Urban News

பெங்களூர் மாநகராட்சிக்கு அடுத்த ஆண்டு பிப்ரவரி 21-ம் தேதி தேர்தல் நடைபெறும் என மாநில தேர்தல் ஆணையம் அறிவித்துள்ளது. இந்நிலையில் மாநகராட்சி வார்டு இட ஒதுக்கீடு செய்து அரசு அறிவித்த பட்டியலை ரத்து செய்து புதிய பட்டில் தயாரித்து அதன்படி தேர்தல் நடத்த வேண்டும் என உயர்நீதிமன்றம் உத்தரவிட்டது.

பெங்களூரில் செவ்வாய்க்கிழமை நிருபர்களுக்குப் பேட்டியளித்தார் அமைச்சர் அசோக். அப்போது அவரிடம் மாநகராட்சித் தேர்தல் திட்டமிட்படி நடைபெறுமா என்று நிருபர்கள் கேள்வியெழுப்பினர். அதற்குப் பதில் அளித்து அசோக் கூறியதாவது:

மேலும் மாநகராட்சியுடன் புதிதாக 8 நகரசபைகள் ஒரு டவுன் பஞ்சாயத்து மற்றும் 210 கிராமங்கள் இணைக்கப்பட்டுள்ளன. இதனால் எல்லைகள் மாற்றி அமைக்கப்பட்டன. அந்தப் பணிகளை எல்லாம் முடித்து தேர்தலை நடத்த வசதியாக வார்டுகள் இட ஒதுக்கீடு செய்து அறிவிக்கப்பட்டது. எல்லா சட்டப்பேரவை தொகுதிகளிலும் தாழ்த்தப்பட்டோருக்கு வார்டுகள் ஒதுக்கப்பட வேண்டும் என்ற அடிப்படையில், சட்டப்பேரவை தொகுதி வாரியாக இட ஒதுக்கீடு செய்யப்பட்டன.

எனவே, பெங்களூர் மாநகராட்சி மன்றத்துக்குத் திட்டமிட்டபடி அடுத்த ஆண்டு,பிப்ரவரி மாதம் 21-ம் தேதி தேர்தல் நடைபெறும். அதை ஒத்திவைக்க அரசு எந்தவித முயற்சியும் செய்யவில்லை. இட ஒதுக்கீடு பிரச்னையில் உயர்நீதிமன்ற உத்தரவை எதிர்த்து உச்சநீதிமன்றத்தில் அப்பீல் செய்யும் எண்ணமும் இல்லை என்றார் அவர்.