தினமலர் 20.11.2013
வணிக வளாகமான மாநகராட்சி மருத்துவமனை
கோவை : புரூக்பாண்ட் ரோட்டிலுள்ள சீத்தாலட்சுமி மகப்பேறு மையத்தில், ரோட்டோரத்தில் தரை தளம் மற்றும் முதல் தளத்தில் மொத்தம் 16 கடைகள் கட்டப்படுகின்றன.
மாநகராட்சி அதிகாரிகள் கூறியதாவது :
மாநகராட்சி வணிக வளாகங்களில் 2,700 கடைகள் உள்ளன, இதன்மூலம் கடந்தாண்டு வரையிலும் ரூ. 4.8 கோடி வருவாய் கிடைத்தது. தற்போது புதிதாக வாடகை நிர்ணயம் செய்து, டெண்டர் விடப்பட்டது. இதன் மூலம், ஆண்டுக்கு ரூ. 12.8 கோடி எதிர்பார்க்கப்படுகிறது.
தற்போது 250 கடைகள் புதிதாக கட்டப்படுவதால் கூடுதலாக ரூ. 3 கோடி வருவாய் கிடைக்கும். என, கணக்கிடப்பட்டுள்ளது. இதனால், மாநகராட்சி சேவையில் எந்த பாதிப்பும் ஏற்படாது. வருவாய் இருந்தால் தான், சேவை செய்ய முடியும், என்றனர்.
