மாநகராட்சிக்கு வழங்கிய இடத்தை சென்னை பெண் அதிகாரி ஆய்வு

தூத்துக்குடி:தூத்துக்குடி மாநகராட்சி மாவட்ட நிர்வாகத்திற்கு வழங்கிய இடத்திற்கு பதிலாக மாவட்ட நிர்வாகம் வழங்கியுள்ள புதிய இடத்தை சென்னை மாநகராட்சி பெண் அதிகாரி ஆய்வு செய்தார்.தூத்துக்குடி மாநகராட்சிக்கு சொந்தமான தருவைகுளம் உரக்கிடங்கிற்கு அருகே உள்ள சுமார் 10 ஏக்கர் இடத்தை புதிய சமத்துவபுரம் கட்டுவதற்கு மாவட்ட நிர்வாகத்திற்கு மாநகராட்சி வழங்கியுள்ளது. இதன் அரசு மதிப்பு ஒரு ஏக்கருக்கு சுமார் ஒரு லட்சம் என்று கூறப்படுகிறது. இந்த இடத்திற்கு பதிலாக மாவட்ட நிர்வாகத்திற்கு சொந்தமான அரசு இடமான தருவைகுளம் கடலோர காவல்படை அலுவலகம் அருகே சுமார் 28 ஏக்கர் நிலத்தை வழங்கியுள்ளது. இந்த பகுதியில் ஒரு ஏக்கர் நிலம் அரசு மதிப்பு படி சுமார் 35 ஆயிரத்திற்கு மேல் போவதாக கூறப்படுகிறது.