மலத்தொட்டி கழிவு நீர் வெளியேற ம வடிவ குழாய் பொருத்த யோசனை

தினமணி 10.02.2010

புதுச்சேரி, பிப். 9: மலத்தொட்டி கழிவு நீரை வெளியேற்ற ‘ம‘ வடிவ குழாய் பொருத்த யோசனை தெரிவிக்கப்பட்டுள்ளது.

புதுச்சேரி பகுதியில் கொசுக்களை ஒழிக்க இம்மாதம் 10-ம் தேதி முதல் 16 தேதி வரை தீவிர கொசு ஒழிப்பு வாரம் நடத்த சுகாதாரத் துறை திட்டமிட்டுள்ளது. இந்த கொசு ஒழிப்பு வாரத்தில் சுகாதாரத்துறை, உள்ளாட்சித்துறை, பொதுப்பணித்துறை சேர்ந்து கொசு ஒழிப்புப் பணியில் ஈடுபடும்.

மேலும் மேல்நிலைத் தொட்டிகளையும், கீழ்நிலை தொட்டிகளையும் மூடி வைக்க வேண்டும். கிணறுகளை வலை போட்டு மூடி வைக்க வேண்டும். பயன்படுத்திய நீரை தேங்காமல் அப்புறப்படுத்துவதால் கொசுக்கள் உருவாகாமல் தடுத்த முடியும். பயனற்ற பொருள்களை மட்காத குப்பை மற்றும் மட்கும் குப்பை என பிரித்து அப்புறப்படுத்துவதாலும், ஆட்டுரலை மழை நீர் தேங்காமல் கவிழ்த்து வைப்பதாலும் கொசுக்களை தடுக்க முடியும். குடிக்க பயன்படுத்தும் நீரில் உருவாகும் கொசுக்களை தடுக்க கம்பூசியா என்ற மீன் சுகாதாரத்துறை மூலம் வழங்கப்பட இருக்கிறது. தற்போது மேற்கொள்ளப்படும் கொசு ஒழிக்கும் பணிக்கு நகராட்சி கவுன்சிலர்கள் தங்கள் முழு ஆதரவை அளிக்க வேண்டும் என்றார்.