துப்புரவுப்பணி தனியார்வசம்? மாநகராட்சியில் காரசார விவாதம்

இதற்கு நிரந்தர தீர்வு காணும் வகையில் நேற்று நடந்த திருச்சி மாநகராட்சி அவசரக்கூட்டத்தில், “இப்பணிகளை தனியார்வசம் ஒப்படைக்கலாம்’ என்று உறுப்பினர்களின் ஒப்புதலுக்கு வைக்கப்பட்டிருந்தது. தி.மு.க., கவுன்சிலர் அன்பழகன்: அவசரக்கூட்டம் என்றால் 24 மணி நேரத்துக்கு முன்னர் தகவல் அளிக்க வேண்டும் என்றுள்ளது. காலையில் வந்து அவசரக்கூட்டம் என்று அழைப்பது முறையா? கோட்டத்தலைவர் சீனிவாசன்: கடந்தாண்டு இதைவிட மோசமாக அவசரக்கூட்டம் நடந்தது. அதற்கு தற்போது பரவாயில்லை. இனிமேல் எல்லாம் சரியாகிவிடும்.

தி.மு.க., கவுன்சிலர் அன்பழகன்: திருச்சி மாநகராட்சியில் ஏற்கனவே இரண்டு முறை துப்புரவுப்பணிகள் தனியாரிடம் ஒப்படைக்கப்பட்டு, அவர்களின் பணி சரியில்லை என்ற காரணத்தினால் ஒப்பந்தம் பாதியில் ரத்து செய்யப்பட்டது. அப்படி இருக்கும்போது, மீண்டும் தனியாரிடம் ஒப்படைப்பது எப்படி சரியாக இருக்கும்?
கமிஷனர் வீரராகவராவ்: கடந்த முறை ஏற்பட்ட பிரச்னைகளை ஆராய்ந்த பின்னரே இப்பொருள் விவாதத்துக்கு வைக்கப்பட்டுள்ளது. துப்புரவுப்பணிகள் சிறப்பாக நடக்க கடுமையாக நிபந்தனைகள் விதிக்கப்படும். தி.மு.க., கவுன்சிலர் அன்பழகன்: மாநகராட்சியில் இருந்த 2,250 துப்புரவுப்பணியாளர்களில் பலர் ஓய்வுப்பெற்று, தற்போது 1,500 பேர் மட்டுமே பணியில் உள்ளனர். தனியாரிடம் ஒப்படைப்பதுக்கு பதில், துப்புரவுப்பணியாளர்களை தொகுப்பூதியத்தில் நியமிக்கலாமே?

கமிஷனர் வீரராகவராவ்: அரசு உத்தரவின்படி, புதிய ஆட்கள் நியமனத்துக்கு தடை விதிக்கப்பட்டுள்ளது. அதனால், நாம் நேரடியாக யாருக்கும் வேலை கொடுக்க முடியாது. இவ்வாறு விவாதம் நடந்தது. இறுதியில், “திருச்சி மாநகராட்சி துப்புரவுப்பணிகளை தனியார் வசம் ஒப்படைக்கலாம்’ என்று ஒருமனதாக தீர்மானம் நிறைவேற்றப்பட்டது.