தினமலர் 13.12.2013
சென்னையில் நிலத்தடி நீர்மட்டம் சற்று உயர்வு!
சென்னை:'பருவ மழைக்குப்பின், சென்னையில் நிலத்தடி நீர் மட்டம் வெகுவாக உயர்ந்துள்ளது. நிலத்தடி நீரில் இருந்த உப்புத்தன்மை அளவும் குறைந்துள்ளது' என, சென்னை குடிநீர் வாரியம் தெரிவித்துள்ளது.
தமிழகத்தில், மழைநீர் வீணாவதை தடுக்கும் வகையில், வீடுகள், கட்டடங்கள் தோறும், மழைநீர் சேகரிப்பு கட்டமைப்புகளை உருவாக்க, தமிழக அரசு, 2003ம் ஆண்டில் உத்தரவிட்டது. அதன்படி, மழைநீர் சேகரிப்பு கட்டமைப்பு வசதிகள் உருவாக்கப்பட்டன.
சென்னையில் மட்டும், எட்டு லட்சம் மழைநீர் சேகரிப்பு கட்டமைப்புகள் அமைக்கப்பட்டன. பருவ மழைக்கு முன், சீரமைக்க வலியுறுத்தி, சென்னை குடிநீர் வாரியம் சார்பில் விழிப்புணர்வு நிகழ்ச்சிகள் நடத்தப்பட்டன.
பருவ மழைக்குப்பின், பகுதி வாரியாக, குடிநீர் வாரியம் நடத்திய ஆய்வில், நிலத்தடி நீர் மட்டம் வெகுவாக உயர்ந்துள்ளதோடு, குடிநீரில் கரைந்திருந்த உப்புத்தன்மையின் அளவும் குறைந்துள்ளது தெரிய வந்து
உள்ளது.
சென்னையில், பொதுவாக, 4.20 மீட்டராக இருந்த நிலத்தடிநீர் மட்டம், 0.80 மீ்ட்டர் அளவு உயர்ந்து, 3.40 மீட்டர் என்ற அளவில் உள்ளது. அதிகபட்சமாக, ஆலந்துார் - 2.65 மீட்டர்; பெருங்குடி-1.80, அடையாறு-1 மீட்டர் அளவுக்கு நிலத்தடி மட்டம் அதிகரித்து உள்ளது.
ஆலந்துார், பெருங்குடி, சோழிங்கநல்லுார், திருவொற்றியூர், மணலி மற்றும் வளசரவாக்கம் பகுதிகளில் உப்புத்தன்மை, 1,200 பி.பி.எம்., (பாஸ் பர் மில்லியன்) அளவுக்கு உயர்ந்துள்ளது.
இது போன்று நிலத்தடி நீர் மட்டம் உயர, பொதுமக்கள் தொடர்ந்து, மழைக்காலத்திற்கு முன், கட்டமைப்புகளை பராமரிக்க வேண்டும் என, சென்னைக்குடிநீர் வாரியம் வலியுறுத்தி உள்ளது.
பகுதி வாரிய நிலத்தடிநீர் மட்ட விவரம்
பகுதி நிலத்தடி நீர் கிடைக்கும் ஆழம் (மீட்டர்) உயர்வு (மீட்டர்) உப்புத்தன்மை அளவு (பிபிஎம்)
பருவ மழைக்கு முன் பின் பருவ மழைக்கு முன் பின்
- திருவொற்றியூர் 3.15 2.70 0.45 2,100 900
- மணலி 3.80 2.85 0.95 1,900 700
- மாதவரம் 3.60 3.10 0.50 1,200 400
- தண்டையார்பேட்டை 3.90 3.60 0.30 1900 900
- ராயபுரம் 5.60 4.90 0.70 2,100 1000
- திரு.வி.க.,நகர் 2.30 2.10 0.20 1,800 700
- அம்பத்துார் 2.40 1.90 0.50 1,900 800
- அண்ணா நகர் 4.00 3.60 0.40 1,800 700
- தேனாம்பேட்டை 4.35 3.90 0.45 1,500 600
- கோடம்பாக்கம் 5.10 4.45 0.65 1,600 500
- வளசரவாக்கம் 4.90 3.95 0.95 1,500 500
- ஆலந்துார் 7.45 4.80 2.65 1,700 400
- அடையாறு 4.60 3.60 1.00 1,600 400
- பெருங்குடி 6.00 4.20 1.80 2,100 800
- சோழிங்கநல்லுார் 1.90 1.60 0.30 1,800 500
