தினமணி 29.08.2009
ஸ்டாலின் தம்பதியை பாராட்டி சென்னை மாநகராட்சி தீர்மானம்
சென்னை, ஆக. 28: உடல் தானம் செய்த துணை முதல்வர் மு.க. ஸ்டாலின், அவரது மனைவி துர்காவதி ஸ்டாலின் ஆகியோரை பாராட்டி சென்னை மாநகராட்சியில் தீர்மானம் நிறைவேற்றப்பட்டது.
சென்னை மாநகராட்சி மன்றக் கூட்டத்தில் பாராட்டு தீர்மானத்தை மேயர் மா. சுப்பிரமணியன் கொண்டு வந்தார்.
அப்போது அவர் பேசியது:
மியாட் மருத்துவமனையில் வெள்ளிக்கிழமை நடைபெற்ற நிகழ்ச்சியில் பங்கேற்ற துணை முதல்வர் மு.க. ஸ்டாலினும், அவரது மனைவி துர்காவதி ஸ்டாலினும் உடல் தானம் செய்வதாக அறிவித்து அதற்கான படிவத்தில் கையெழுத்திட்டுள்ளனர்.
தரணியில் தலை சிறந்த தானம் தன்னையே தருவது என்பார்கள். அதற்கேற்ப உடல் தானம் செய்வதாக அறிவித்த துணை முதல்வர் மு.க. ஸ்டாலினை பாராட்டி மாநகராட்சி மன்றத்தில் தீர்மானம் நிறைவேற்றப்படுகிறது என்றார்.