தினமணி 29.07.2010
ஒசூர் புதிய பேருந்து நிலையத்தில் பேருந்து சுங்கக் கட்டணம் ரூ.32 லட்சம் ஏலம்
ஒசூர், ஜூலை 28: ஒசூர் புதிய பேருந்து நிலையத்துக்கு வரும் பேருந்துகளுக்கு சுங்கக் கட்டணம், இருசச்கர வாகனம் நிறுத்தக் கட்டணம், கழிப்பிடக் கட்டணம், பொருள் பாதுகாப்பு வாடகைக் கட்டணம் ஆகியற்றுக்கான ஏலம் ஒசூர் சார்-ஆட்சியர் அலுவலகத்தில் புதன்கிழமை நடைபெற்றது.
சென்னை நகராட்சி நிர்வாக இணை இயக்குநர் சந்திரசேகர் முன்னிலையில் ஒசூர் நகராட்சி ஆணையர் எஸ்.பன்னீர்செல்வம் ஏலத்தை நடத்தினார்.
இதில் பேருந்து நிலையத்துக்கு வரும் பேருந்துகளுக்கான கட்டணம் ரூ.32,40,999-க்கும், கழிப்பிடக் கட்டணம் ரூ.19 லட்சத்துக்கும், இருசக்கர வாகனம் நிறுத்துவதற்கான வாடகைக் கட்டணம் ரூ.14,02,800க்கும், பொருள் பாதுகாப்பு அறை கட்டணம் ரூ.1,48,000க்கும் ஏலம் எடுக்கப்பட்டது.
