தினமலர் 13.04.2010
கடைகளில் பிளாஸ்டிக் புழக்கம்: நகராட்சி அதிகாரிகள் ஆய்வு
ஊட்டி : ஊட்டி நகராட்சிப் பகுதிகளில் தடை செய்யப்பட்ட பிளாஸ்டிக் பொருட்களின் புழக்கம் குறித்து, ஆய்வு நடத்தப்பட்டு வருகிறது. நேற்று, ஊட்டி மார்க்கெட் சுற்றுவட்டாரம், லோயர் பஜார் உட்பட இடங்களில் உள்ள 54 வியாபார நிறுவனங்களில், நகராட்சி கமிஷனர் கிரிஜா முன்னிலையில், நகர் நல அலுவலர் பூங்கொடி தலைமையில், துப்புரவு ஆய்வாளர்கள் திடீர் சோதனை நடத்தினர். 21 கடைகளில் 11 கிலோ எடையுள்ள, தடை செய்யப்பட்ட பிளாஸ்டிக் பொருட்கள் பறிமுதல் செய்யப்பட்டு, வைத்திருந்த வியாபார நிறுவனங்களுக்கு 6,300 அபராதம் விதித்தனர்.
