Urban News

இதற்கான இடங்கள் குறித்த விவரப் பட்டியலை, மாநகர் போக்குவரத்து போலீஸôர் மாநகராட்சி நிர்வாகத்துக்கு அனுப்பி வைத்துள்ளனர்.

மதுரை நகரில் தற்போது மாநகராட்சி சார்பில், பெரியார் பஸ் நிலையம், ஆரப்பாளையம், மாட்டுத்தாவணி ஆகிய பகுதிகளில் இரு சக்கர வாகனக் காப்பகங்களும், 32 இடங்களில் வாகன நிறுத்துமிடங்களும் செயல்பட்டு வருகின்றன.

மேலும், வணிகப் பகுதிகள், மக்கள் அதிகம் கூடும் இடங்களில் போக்குவரத்து போலீஸôர் சார்பில், இரு சக்கரம் மற்றும் நான்கு சக்கர வாகனங்கள் நிறுத்துவதற்கு அனுமதி அளிக்கப்பட்டுள்ளன. இப்பகுதியில் வாகன ஓட்டிகள் தங்களது வாகனங்களை நிறுத்துவதற்கு எவ்விதக் கட்டணமும் இல்லை.

இதனால், நிறுத்தப்படும் வாகனங்களுக்கு பாதுகாப்பு இல்லாத நிலை உள்ளதாகக் கூறப்படுகிறது. எனவே, நகருக்குள் இரு சக்கர வாகனங்கள் திருட்டும் அதிகரித்து வருகின்றன. இத்திருட்டைக் கண்காணிக்க, போலீஸôரும் பல்வேறு நடவடிக்கைகள் மேற்கொண்டு வருகின்றனர்.

அனுமதி பெறாத நிறுத்தங்கள்: இந்நிலையில், மாநகரில் பல இடங்களில் அரசியல் பிரமுகர்கள் பெயர்களைக் கூறிக்கொண்டு, மாநகராட்சி அனுமதி பெறாமலேயே வாகன நிறுத்தும் இடம் என பலகை வைத்து, சிலர் வசூலில் ஈடுபட்டு வருவதாகவும் புகார்கள் எழுந்தன.

இவற்றைத் தவிர்க்க, மாநகராட்சி நிர்வாகம், போக்குவரத்து போலீஸôர் இணைந்து மேற்கொண்ட ஆலோசனைக் கூட்டத்தில், சலுகைக் கட்டணத்தில் (ஒரு ரூபாய் கட்டணம்), மாநகர் பகுதியில் வாகன நிறுத்தங்கள் ஏற்படுத்தலாம் என முடிவு மேற்கொள்ளப்பட்டது.

இது தொடர்பாக, மாநகர் பகுதிகளில் கோரிப்பாளையம், அழகர்கோவில், டவுன்ஹால் சாலை, நேதாஜி சாலை, பர்மா பஜார், கீழமாசி வீதி, தெற்குமாசி வீதி உள்ளிட்ட 14 வீதிகளில் 50 இடங்களில் வாகன நிறுத்தங்கள் அமைக்கலாம் என, மாநகராட்சி நிர்வாகத்துக்கு போலீஸôர் ஆலோசனை வழங்கியுள்ளனர்.

இதையடுத்து, சாலையோர வாகன நிறுத்தங்கள் அமைக்க, மாநகராட்சி நிர்வாகம் தற்போது தீவிர முயற்சி மேற்கொண்டு வருகிறது. வாகன நிறுத்தத்துக்கான டெண்டரும் விரைவில் கோரப்படும் எனத் தெரிகிறது.

இது குறித்து, உதவி கமிஷனர் ரா. பாஸ்கரன் (வருவாய்) கூறுகையில், இதுபோன்ற நடவடிக்கையால், மாநகராட்சிக்கு வருவாய் அதிகரிக்கும். அதேநேரத்தில் வாகன நிறுத்தும் இடங்களில் வாகனங்களின் பாதுகாப்பும் உறுதி செய்யப்படும்.

இதனால் வாகனத் திருட்டுகள் தடுக்கப்படும் என்றார்.

தூத்துக்குடி மாநகராட்சி அனைத்து அலுவலர் சங்கங்களின் கூட்டமைப்பு பொதுக்குழு கூட்டம் மற்றும் தொடங்க விழா நடந்தது. கூட்டத்திற்கு தலைவர் சுடலைமுத்து தலைமை வகித்தார். செயலாளர் பெரியசாமி வரவேற்றார். கூட்டமைப்பு துணைத் தலைவர் சரவணன், அமைப்புப்பணியாளர் சங்கத் தலைவர் ராமலிங்கம், மாநில அமைப்பு செயலாளர் சந்தனராஜ், சுகாதார ஆய்வாளர் சங்கத்தை சேர்ந்த முருகேசன், நகரமைப்பு ஆய்வாளர்கள் சங்க காந்திமதி, பணி ஆய்வாளர் சங்க மணிகண்டகுமார், பொறியியல் சங்க சேகர், வாகன ஓட்டுநர் சங்க தலைவர் அன்பழகன், துணைத்தலைவர் ராஜசேகர், போத்திராஜ், கனகரத்தினசெல்வி, சங்கர் ஆகியோர் முன்னிலை வகித்தனர்.

கூட்டத்தில் சமூக நலத்துறை அமைச்சர் கீதாஜீவன், மேயர் கஸ்தூரி தங்கம், துணை மேயர் தொம்மை சேசுவடியான், திமுக., மாவட்ட செயலாளர் பெரியசாமி, சட்ட ஆலோசகர் சுபேந்திரன் உட்பட பலர் கலந்து கொண்டு பேசினர். கூட்டத்தில், நகராட்சி, மாநகராட்சி அலுவலர்களை அரசு அலுவலர்கள் என அறிவிக்கவேண்டும். ஓய்வுபெற்ற மற்றும் மரணம் அடைந்த அலுவலர்கள் காரணமாக மாநகராட்சியில் ஏற்பட்டுள்ள பணியிடங்களை நிரப்ப 49 சதவிகித செலவின நிபந்தனையை தளர்வு செய்ய வேண்டும்.

மாநகராட்சி கண்காணிப்பாளர்களுக்கு அரசுத்துறை கண்காணிப்பாளர்கள் போன்று அடிப்படை ஊதியம் நிர்ணயம் செய்ய வேண்டும். மாநகராட்சி உதவி ஆணையாளர் பணியிடங்களில் அமைச்சுப் பணிசார்ந்த அலுவலரை நியமனம் செய்ய வேண்டும். சுகாதார ஆய்வாளர்களுக்கு உணவு ஆய்வாளர் பயிற்சி வழங்க வேண்டும். தூத்துக்குடி மாநகராட்சியில் உணவு ஆய்வாளர் பணியிடத்தை நிரப்ப வேண்டும்.

மாநகராட்சி பணிக்கு சம்பந்தம் இல்லாத தேர்தல், காப்பீட்டு திட்டம், குடும்ப அட்டை சரிபார்த்தல் போன்ற இதர பணிகளில் மாநகராட்சி அலுவலர்களை பயன்படுத்துவதால் மாநகராட்சியின் வரிவசூல் உள்ளிட்ட அன்றாட பணிகள் பாதிக்கப்படுகிறது. இதற்கு நகராட்சி நிர்வாக இயக்குநர் மாற்று ஏற்பாடு செய்ய வேண்டும் என்பது உட்பட பல்வேறு தீர்மானங்கள் நிறைவேற்றப்பட்டது.