத்துழைப்பே இத்திட்டத்தின் வெற்றி’ என்றார்.

திட்டம் விரிவடையும்

சுகாதார அலுவலர் எம்.திருவாசகம் கூறும்போது, ‘சுகாதாரத்தை காக்க வேண்டும் என்பதால், சுற்றிலும் 100 முள்ளில்லா மூங்கில்கள் வைத்து துர்நாற்றத்தை அறவே தடுத்துள்ளோம். நாள் ஒன்றுக்கு 200 கிலோ இயற்கை உரமும், 25 கிலோ மண்புழு உரமும் கிடைக்கிறது. இந்த உரங்களை வைத்தே வெண்டை, கத்தரி, மிளகாய், தக்காளி, புடலங்காய், பூசணி, முள்ளங்கி, மாதுளை, வாழை, மரவள்ளி ஆகியவற்றை பயிரிட்டு உரத்தின் தரத்தை நிரூபிக்கிறோம்.

உரத் தயாரிப்பால் மண் மாசடையவில்லை என்பதை மாசுக்கட்டுப்பாட்டு வாரியம் உறுதி செய்துள்ளது. உரத்தின் தன்மையை தனியார் ஆய்வுகள் நிரூபித்துள்ளன. வேளாண் துறையின் அங்கீகாரம் கிடைத்ததும், குறைந்த விலையில் விற்பனைக்கு கொண்டு வருவோம். பேரூராட்சிக்கு கூடுதலாக 2.5 ஏக்கர் நிலம் ஒதுக்கப்பட்டுள்ளது. அங்கு இத்திட்டத்தை விரிவுபடுத்தத் திட்டமிட்டுள்ளோம்’ என்றார்.

குப்பையை மலை போலக் குவித்து வைத்துவிட்டு பிரச்சினைகளை எதிர்கொள்ள முடியாமல் தவிக்கும் உள்ளாட்சி நிர்வாகங்களுக்கு, இந்த வளம் மீட்பு பூங்கா ஒரு சரியான பாடம்.

 

2011 - 16ல் திடக்கழிவு மேலாண்மை திட்டத்திற்கு செலவு...ரூ. 1,807 கோடி! குப்பை பிரச்னைக்கு விரைவில் தீர்வு: அமைச்சர் நம்பிக்கை

Print PDF

தினமலர்     09.06.2017

2011 - 16ல் திடக்கழிவு மேலாண்மை திட்டத்திற்கு செலவு...ரூ. 1,807 கோடி! குப்பை பிரச்னைக்கு விரைவில் தீர்வு: அமைச்சர் நம்பிக்கை


''பெருங்குடி, கொடுங்கையூரில் உள்ள குப்பையைக் கொண்டு மின்சாரம் தயாரிக்கவும், சென்னையில் தினமும் சேகரமாகும் 5,400 டன் குப்பை மூலம் மின்சாரம் தயாரிக்கவும், தனித்தனியாக திட்டங்கள் உருவாக்கப்பட்டுள்ளன,'' என, உள்ளாட்சி துறை அமைச்சர் வேலுமணி கூறினார்.உலக சுற்றுச்சூழல் தினத்தை முன்னிட்டு, மக்கும் குப்பை, மக்காத குப்பையை பிரித்து பெற, இரண்டு வண்ணங்களில் குப்பை தொட்டிகள், மூன்று சக்கர சைக்கிள்கள் வழங்கும் நிகழ்ச்சி, ரிப்பன் மாளிகை வளாகத்தில், நேற்று நடந்தது. விழாவில், உள்ளாட்சி துறை அமைச்சர் வேலுமணி பேசியதாவது:ரூ.303 கோடிகடந்த, 2011 - 16ம் ஆண்டுகளில், திடக்கழிவு மேலாண்மை திட்டங்களுக்காக, 1,807 கோடி ரூபாயை, அரசு செலவழித்துள்ளது. அதற்கு முந்தைய, ஐந்து ஆண்டுகளுக்கு, தி.மு.க., அரசு, வெறும், 303 கோடி ரூபாய் மட்டுமே, திடக்

கழிவு மேலாண்மை பணிகளுக்கு செலவழித்தது.

சென்னையில், நாள் ஒன்றுக்கு, 5,400 டன் குப்பையும், இதர மாநகராட்சி, நகராட்சிகளில் சேர்த்து, 7,597 டன் குப்பையும், பேரூராட்சிகளில், 1,967 டன் குப்பையும், ஊராட்சி பகுதிகளில், 2,340 டன் குப்பை என, தமிழகம் முழுவதும், மொத்தம், 17,304 டன் குப்பை சேகரமாகிறது.

குப்பை கழிவுகளை கையாள்வது சவாலான பணி. ஊரக பகுதிகளிலும், பேரூராட்சிகளிலும் சிறிய அளவில் குப்பை சேகரமாவதால், அவற்றை மறு சுழற்சி செய்யும் திட்டங்கள் வெற்றிகரமாக செயல்படுத்தப்படுகின்றன. ஆனால், 70 லட்சம் மக்கள் வசிக்கும் சென்னையில், 5,400 டன் குப்பை தினசரி கையாள்வது பெரும் சவாலாகும். பல நிறுவனங்கள், திடக்கழிவு மேலாண்மை திட்டங்களை கொண்டு வருகின்றன. ஆனால், அந்த திட்டங்கள், சென்னையில் நடைமுறை சாத்தியம் இல்லாதவையாக உள்ளது.

மின்சாரம்

தற்போது குப்பையில் இருந்து மின்சாரம் தயாரிக்கும் திட்டத்தை, மாநகராட்சி செயல்படுத்த

உள்ளது. இந்த திட்டம் இறுதி வடிவம் பெற்றுள்ளது. விரைவில், முதல்வர் ஒப்புதல் பெற்று, கொடுங்கையூர், பெருங்குடியில் சேகரமாகியுள்ள குப்பையில் இருந்து மின்சாரம் தயாரிக்கவும், சென்னையில் தினமும் சேகரமாகும் குப்பையில் இருந்து மின்சாரம் தயாரிக்கவும், தனித்தனியாக திட்டங்கள் செயல்படுத்தப்படும்.இவ்வாறு அமைச்சர் பேசினார்.

நகராட்சி நிர்வாக துறை செயலர், ஹர்மேந்தர் சிங் பேசுகையில், ''சென்னையில் 70 லட்சம் மக்கள் வசிக்கும் நிலையில், குப்பை அகற்றும் பணியில், 18 ஆயிரம் ஊழியர்கள் மட்டுமே ஈடுபட்டு

உள்ளனர்; ''இந்த எண்ணிக்கை போதாது. இதனால் பொதுமக்கள், தங்கள் வீடுகளிலேயே, குப்பையை தரம் பிரித்து வழங்க முன்வர வேண்டும்,'' என்றார்.நிகழ்ச்சியில் அமைச்சர்கள் ஜெய

குமார், பெஞ்ஜமின், ஐ.ஏ.எஸ்., அதிகாரிகள் சந்திரகாந்த் காம்ளே, காக்கர்லா உஷா, கார்த்திகேயன், பிரகாஷ், மகரபூஷ்ணம், அருண்ராய் உள்ளிட்டோர் கலந்து கொண்டனர். -நமது நிருபர் -

 

போட்டி தேர்வுக்கு வழிகாட்டும் மதுரை மாநகராட்சி வளாகம்: 4,000 பேர் அரசு பணியில் சேர உதவியது

Print PDF

தி இந்து           02.06.2017

போட்டி தேர்வுக்கு வழிகாட்டும் மதுரை மாநகராட்சி வளாகம்: 4,000 பேர் அரசு பணியில் சேர உதவியது

மதுரை மாநகராட்சி அலுவலக வளாகத்தில் உள்ள மர நிழல்களில் குழுக்களாக படித்து, கருத்துகளைப் பகிர்ந்து கொள்ளும் இளைஞர்கள். படங்கள்: ஆர்.அசோக்.
மதுரை மாநகராட்சி அலுவலக வளாகத்தில் உள்ள மர நிழல்களில் குழுக்களாக படித்து, கருத்துகளைப் பகிர்ந்து கொள்ளும் இளைஞர்கள். படங்கள்: ஆர்.அசோக்.

மதுரை மாநகராட்சி, காந்தி மியூசியம் வளாகம் 4 ஆயிரம் பேரை மத்திய, மாநில அரசு பணிகளுக்கு அனுப்பியதோடு, போட்டித் தேர்வர்களுக்கும் வழிகாட்டியாக உள்ளது.

வேலைவாய்ப்பு அலு வலகங்களில் பதிவு செய்தால் மட்டுமே, அரசு பணி என்ற நிலை குறைந்து, அரசின் 90 சதவீத துறைகளில் பணியில் சேர போட்டித் தேர்வில் தேர்வானால் மட்டுமே முடியும் என்ற நிலை உள்ளது.

டிஎன்பிஎஸ்சி, வங்கி போட்டித் தேர்வுகளுக்கான ஆர்வம் அதிகரிப்பால் அதற்கான தனியார் பயிற்சி மையங்களும் பெருகிவிட்டன. தனியார் பயிற்சி மையங்கள் சிலருக்கு பயனுள்ளதாக இருந்தாலும், கட்டணம் செலுத்த இயலாத ஏழை இளைஞர்களுக்கு திறந்தவெளி ‘ஸ்டடி சர்க்கிள்’ வளாகமே உதவுகிறது. சமீபகாலமாக தென் மாவட்ட இளைஞர்களுக்கு மதுரை மாநகராட்சி அலுவலகம், காந்தி மியூசியம் மற்றும் பழநி ஆயக்குடி திறந்தவெளி பயிற்சி வளாகங்கள் பெரிதும் நம்பிக்கையை அளித்துள் ளன.

1994-ம் ஆண்டு காலகட்டத்தில் மதுரை சட்டக்கல்லூரி உட்பட சில கல்லூரி மாணவர்கள் மதுரை காந்தி மியூசியம், மாநகராட்சி வளாகத்தை தேர்ந்தெடுத்து போட்டித் தேர்வுகளுக்கு படிக்கத் தொடங்கினர். படிப்படியாக அரசு பணிக்கு பலர் சென்றதால் தற்போது, அங்கு படிப்போர் எண்ணிக்கை அதிகரித்துள்ளது. இரு வளாகத்திலும் டிஎன்பிஎஸ்சி, வங்கி, ஆசிரியர் வாரிய தேர்வு உட்பட பல்வேறு தேர்வுகளுக்கு தயாராகின்றனர்.

தினமும் 800-க்கும் மேற்பட்டோர் குழுக்களாக கூடி, நண்பர்களாக பழகி படிக்கின்றனர். பெண்களும் அதிகமாக படிக்க வருகின்றனர். குறிப்பிட்ட ஒரு பாடத்தை படிக்கும்போது, மற்றவர்கள் கவனிக்கின்றனர். சந்தேகங்களை நிவர்த்தி செய்கின்றனர்.

நிசப்தமான சூழலில் ஒருங்கிணைந்த பயிற்சி வெற்றிக்கு வழிகாட்டுகிறது என அவர்கள் கூறுகின்றனர்.


மணிவண்ணன் - மலைச்சாமி

மணிவண்ணன் (கூடல்நகர்):

தனியார் நிறுவனத்தில் பணிபுரிந்து கொண்டே படித்ததால் சில வாய்ப்புகள் நழுவின. தற்போது முழுநேரமாக படிக்கிறேன். 1990-களில் இங்கு படித்து அரசு பணியில் இருப்பவர்கள் இங்கு வந்து அனுபவங்களை சொல்வது பயன் தருகிறது. விருதுநகர், சிவகங்கை, திண்டுக்கல், சங்கரன்கோவில், நெல்லை, திருவில்லிபுத்தூர், ராஜபாளையம், ராமநாதபுரம் உட்பட தென் பகுதியைச் சேர்ந்த ஏராளமானோர் மதுரையில் அறை எடுத்து தங்கி படிக்கின்றனர். இங்கு வந்தால் போட்டித் தேர்வு ஆர்வம் தொற்றிக் கொள்கிறது. இவ்வளாகத்தில் படிக்க முடிந்த உதவியை மாநகராட்சி நிர்வாகம் செய்கிறது என்றார்.

ஏ.மலைச்சாமி (மதுரை):

நான் விருதுநகரில் கூட்டுறவுத் துறையில் உயர் அலுவலராக பணிபுரிகிறேன். 1994-ல் இங்கு படிக்கத் தொடங்கி 2000-ம் ஆண்டில் பணியில் சேர்ந்தேன். இங்கு வருவோர் நம்பிக்கை இழக்கக் கூடாது. ஒவ்வொரு தேர்விலும் சக நண்பர்கள் பணியில் சேரும்போது நம்பிக்கை பிறக்கும். நாங்கள் படிக்கும்போது, போட்டித் தேர்வு மிக குறைவு. தற்போது அதிக தேர்வுகள் வருகின்றன. மத்திய அரசு பணிகளுக்கான தேர்வுகளை அதிகமாக எழுதலாம். விடுமுறையில் வருகிறோம். தேவையான உதவியை செய்ய தயாராக உள்ளோம். ஆர்வமுள்ளவர்கள் இங்கு வந்தால் வழிகாட்டப்படும் என்றார்.

கோபிநாத் - பூமிநாதன்

மனம் தளரக் கூடாது

எஸ்.கோபிநாத் (மதுரை):

1994-ல் இவ்வளாகத்தில் 30 பேர் குழுவாக படிக்கத் தொடங்கினோம். நாங்களே முதல் குழு. எஸ்எஸ்சி தேர்வு மூலம் ரயில்வே துறையில் சேர்ந்தேன். நிதித்துறையில் மூத்த அதிகாரியாக பணிபுரிகிறேன். என்னுடன் படித்த 30 பேரும் பல்வேறு பணிகளில் உள்ளனர். முதலில் போட்டித் தேர்வர்களுக்கு நம்பிக்கை வேண்டும். நேர்காணல் போன்ற தேர்வில் தோல்வியைத் தழுவினாலும், மனம் தளரக் கூடாது.

இங்கு படிப்பவர்கள் ஒவ்வொரு தேர்விலும் 30 - 40 பேர் பணிக்குச் செல்கின்றனர். கடந்த 23 ஆண்டுகளில் சுமார் 4000 பேர் மத்திய, மாநில அரசு துறை பணிகளில் சேர்ந்துள்ளனர். இவ்வளாகம் வந்தாலே ஏதாவது ஒரு தேர்வில் வெற்றி பெறலாம் என்ற நம்பிக்கை வருகிறது.

இங்கு தேர்வுக்கு வழிகாட்டுதலும் கிடைக்கும். டிஎன்பிஎஸ்சி தவிர, பிற தேர்வுகளையும் எழுதவேண்டும். என்னை போன்ற சிலர் விடுமுறையில் வந்து முடிந்த ஆலோசனையைத் தருகிறோம் என்றார்.

தேர்வுக்கு தயாராகும் பூமிநாதன் (கோ. புதூர்):

தனியார் பயிற்சி மையம் ஒன்றில் படித்தேன். அடிப்படையை மட்டுமே தெரிந்து கொள்ளலாம். இங்கு வந்தபின் குழுவாகச் சேர்ந்து படிப்பது பயனுள்ளதாக உள்ளது. அடுத்த தேர்வில் வெற்றிபெற்று விடுவேன் என்ற நம்பிக்கை உள்ளது என்றார்.

 


Page 4 of 3984