தேர்வுக்கு தயாராகும் மாணவ, மாணவியருக்கு புது தெம்பு!: மாநகராட்சி பள்ளிகளில் சுடச்சுட சுண்டலுடன் டீ

மார்ச் முதல் தேதியில் பிளஸ் 2 பொதுத்தேர்வு துவங்குகிறது. கோவை மாவட்டத்தில் பிளஸ் 2 தேர்ச்சி சதவீதம் கடந்த ஆண்டு 88 சதவீதமாக இருந்தது. இந்த ஆண்டு 95 சதவீத தேர்ச்சி எனும் இலக்கு நிர்ணயித்து, தேர்ச்சி சதவீதத்தை அதிகரிக்கும் வழிமுறைகள் குறித்து மாவட்ட முதன்மை கல்வி அலுவலர் ஆனந்தி வலியுறுத்தி வருகிறார். படிப்பில் பின்தங்கிய மாணவர்களை தேர்வு செய்து காலை, மாலையில் சிறப்பு வகுப்புகள் நடத்த உத்தரவிட்டுள்ளார். தேர்ச்சி சதவீதம் குறையும் பள்ளிகளுக்கு பாடவாரியாக விளக்கம் கேட்டு நோட்டீஸ் அனுப்பும் முறை, இந்த ஆண்டு முதல் துவங்கப்பட்டுள்ளதால், அரசு பள்ளி ஆசிரியர்கள் சிறப்பு வகுப்புகள் நடத்தி பயிற்சி அளித்து வருகின் றனர். மாணவர்களின் கல்வித்திறனை “சுமார்‘, “நன்கு படிப்பவர், “வீக்‘ என மூன்று பிரிவுகளாக பிரித்து, பயிற்சி தருகின்றனர். ஆனால், தேர்ச்சியை உயர்த்த வெறும் பயிற்சி மட்டும் போதாது. மாலை நேர பசியாலும், அசதியாலும் மாணவ, மாணவியர் படிப்பில் முழு கவனம் செலுத்த முடியாமல் சிரமப்படுகின்றனர். பல பள்ளிகளில் “விட்டால் போதும்‘ என்ற எண்ணத்துடன் கொட்டாவி விட்டபடி சிறப்பு வகுப்புகளில் அமர்ந்துள்ளனர்.

இது பற்றி, பாலகிருஷ்ணன் கூறியதாவது:பள்ளிக்கு காலை 8.30 மணிக்கு வரும் மாணவர்கள், மாலை 6.00 மணிக்கு மேல்தான் வீடு திரும்புகின்றனர். காலையில் அவசரமாக சாப்பிட்டும் சாப்பிடாமலும் கிளம்பி வந்து விடுகின்றனர். சில மாணவர்கள் மதியமும் சாப்பிடுவதில்லை. பசி, அசதியுடன் காணப்படும் மாணவர்களால் மாலை நேர சிறப்பு வகுப்புகளில் முழு கவனம் செலுத்த முடிவதில்லை. இதை தவிர்க்க, முந்தைய நாளில் சுண்டல் அல்லது பட்டாணி வாங்கி ஊற வைத்து மறுநாள் வேக வைத்து, சுடச்சுட தருகிறோம். வடை போன்ற எண்ணெய் பலகாரங்கள் தருவதை விட பட்டாணி, சுண்டல் அளிப்பதால் உடலுக்கு தெம்பு கிடைக் கிறது. அடுத்த ஒரு மணி நேரம் உற்சாகமுடன் �டங்களை படிக்க இதில் இருந்து கிடைக்கும் சக்தி போதுமானது. எனது சொந்த நிதியில் இதுவரை செய்து வருகிறேன்; விருப்பமுள்ளோரும் உதவலாம். இவ்வாறு, பாலகிருஷ்ணன் தெரிவித்தார். இதே போல், அனைத்து அரசு பள்ளிகளிலும் தனியாக நிதி ஒதுக்கீடு செய்து மாணவர்களின் மாலை நேர பசி மயக்கத்தை போக்கினால், நிர்ணயித்த 95 சதவீத தேர்ச்சி இலக்கை எளிதாக எட்ட முடியும் என்கின்றனர், ஆசிரியர்கள்.