Urban News

தினமலர் 30.04.2010

புதிய பஸ்ஸ்டாண்டு வாகன காப்பக்தில் ஸ்மார்ட் கார்டு திட்டம் துவக்கம் : ஆண்டுக்கு ரூ.40 லட்சம் வருவாய் கிடைக்கும்

திருநெல்வேலி : நெல்லை புதிய பஸ்ஸ்டாண்டு வாகன காப்பகத்தில் ஸ்மார்ட் கார்டு சிஸ்டம் அறிமுகப்படுத்தப்பட்டுள்ளது.நெல்லை வேய்ந்தான்குளம் புதிய பஸ்ஸ்டாண்டு வாகன காப்பகம் தனியார் வசம் இருந்த போது பல்வேறு புகார்கள் வந்தன. இதையடுத்து வாகன காப்பகம் ஒப்பந்தம் தனியாரிடம் இருந்து மாநகராட்சி வசம் வந்தது. தற்போது வாகன காப்பகத்தில் கம்ப்யூட்டர் ரசீதுகள் வழங்கப்பட்டு வருகின்றன. வாகனங்களுக்கு ஸ்மார்ட் கார்டு சிஸ்டம் வழங்கும் திட்டம் நேற்று அறிமுகம் செய்யப்பட்டது.

மேயர் ஏ.எல்.சுப்பிரமணியன் வாகன உரிமையாளர்களுக்கு ஸ்மார்ட் கார்டு அடையாள அட்டைகளை வழங்கி திட்டத்தை துவக்கிவைத்தார். துணை மேயர் முத்துராமலிங்கம், மேலப்பாளையம் மண்டல தலைவர் முகம்மது மைதீன், கமிஷனர் பாஸ்கரன், நகரப் பொறியாளர் ஜெய்சேவியர், உதவிக்கமிஷனர் கருப்பசாமி உட்பட பலர் கலந்து கொண்டனர்.

காப்பகத்திற்கு வரும் வாகனங்களுக்கு 2 விதமான நிறங்களில் தனித்தனியாக அடையாள மின் அட்டைகள் வழங்கப்பட்டது. இதில் தினந்தோறும் நிறுத்தி எடுத்துச் செல்லும் வாகனங்களுக்கு மஞ்சள் கலரில் அடையாள அட்டை வழங்கப்படும். சிவப்பு நிறத்தில் வழங்கப்பட்டுள்ள அடையாள அட்டையை பயன்படுத்தி மாதக் கணக்கில் வாகனங்களை நிறுத்திக் கொள்ளலாம்.

மாத அட்டைக்கு ரூ.90ம், டெபாசிட் தொகையாக ரூ.50ம் வசூலிக்க முடிவு செய்யப்பட்டுள்ளது. அட்டைகளை தொலைத்தால் அபராதத் தொகையாக ரூ.50 வசூலிக்கப்படும். நெல்லை மாநகராட்சி அதிகாரிகள் எடுத்துள்ள கணக்குப்படி ஆண்டுக்கு வாகன காப்பகம் மூலம் ரூ.40 லட்சம் வருவாய் கிடைக்கும் என மாநகராட்சி அதிகாரிகள் தெரிவித்தனர்.

மதுரை:மதுரை மாட்டுத்தாவணி காய்கறி மார்க்கெட்டில் அமைய உள்ள புதிய கடைகளுக்கு வாடகை நிர்ணயம் செய்யப்பட்டுள்ளது.தற்போதைய சென்ட்ரல் மார்க்கெட்டில் புதினா, கறிவேப்பிலை, மல்லி, பச்சை மிளகாய், இஞ்சி வியாபாரிகள் சங்கம், எம்.ஜி.ஆர்., அனைத்து காய்கறி சில்லரை வியாபாரிகள் நலச்சங்கம், வாழை இலை சில்லரை வியாபாரிகள் சங்கம், மதுரை பசும்பொன் முத்துராமலிங்கம் மேட்டுப்பகுதி காய்கனி கமிஷன் வியாபாரிகள் சங்கம், சென்ட்ரல் மார்க்கெட் காய்கனி வியாபாரிகள் சங்கம், சென்ட்ரல் மார்க்கெட் தக்காளி மற்றும் சீமைக்காய் வியாபாரிகள் சங்கம், வடக்கு ஆவணி மூல வீதி சென்ட்ரல் மார்க்கெட் மேட்டுப்பகுதி வியாபாரிகள் சங்கம் ஆகியவற்றை சேர்ந்தவர்கள் கடை வைத்துள்ளனர்.

இவர்கள் தவிர, மீதி உள்ள கடைகள், ஏலத்தின் மூலம், புதியவர்களுக்கு ஒதுக்கப்படும். இக்கடைகளுக்கான வாடகையை மாநகராட்சி நிர்ணயித்துள்ளது. 20க்கு 20 அடி அளவுள்ள பெரிய கடைகளுக்கு மாத வாடகை ஆறாயிரம் ரூபாய் எனவும், மற்ற கடைகளுக்கு அளவுக்கு ஏற்ப 4 ஆயிரம் ரூபாய், 2 ஆயிரத்து 500 ரூபாய், 2 ஆயிரம் ரூபாய், ஆயிரத்து 500 ரூபாய் எனவும் வாடகை நிர்ணயிக்கப்பட்டுள்ளது.