பழனி நகராட்சி சார்பில் பன்றிகள் பிடிப்பு

தினமணி 08.10.2010

பழனி,​​ அக்.​ 7:​ பழனியில் நகராட்சி சார்பில் பன்றிகள் பிடிக்கப்பட்டு,​​ நகருக்கு வெளியே கொண்டு சென்று விடப்பட்டன . ​ ​ ​ ​ ​ பழனியில் பாளையம்,​​ அடிவாரம்,​​ கிரி வீதி உள்ளிட்ட பல வார்டு பகுதிகளில் பன்றிகள் கூட்டம் கூட்டமாகச் சென்று சாக்கடையை கிளறி நோய்களை பரப்பிய வண்ணம் இருந்தன.​ ​

​ இந் நிலையில்,​​ புதன்கிழமை அதிகாலை முதல் நகராட்சி சார்பில் நகரில் சுற்றித் திரிந்த பன்றிகள் பிடிக்கப்பட்டன.​ ​ இதற்காக கோவை மாவட்டத்தில் இருந்து பன்றிகளைப் பிடிக்கும் 15 பேர் கொண்ட குழு வலையுடன் அழைத்து வரப்பட்டது.

​ ​ ​ காலை முதல் பழனி நகரின் பல்வேறு பகுதிகளில் 65 பன்றிகள் பிடிக்கப்பட்டன.​ ​ இவை பொதுமக்களுக்கு தொந்தரவு இல்லாத பகுதியில் கொண்டு சென்று விடப்பட்டன.​ ​ பழனி நகர்மன்றத் தலைவர் ராஜமாணிக்கம்,​​ நகராட்சி ஆணையர் மூர்த்தி ஆகியோர் உத்தரவின் பேரில்,​​ நகராட்சி சுகாதார ஆய்வாளர்கள் பழனிச்சாமி,​​ நெடுமாறன்,​​ மணிகண்டன்,​​ மதுரைவீரன்,​​ சையது அபுதாகீர் உள்ளிட்ட பலர் இப் பணியில் ஈடுபட்டனர்.​