தினமலர் 01.08.2013
வளசரவாக்கம் மண்டலத்தில் 19 பூங்காக்கள்
சென்னை:வளசரவாக்கம் மண்டலத்தில் இதுவரை, 19 பூங்காக்கள் அமைக்கப்பட்டுள்ளன. மேலும், 11 பூங்காக்கள், அமைப்பதற்கான பணிகள் நடந்து வருகின்றன.
விரிவாக்கப்பட்ட மண்டலங்களில், 100 பூங்காக்கள் அமைக்கப்படும் என, மாநகராட்சி அறிவித்திருந்தது.
அதில், வளசரவாக்கம் மண்டலத்தில், மொத்தம் 30 பூங்காக்கள் அமைக்க திட்டமிடப்பட்டது.
அவற்றில், 19 பூங்காக்கள் அமைக்கும் பணி முடிந்து விட்டது. மேலும் 11 பூங்காக்கள் அமைக்க, இடம் தேர்வு செய்யப்பட்டு, பணிகள் நடக்கின்றன. 4.85 கோடி ரூபாய் மதிப்பில், நொளம்பூர், வளசரவாக்கம் பகுதிகளில், இந்த பூங்காக்கள் அமைய உள்ளன.
