வேகத்தடை அமைக்க நடவடிக்கை எடுக்க வேண்டும் நாகை நகராட்சி கூட்டத்தில் கவுன்சிலர்கள் வலியுறுத்தல்

ஆணையர்: நகராட்சியில் 4 கொசு மருந்து அடிக்கும் இயந்திரம் தான் உள்ளது. கூடுலாக கொசு மருந்து அடிக்க இயந்திரம் வாங்க நடவடிக்கை எடுக்கப்பட்டுள்ளது. சுகாதாரப்பணியாளர்களும் பற்றாக்குறையாக உள்ளதால் வார்டு வாரியாக கொசு மருந்து அடிக்க தெரிவித்துள்ளோம்.தலைவர்: சுகாதாரப்பணிகள் மற்றும் கொசுக்களை கட்டுப்படுத்த விரைவில் நடவடிக்கை எடுக்கப்படும்.ஜோதிராமன்: நகரில் அதிவேகமாக செல்லும் ஆட்டோக்களை கட்டுப்படுத்தவும், முக்கியமாக 13 இடங்களில் வேகத்தடை அமைக்கவும் பல கூட்டங்களில் தெரிவித்தும் நடவடிக்கை இல்லை. அதிகாரிகள் அலட்சியம் காட்டுகின்றனர். கவுதமன்: சமீபத்தில் மத்திய பிரதேச மாநில முதல்வர் சிவராஜ் சிங்சவ்கான் வந்தபோது நகரில் இருந்து ஒரு சில வேகத்தடைகளையும் அதிகாரிகள் அகற்றிவிட்டனர்.

இதனால் ஆட்டோக்களும், பைக்குகளும் அதிவேகமாக செல்கின்றன.தலைவர்: நகராட்சி அதிகாரிகளின் செயல்பாடு எனக்கே வருத்தமாகத்தான் உள்ளது. குடியரசு தினவிழாவிற்கு நான் வந்தும் பல அதிகாரிகள் வரவில்லை.துணைத்தலைவர்: நகராட்சி பணிகளை முறையாக செயல்படுத்தாத அதிகாரிகள் மற்றும் பணியாளர்கள் மீது தலைவர் உரிய நடவடிக்கை எடுக்கவேண்டும். ஒப்பந்தக்காரர்களின் பில்லை விரைவில் அதிகாரிகள் பாஸ் செய்தால் தான் நகராட்சி பணிகளை ஒப்பந்தக்காரர்களும் விரைந்து முடிக்க வசதியாக இருக்கும்.தலைவர்: நானும், ஆணையரும் சேர்ந்து தவறு செய்யும் பணியாளரை கண்டித்தால் அவருக்கு ஆதரவாக கவுன்சிலர்கள் வருகின்றனர். இப்படி இருந்தால் எப்படி பணியாளர்களை கண்டிக்க முடியும். பரணிக்குமார்: எனது வார்டில் 100க்கும் அதிகமான மக்களுக்கு இலவச மனைப்பட்டா வழங்க சர்வே எடுக்கப்பட்டு பல ஆண்டுகளாகிறது.

எப்போது இலவச பட்டா வழங்குவீர்கள். கோடைக்காலம் தொடங்குவதால் நகரில் குடிநீர் தட்டுப்பாட்டை போக்க அவசர நடவடிக்கை எடுக்கவேண்டும்.ஜோதிராமன்: நகராட்சி சார்பில் ரூபாய் பல லட்சம் மதிப்பீட்டில் மின்சார சுடுகாடு கட்டப்பட்டு வீணாகியுள்ளது. இதனால் பொதுமக்கள் எங்களை திட்டுகின்றனர். மின்சார சுடுகாட்டின் நிலை என்ன?.சசிக்குமார்: எனது வார்டில் வாக்காளர் கணக்கெடுப்பு பணி நடப்பது பற்றி நகராட்சி அலுவலகத்தில் விசாரித்தபோது பணியாளர் ஒருவர் கவுன்சிலருக்கு தெரிவிக்கவேண்டியதில்லை என்று பொறுப்பற்ற முறையில் பதில் கூறுகிறார். ஆணையர்: கவுன்சிலர்களின் கேள்விக்கு பணியாளர்கள் முறையாக பதில் கூறவேண்டும். இனிமேல் பணியாளர்கள் தவறு செய்யமாட்டார்கள். பணியாளரின் தவறுக்கு நான் வருத்தம் தெரிவித்துக்கொள்கிறேன்.