தினதந்தி 02.06.2013
கோவையில் 10 இடங்களில் அம்மா உணவகங்கள் இன்று திறப்பு விழா
கோவை மாநகராட்சி பகுதிகளில் மொத்தம் 10 இடங்களில் அம்மா உணவகங்கள் இன்று (ஞாயிற்றுக் கிழமை) மாலை 3.40 மணிக்கு திறக்கப்படுகிறது.
கோவையில் 10 இடங்களில் அம்மா உணவகங்கள் இன்று திறப்பு விழா
கோவை மாநகராட்சி பகுதிகளில் மொத்தம் 10 இடங்களில் அம்மா உணவகங்கள் இன்று (ஞாயிற்றுக் கிழமை) மாலை 3.40 மணிக்கு திறக்கப்படுகிறது.
அவற்றை தமிழக முதல்–அமைச்சர் ஜெயலலிதா வீடியோ கான்பரன்சிங் முறையில் திறந்து வைக்கிறார். கோவை ஆர்.எஸ்.புரம் பூமார்க்கெட் பகுதியில் நடைபெறும் உணவக திறப்பு விழாவில் மேயர் செ.ம.வேலுசாமி, மாநகராட்சி கமிஷனர் லதா உள்பட பலர் கலந்துகொள்கிறார்கள்.மேட்டுப்பாளையம் ரோடு பஸ்நிலைய கட்டிடம், சிங்காநல்லூர் பஸ்நிலைய கட்டிடம், குறிச்சி மாநகராட்சி கட்டிடம், ராமநாதபுரம் 80 அடிரோடு மாநகராட்சி கட்டிடம், மசக்காளிபாளையம் பள்ளி வளாக கட்டிடம், சரவணம்பட்டி அம்மன்நகர், குனியமுத்தூர், மணியக்காரன்பாளையம், திருமால்வீதி திரு மண மண்டபம் ஆகிய பகுதிகளில் அம்மா உணவகம் திறக்கப்படுகிறது. இதில் மண்டல தலைவர்கள், கவுன்சிலர்கள் உள்பட பலர் கலந்து கொள்கிறார்கள்.
திறப்பு விழா பணிகளை மேயர் செ.ம.வேலுசாமி, மாநகராட்சி கமிஷனர் லதா ஆகியோர் நேற்று ஆய்வு செய்தனர். அப்போது என்ஜினீயர் சுகுமாரன், மேற்கு மண்டல உதவி கமிஷனர் சுப்பிரமணியம், மக்கள் தொடர்புத்துறை உதவி இயக்குனர் கண்ணதாசன் ஆகியோர் உடன் இருந்தனர்.
