சென்னையில் 40 இடங்களில் புதிய மணிக்கூண்டு

சென்னை: சென்னை நகரில் புதிதாக 40 இடங்களில் மணிக்கூண்டுகள்
அமைக்கப்படுகின்றன. இதற்கான இடங்கள் தேர்வு செய்யும் பணி விறுவிறுப்பாக
நடந்து வருகிறது.மன்னர்கள் காலத்தில் காலத்தை அறிய பறையறிவித்தல் முறை
இருந்தது. ஆங்கிலேயர் காலத்தில் பொதுவான இடத்தில் மணிக்கூண்டுகள்
கட்டப்பட்டு பிரமாண்ட கடிகாரங்கள் வைக்கப்பட்டன. அதிலிருந்து எழும் மணி
சத்தத்தை கேட்டு மக்கள் தங்கள் அன்றாட பணிகளை தொடங்கினர். காலப்போக்கில்
மணிக்கூண்டில் மணி பார்ப்பவர்கள் எண்ணிக்கையும் குறைந்து விட்டது.
மணிக்கூண்டுகளை பராமரிக்காததால் அதன் உபயோகமும் குறைந்தது. ஆனால்
ஆங்கிலேயர் காலத்தில் ஏற்படுத்தப்பட்ட முறை என்ற நிலையில் பாரம்பரியம்
கருதியும், நகரின் லேண்ட் மார்க் என்ற நிலையிலும் மணிக்கூண்டுகள் இன்றளவும்
பாதுகாக்கப்படுகின்றன.