தினமணி 22.01.2014
கோவை மாநகராட்சியில் இன்று முதல் அம்மா திட்ட சிறப்பு முகாம்
கோவை மாநகராட்சியின் 5 மண்டலங்களிலும் புதன்கிழமை முதல் அம்மா திட்ட சிறப்பு முகாம்கள் நடைபெறும்.
இது தொடர்பாக மேயர் செ.ம. வேலுசாமி வெளியிட்ட அறிக்கை: கோவை மாநகராட்சியின் 5 மண்டலங்களிலும் புதன்கிழமை (ஜன 22) முதல் கீழ்க்காணும் நாட்களில் குறிப்பிட்டுள்ள இடங்களில் காலை 10 மணி முதல் பிற்பகல் 3 மணி வரை மாநகர மக்களிடம் விண்ணப்பங்கள் பெறப்பட்டு அம்மா திட்ட சிறப்பு முகாம்கள் நடைபெறும்.
இம்முகாம்களில் பெயர், கதவு எண், தெருவின் பெயர் மற்றும் கேட்பு முதலிய திருத்தங்கள் மேற்கொள்ளுதல், புதிய சொத்துவரி மற்றும் கேட்பு அட்டை மற்றும் குடிநீர் கேட்பு அட்டை வழங்கல், விடுபட்ட சொத்துவரி, குடிநீர் இணைப்பு பதிவு செய்தல் தொடர்பான இதர பணிகள், தொழில்வரி இனங்கள், புதிய இனங்கள் பதிவு செய்தல், திருத்தம் மேற்கொள்ளுதல் தொடர்பான இதர பணிகளுக்கு உடனடி தீர்வு காணப்படும்.
கிழக்கு மண்டலம் விளாங்குறிச்சி காமாட்சியம்மன் கல்யாண மண்டபத்தில் 32-ஆவது வார்டிலும் மேற்கு மண்டலம் கவுண்டபாளையம் வார்டு அலுவலகத்தில் 5,6,7,8,9 ஆகிய வார்டுகளுக்கும், குனியமுது;தூரில் உள்ள தெற்கு மண்டல அலுவலகத்தில் 87, 88,91,92,93 ஆகிய வார்டுகளுக்கும், வடக்கு மண்டலம் துடியலூர் வார்டு அலுவலகத்தில் 1,2,3,4 ஆகிய வார்டுகளுக்கும், ஒசூர் சாலையில் உள்ள மத்திய மண்டல அலவலகத்தில் 25,72,73,74 ஆகிய வார்டுகளுக்கும் மாநகராட்சி அம்மா திட்ட சிறப்பு முகாம் நடைபெறும்.
ஜனவரி 27-ஆம் தேதி கிழக்குமண்டலம் வரதராஜபுரம் ஜே.ஜே.கல்யாண மண்டபத்தில் 37,56,57,64,65,66 ஆகிய வார்டுகளுக்கும், ஆர்.எஸ்.புரத்தில் உள்ள மேற்கு மண்டல அலுவலகத்தில் 10,22,23,24 ஆகிய வார்டுகளுக்கும், தெற்கு மண்டலம் நாகப்பிள்ளையார் கோவில் பின்புறம் உள்ள நூலக கட்டடத்தில் 89,90 ஆகிய வார்டுகளுக்கும் வடக்கு மண்டலம் சின்னவேடம்பட்டி வார்டு அலுவலகத்தில் 27,42 ஆகிய வார்டுகளுக்கும் மத்திய மண்டலம் ரத்தினபுரி மாநகராட்சி உயர் நிலைப்பள்ளி வளாகத்தில் 45,48,49 ஆகிய வார்டுகளுக்கும் மாநகராட்சி அம்மா திட்ட சிறப்பு முகாம் நடைபெறும்.
பிப். 1-ஆம் தேதி சிங்காநல்லூர் கிழக்கு மண்டல அலுவலகத்தில் 58,59,60,61,62,63 ஆகிய வார்டுகளுக்கும், மேற்கு மண்டலம் பி.என்.புதூர் மாநகராட்சி மேல்நிலைப்பள்ளியில் 15,20,21 ஆகிய வார்டுகளுக்கும் தெற்கு மண்டலம் செல்வபுரம் வார்டு அலுவலகத்தில் 76,77,78,85 மற்றும் 86 ஆகிய வார்டு மக்களுக்கும் வடக்கு மண்டலம் வெள்ளகிணறு வார்டு அலுவலகத்தில் 26,43 ஆகிய வார்டுகளுக்கும் மத்திய மண்டலம் வடகோவை மாநகராட்சி மேல்நிலைப்பள்ளியில் 50,51,52,53,54 ஆகிய வார்டுகளுக்கும் மாநகராட்சி அம்மா திட்ட சிறப்பு முகாம் நடைபெறும்.
பிப். 5 ஆம் தேதி கிழக்கு மண்டலம் இராமகிருஷ்ணாபுரம் மருதூர் கல்யாண மண்டபத்தில் 67,69,75 ஆகிய வார்டுகளுக்கும், மேற்கு மண்டலம் மணியம் வேலப்பன் வீதி மாநகராட்சி ஆரம்பபள்ளியில் 11,12,13,14 ஆகிய வார்டுகளுக்கும், தெற்கு மண்டலம் பொன்னையராஜபுரம் வார்டு அலுவலகத்தில் 79வது வார்டு மக்களுக்கும் வடக்கு மண்டலம் சரவணம்பட்டி வார்டு அலுவலகத்தில் 28,29,30,31 ஆகிய வார்டுகளுக்கும் மத்திய மண்டலம் புலியகுளம் மாநகராட்சி ஆரம்பப்பள்ளியில் 68,70,71 ஆகிய வார்டுகளுக்கும் மாநகராட்சி அம்மா திட்ட சிறப்பு முகாம் நடைபெறும்.
பிப். 8-ஆம் தேதி கிழக்கு மண்டலம் காளப்பட்டி வார்டு அலுவலகத்தில் 33,34,35,36 ஆகிய வார்டுகளுக்கும், மேற்கு மண்டலம் வடவள்ளி வரிவசூல் மையத்தில் 16,17 ஆகிய வார்டுகளுக்கும் தெற்கு மண்டலம் சுந்தராபுரம் தக்காளி மார்க்கெட்டில் 94,96,97,98 மற்றும் 100 (பகுதி) ஆகிய வார்டுகளுக்கும் வடக்கு மண்டலம் சக்தி ரோடு எம்.எஸ. ஆர் டேங்கில் 41வது வார்டுக்கும், மத்திய மண்டலம் பவளம் வீதி மாநகராட்சி ஆரம்பப்பள்ளியில் 80,81,82,83,84 ஆகிய வார்டுகளுக்கும் அம்மா திட்ட சிறப்பு முகாம் நடைபெறும.
பிப்.10-ஆம் தேதி மேற்கு மண்டலம் வீரகேரளம் வரிவசூல் மையத்தில் 18,19 ஆகிய வார்டுகளுக்கும் தெற்கு மண்டலம் சத்திரம் வீதியில் உள்ள குறிச்சி வார்டு அலுவகத்தில் 95,99 மற்றும் 100 (பகுதி) ஆகிய வார்டுகளுக்கும் வடக்கு மண்டலம் கணபதி கணேஷ் லே-அவுட் மாநகராட்சி ஆரம்பப்பள்ளியில் 44,46,47 ஆகிய வார்டுகளுக்கும் மாநகராட்சி அம்மா திட்ட சிறப்பு முகாம் நடைபெறும்.
பிப். 15-ஆம் தேதி வடக்கு மண்டலம் பாப்பநாயக்கன்பாளையம் பொறியியல் பிரிவு அலுவலகத்தில் 40,55 ஆகிய வார்டுகளுக்கும் பிப். 20-ஆம் தேதி வடக்கு மண்டலம் பயனீர் மில்ஸ் ரோடு பொறியியல் பிரிவு அலுவலகத்தில் 38, 39 ஆகிய வார்டுகளுக்கும் மாநகராட்சி அம்மா திட்ட சிறப்பு முகாம்கள் நடைபெறும்.
