தினகரன் 29.10.2010
இன்று மாநகராட்சி கூட்டம் சாதனை மலர் வெளியீடு
சென்னை, அக். 29: சென்னை மாநகராட்சி மன்ற கூட்டம் மேயர் மா.சுப்பிரமணியன் தலைமையில் இன்று காலை 10 மணிக்கு நடைபெறுகிறது. ஆணையாளர் கார்த்திகேயன், துணை மேயர் சத்யபாமா முன்னிலை வகிக்கிறார்கள். வடகிழக்கு பருவமழைக்கான முன் எச்சரிக்கை நடவடிக்கைகள் குறித்து கூட்டத்தில் விவாதிக்கப்பட உள்ளது.
மாநகராட்சியின் 4ம் ஆண்டு நிறைவு சாதனை மலர் புத்தகம் 180 பக்கத்தில் தயாரிக்கப்பட்டுள்ளது. முதல்வர் கருணாநிதி, துணை முதல்வர் மு.க.ஸ்டாலின் வாழ்த்துச் செய்தியுடன் இந்த சாதனை மலர், மன்ற கூட்டத்தில் வெளியிடப்படுகிறது. முன்னதாக காலை 9.30 மணிக்கு சென்னை பல்கலைக்கழக செனட் உறுப்பினருக்கான தேர்தல் நடைபெற உள்ளது.
