Urban News

மேட்டுப்பாளையம்,​​ செப்.​ 22: சிறுமுகை பேரூராட்சியில் வளர்ச்சிப் பணிகளுக்கென ​ரூ. 12.60 லட்சம் நிதி ஒதுக்கீடு செய்யப்பட்டுள்ளது.

​ தனது தொகுதி நிதியிலிருந்து இந்த நிதியை மேட்டுப்பாளையம் எம்எல்ஏ ஓ.கே.சின்னராஜ் ஒதுக்கீடு செய்துள்ளார்.​ 6-வது வார்டில் ரூ. 50 ஆயிரம் செலவில் கான்கிரீட் தளம்,​​ 9-வது வார்டில் ரூ. 70 ஆயிரம் செலவில் வடிகால் வசதி,​​ 10-வது வார்டில் ரூ. 65 ஆயிரம் செலவில் கான்கிரீட் சாலை,​​ 1-வது வார்டில் ரூ. 3.25 லட்சம் மதிப்பில் பால் உற்பத்தியாளர் கூட்டுறவு சங்க புதிய கட்டடம்,​​ சிறுமுகைபுதூர் தொடக்கப் பள்ளியில் ரூ. 2 லட்சம் மதிப்பில் சுற்றுச் சுவர்,​​ எலகம்பாளையத்தில் ரூ. 2.50 லட்சம் மதிப்பில் தார்சாலை,​​ சந்தை திடலில் ரூ. 3 லட்சம் மதிப்பில் நியாய விலைக்கடை ஆகிய திட்டப் பணிகள் மேற்கொள்ளப்பட உள்ளன.

​ இதன் தொடக்க விழா மற்றும் பூமி பூஜை,​​ சிறுமுகை தொடக்கப் பள்ளி வளாகத்தில் செவ்வாய்க்கிழமை நடைபெற்றது.​ வார்டு கவுன்சிலர் சிறுமுகை பாபு தலைமை வகிக்க,​​ ராமமூர்த்தி வரவேற்றார்.​ எம்எல்ஏ ஓகே சின்னராஜ் பணிகளை தொடங்கி வைத்தார்.​ நிகழ்ச்சியில் காரமடை ஒன்றியக்குழு தலைவர் ராஜ்குமார்,​​ பேரூராட்சி செயல் அலுவலர் கல்யாண சுந்தரம்,​​ தலைமை எழுத்தர் முத்துசாமி,​​ வார்டு கவுன்சிலர்கள் சாமிநாதன்,​​ செல்வராஜ்,​​ அதிமுக செயலர் ரேணுகாராஜன்,​​ மாவட்ட கவுன்சிலர் சிவசாமி,​​ கூட்டுறவு சங்க செயலர் சம்பத்குமார் கலந்து கொண்டனர்.

அவிநாசி:திருமுருகன்பூண்டி பேரூராட்சியை மாநகராட்சியுடன் இணைக்க வேண்டுமென கொ.மு.க., வலியுறுத்தியுள்ளது.திருமுருகன்பூண்டி நகர கொ.மு.க., சார்பில் தமிழக முதல்வருக்கு அனுப்பப்பட்டுள்ள கடிதம்:திருப்பூர் மாநகராட்சியுடன் திருமுருகன்பூண்டியை இணைக்க வேண்டுமென, பேரூராட்சி நிர்வாகம் கடந்த 2007 ஜூலை 17ல் தீர்மானம் நிறைவேற்றியுள்ளது. அத்தீர்மானத்தை வரவேற்று மாநகராட்சி நிர்வாகம் நிறைவேற்றியுள்ள நிலையில், இப்போது, இணைக்கக்கூடாது என்று பேரூராட்சி கவுன்சிலர்கள் தீர்மானம் நிறைவேற்றியுள்ளனர்.

திருப்பூருக்கு மிக அருகில் பூண்டி உள்ளதால், அதிகரித்து வரும் பனியன் நிறுவனங்கள், தொழிலாளர்களின் வருகையால் பெருகி வரும் குடியிருப்புகள் என வளர்ச்சி பல மடங்காக அதிகரித்து வருகிறது. இதுபோன்ற சூழ்நிலையில், மாநகராட்சியுடன் இணைக்கும்போது, பூண்டியின் வளர்ச்சி பல மடங்கு அதிகரிக்கும்.தற்போது, பூண்டியில் மிக மோசமாக உள்ள சாக்கடை வசதி, குடிநீர் வசதி, சாலை வசதி உள்ளிட்ட அடிப்படை தேவைகள் உடனுக்குடன் நிறைவேற்றப்படுவதோடு, மக்களின் பிரச்னையும் உடனுக்குடன் தீர வாய்ப்புள்ளது. மாநகராட்சியுடன் இணைந்தால் வரி உயரும் என்கின்றனர். ஆனால், தற்போது இணைய உள்ள 15 வேலம்பாளையம் மற்றும் ஊராட்சிகளிலும் ஏழை தொழிலாளர்கள் அதிகம் உள்ளனர் என்பது குறிப்பிடத்தக்கது.எனவே, மாநகராட்சியுடன் பூண்டி இணையும்போது அதிகரித்து வரும் குடியிருப்புகள், பொதுமக்களுக்கு அதிக வசதிகள் உடனுக்குடன் ஏற்படும் வாய்ப்புள்ளது. எனவே, பொதுமக்களின் நலன் கருதி, மாநகராட்சியுடன் இணைக்க வேண்டும், என கூறப்பட்டுள்ளது.