தினமணி 11.04.2013
தஞ்சை மாநகராட்சியில் 8 ஊராட்சிகள் இணைய வாய்ப்பு
தமிழக அரசால் அறிவிக்கப்பட்ட தஞ்சை மாநகராட்சியில் நகராட்சியைச் சுற்றியுள்ள 8 ஊராட்சிகள் இணைய வாய்ப்புள்ளதாகத் தெரிகிறது.
ஒருங்கிணைந்த தஞ்சை மாவட்டத்தின் முதல் நகராட்சியாக தஞ்சை நகராட்சி 1866 ஆம் ஆண்டு மே 9-ம் தேதி உருவாக்கப்பட்டது. தமிழகத்தில் உள்ள பழைமையான நகராட்சிகளில் இதுவும் ஒன்று.
இந்த நகராட்சி 16.10.1943 அன்று முதல் நிலை நகராட்சியாகவும், 16.10.1963-ல் தேர்வு நிலை நகராட்சியாகவும், 5.9.1983-ல் சிறப்பு நிலை நகராட்சியாகவும் தரம் உயர்த்தப்பட்டது.
இதைத்தொடர்ந்து, இந்த நகராட்சியை மாநகராட்சியாக தரம் உயர்த்தப்படும் எனத் தமிழக முதல்வர் சட்டப்பேரவையில் புதன்கிழமை அறிவித்தார்.
தற்போது, தஞ்சை நகராட்சியில் 2,22,619 பேர் வசிக்கின்றனர். மக்கள்தொகை 3 லட்சமாக இருந்தால்தான் மாநகராட்சி அந்தஸ்தை எட்ட முடியும் எனக் கூறப்படுகிறது.
எனவே, ஏற்கெனவே நகராட்சியில் உள்ள 51 வார்டுகள் மட்டுமல்லாமல், நகராட்சியைச் சுற்றியுள்ள புதுப்பட்டினம், நாஞ்சிக்கோட்டை, நீலகிரி, மேலவெளி, பிள்ளையார்பட்டி, ராமநாதபுரம், விளார், இனாத்துக்கான்பட்டி ஆகிய 8 ஊராட்சிகளும் சேர்க்கப்படவுள்ளதாகத் தெரிகிறது.
இதன் மூலம், மக்கள்தொகை 3,20,828 என அதிகரிக்கும் எனக் கூறப்படுகிறது. இதேபோல, நகராட்சி பரப்பளவு 36.33 சதுர கிலோமீட்டராக உள்ள நிலையில், சுற்றியுள்ள ஊராட்சிகளையும் சேர்க்கும்போது 110.27 சதுர கிலோமீட்டராக அதிகரிக்கும். மேலும், நகராட்சியில் ஆண்டு வருமானம் ரூ. 36.98 கோடியிலிருந்து ரூ. 41.19 கோடியாக உயர்த்தத் திட்டமிடப்பட்டுள்ளது.
எப்போது அந்தஸ்து:
இதுதொடர்பாக அரசாணை வெளியிடப்பட்ட பிறகுதான் மாநகராட்சி என்ற அந்தஸ்தை பெற முடியும். இந்த ஆணை வெளியிடப்படுவதற்குச் சில மாதங்கள் ஆகலாம் எனக் கூறப்படுகிறது. அதன் பிறகு மேயர் என்ற அந்தஸ்தை நகர் மன்றத் தலைவரும், துணை மேயர் அந்தஸ்தை துணைத் தலைவரும், மாமன்ற உறுப்பினர்கள் அந்தஸ்தை நகர் மன்ற உறுப்பினர்களும் பெறுவர்.
மேலும், மாநகராட்சியில் ஊராட்சிகள் சேர்க்கப்படுவதற்கு முன்பு அந்தந்த ஊராட்சி பொதுமக்களிடம் கருத்து கேட்பதற்கான கூட்டம் நடத்தப்படும் எனத் தெரிகிறது.
மாநகராட்சியில் ஊராட்சிகளைச் சேர்த்தாலும் கூட அடுத்த உள்ளாட்சித் தேர்தலுக்குப் பிறகே நடைமுறைக்கு வரும் என்றும், அதுவரை ஊராட்சிகள் வழக்கம் போல செயல்படும் எனவும், அதுவரை வரி உயர்வு இருக்காது என்றும் அலுவலர்கள் தெரிவிக்கின்றனர்.
பயன்கள்:
மாநகராட்சி அந்தஸ்து பெற்றால் நகர்ப்புற ஏழைகளுக்கான அடிப்படை சேவைகள் திட்டம், ஜவாஹர்லால் நேரு நகர்ப்புற புனரமைப்புத் திட்டம் ஆகியவற்றின் கீழ் மத்திய அரசின் நிதியுதவி ஏராளமாகக் கிடைக்கும். இதன் மூலம், அடிப்படை வசதிகளை மேம்படுத்த வாய்ப்பாக அமையும். ஆனால், மாநகராட்சி அந்தஸ்தை தமிழக அரசு வழங்கினாலும், அதற்கு மத்திய அரசின் ஒப்புதலும் பெறப்பட வேண்டும்.
இதன் மூலமே, நிதியுதவி மட்டுமல்லாமல், மத்திய, மாநில அரசு ஊழியர்களுக்கு வீட்டு வாடகைப் படி உயர்வும், மாநகராட்சிப் படியும் கிடைக்கும். இவற்றின் மூலம், ஒவ்வொரு ஊழியருக்கும் குறைந்தபட்சம் ரூ. 1,000 கிடைக்க வாய்ப்புள்ளது.
அதிமுக கொண்டாட்டம்:
அறிவிப்பு வெளியிடப்பட்டதைத் தொடர்ந்து, நகராட்சி அலுவலகம் முன் அதிமுகவை சார்ந்த நகர் மன்றத் தலைவர் சாவித்திரி கோபால், துணைத் தலைவர் கே. மணிகண்டன், நகர் மன்ற உறுப்பினர்கள் முன்னிலையில் பட்டாசுகள் வெடித்து கொண்டாடப்பட்டன. மேலும், பொதுமக்களுக்கு இனிப்புகள் வழங்கப்பட்டன. இதேபோல, நகராட்சி அலுவலர்களும் மகிழ்ச்சி தெரிவித்தனர்.
தஞ்சை மாநகராட்சியில் 8 ஊராட்சிகள் இணைய வாய்ப்பு
தமிழக அரசால் அறிவிக்கப்பட்ட தஞ்சை மாநகராட்சியில் நகராட்சியைச் சுற்றியுள்ள 8 ஊராட்சிகள் இணைய வாய்ப்புள்ளதாகத் தெரிகிறது.
ஒருங்கிணைந்த தஞ்சை மாவட்டத்தின் முதல் நகராட்சியாக தஞ்சை நகராட்சி 1866 ஆம் ஆண்டு மே 9-ம் தேதி உருவாக்கப்பட்டது. தமிழகத்தில் உள்ள பழைமையான நகராட்சிகளில் இதுவும் ஒன்று.
இந்த நகராட்சி 16.10.1943 அன்று முதல் நிலை நகராட்சியாகவும், 16.10.1963-ல் தேர்வு நிலை நகராட்சியாகவும், 5.9.1983-ல் சிறப்பு நிலை நகராட்சியாகவும் தரம் உயர்த்தப்பட்டது.
இதைத்தொடர்ந்து, இந்த நகராட்சியை மாநகராட்சியாக தரம் உயர்த்தப்படும் எனத் தமிழக முதல்வர் சட்டப்பேரவையில் புதன்கிழமை அறிவித்தார்.
தற்போது, தஞ்சை நகராட்சியில் 2,22,619 பேர் வசிக்கின்றனர். மக்கள்தொகை 3 லட்சமாக இருந்தால்தான் மாநகராட்சி அந்தஸ்தை எட்ட முடியும் எனக் கூறப்படுகிறது.
எனவே, ஏற்கெனவே நகராட்சியில் உள்ள 51 வார்டுகள் மட்டுமல்லாமல், நகராட்சியைச் சுற்றியுள்ள புதுப்பட்டினம், நாஞ்சிக்கோட்டை, நீலகிரி, மேலவெளி, பிள்ளையார்பட்டி, ராமநாதபுரம், விளார், இனாத்துக்கான்பட்டி ஆகிய 8 ஊராட்சிகளும் சேர்க்கப்படவுள்ளதாகத் தெரிகிறது.
இதன் மூலம், மக்கள்தொகை 3,20,828 என அதிகரிக்கும் எனக் கூறப்படுகிறது. இதேபோல, நகராட்சி பரப்பளவு 36.33 சதுர கிலோமீட்டராக உள்ள நிலையில், சுற்றியுள்ள ஊராட்சிகளையும் சேர்க்கும்போது 110.27 சதுர கிலோமீட்டராக அதிகரிக்கும். மேலும், நகராட்சியில் ஆண்டு வருமானம் ரூ. 36.98 கோடியிலிருந்து ரூ. 41.19 கோடியாக உயர்த்தத் திட்டமிடப்பட்டுள்ளது.
எப்போது அந்தஸ்து:
இதுதொடர்பாக அரசாணை வெளியிடப்பட்ட பிறகுதான் மாநகராட்சி என்ற அந்தஸ்தை பெற முடியும். இந்த ஆணை வெளியிடப்படுவதற்குச் சில மாதங்கள் ஆகலாம் எனக் கூறப்படுகிறது. அதன் பிறகு மேயர் என்ற அந்தஸ்தை நகர் மன்றத் தலைவரும், துணை மேயர் அந்தஸ்தை துணைத் தலைவரும், மாமன்ற உறுப்பினர்கள் அந்தஸ்தை நகர் மன்ற உறுப்பினர்களும் பெறுவர்.
மேலும், மாநகராட்சியில் ஊராட்சிகள் சேர்க்கப்படுவதற்கு முன்பு அந்தந்த ஊராட்சி பொதுமக்களிடம் கருத்து கேட்பதற்கான கூட்டம் நடத்தப்படும் எனத் தெரிகிறது.
மாநகராட்சியில் ஊராட்சிகளைச் சேர்த்தாலும் கூட அடுத்த உள்ளாட்சித் தேர்தலுக்குப் பிறகே நடைமுறைக்கு வரும் என்றும், அதுவரை ஊராட்சிகள் வழக்கம் போல செயல்படும் எனவும், அதுவரை வரி உயர்வு இருக்காது என்றும் அலுவலர்கள் தெரிவிக்கின்றனர்.
பயன்கள்:
மாநகராட்சி அந்தஸ்து பெற்றால் நகர்ப்புற ஏழைகளுக்கான அடிப்படை சேவைகள் திட்டம், ஜவாஹர்லால் நேரு நகர்ப்புற புனரமைப்புத் திட்டம் ஆகியவற்றின் கீழ் மத்திய அரசின் நிதியுதவி ஏராளமாகக் கிடைக்கும். இதன் மூலம், அடிப்படை வசதிகளை மேம்படுத்த வாய்ப்பாக அமையும். ஆனால், மாநகராட்சி அந்தஸ்தை தமிழக அரசு வழங்கினாலும், அதற்கு மத்திய அரசின் ஒப்புதலும் பெறப்பட வேண்டும்.
இதன் மூலமே, நிதியுதவி மட்டுமல்லாமல், மத்திய, மாநில அரசு ஊழியர்களுக்கு வீட்டு வாடகைப் படி உயர்வும், மாநகராட்சிப் படியும் கிடைக்கும். இவற்றின் மூலம், ஒவ்வொரு ஊழியருக்கும் குறைந்தபட்சம் ரூ. 1,000 கிடைக்க வாய்ப்புள்ளது.
அதிமுக கொண்டாட்டம்:
அறிவிப்பு வெளியிடப்பட்டதைத் தொடர்ந்து, நகராட்சி அலுவலகம் முன் அதிமுகவை சார்ந்த நகர் மன்றத் தலைவர் சாவித்திரி கோபால், துணைத் தலைவர் கே. மணிகண்டன், நகர் மன்ற உறுப்பினர்கள் முன்னிலையில் பட்டாசுகள் வெடித்து கொண்டாடப்பட்டன. மேலும், பொதுமக்களுக்கு இனிப்புகள் வழங்கப்பட்டன. இதேபோல, நகராட்சி அலுவலர்களும் மகிழ்ச்சி தெரிவித்தனர்.
