Urban News

நாமக்கல்: "ஆர்.புதுப்பட்டி டவுன் பஞ்சாயத்தில் பல்வேறு திட்டங்களின் கீழ் 4 கோடியே 43 லட்சத்து 76 ஆயிரம் ரூபாய் மதிப்பில் திட்டப் பணிகள் மேற்கொள்ளப்பட்டுள்ளன' என, டவுன் பஞ்சாயத்து சேர்மன் ஜெயக்குமார் தெரிவித்துள்ளார்.இது குறித்து அவர் தெரிவித்தாவது:நாமக்கல் மாவட்டம் ஆர்.புதுப்பட்டி டவுன் பஞ்சாயத்தில் 2006-2007 மற்றும் 2007-2008ம் ஆண்டு 12வது நிதிக் குழு மானியத்தின் கீழ் 6.97 லட்சம் ரூபாய் மதிப்பில் மூன்று தார்ச்சாலை அமைக்கப்பட்டது. 2.60 லட்சம் ரூபாய் மதிப்பில் இரண்டு சிமென்ட் சாலை, 6.40 லட்சம் ரூபாய் மதிப்பில் ஏழு சாக்கடை கட்டப்பட்டுள்ளது.அதுபோல், 3.05 லட்சம் ரூபாய் மதிப்பில் மூன்று கட்டிடம் கட்டுதல், 80 ஆயிரம் ரூபாய் மதிப்பில் 10 சோடியம் ஆவி விளக்கு அமைக்கப்பட்டது. அதே ஆண்டில் டவுன் பஞ்சாயத்து பொது நிதியில் இருந்து 50 ஆயிரம் ரூபாய் மதிப்பில் சிமென்ட் தளம் அமைத்தல், 66 ஆயிரம் ரூபாய் மதிப்பில் இரண்டு பைப்லைன் அமைக்கப்பட்டது.கடந்த 2006-2007ம் ஆண்டு நபார்டு நிதி உதவித் திட்டத்தின் கீழ் 23.70 லட்சம் ரூபாய் மதிப்பில் மூன்று தார்ச்சாலை அமைக்கப்பட்டுள்ளது. அதே ஆண்டு பகுதி இரண்டு திட்டத்தின் கீழ் 2.64 லட்சம் ரூபாய் மதிப்பில் நான்கு சிமென்ட் சாலை அமைக்கப்பட்டுள்ளது. 3.95 லட்சம் ரூபாய் மதிப்பில் மூன்று சாக்கடை கட்டப்பட்டுள்ளது. 3.10 ரூபாய் மதிப்பில் பாலம் கட்டப்பட்டுள்ளது.கடந்த 2009-2010ம் ஆண்டு 1.20 லட்சம் ரூபாய் மதிப்பில் இரண்டு மேல்நிலை நீர்தேக்கத் தொட்டி பராமரிப்பு மற்றும் தரைமட்ட தொட்டியை பழுது பார்த்தல் அமைக்கப்பட்டுள்ளது. அதன்படி பல்வேறு திட்டங்களின் கீழ் இதுவரை மொத்தம் 4 கோடியே 43 லட்சத்து 76 ஆயிரம் ரூபாய் மதிப்பில் திட்டப்பணிகள் மேற்கொள்ளப்பட்டுள்ளன.இவ்வாறு அவர் தெரிவித்துள்ளார்.