Urban News

கோவை, செப். 22: கோவை மாநகராட்சி கிழக்கு மண்டலத்தில் நடைபெற்று வரும் பணிகளை விரைந்து முடிக்க வேண்டும் என துணை மேயர் கார்த்திக், மண்டல தலைவர் சாமி ஆகியோர் தெரிவித்தனர்.

கோவை மாநகராட்சி கிழக்கு மண்டலத்திற்குட்பட்ட 6வது வார்டில் ரூ8.75 கோடி மதிப்பீட்டில் வளர்ச்சிப் பணிகள் நடை பெற்று வருகிறது.

6வது வார்டிற்குட்பட்ட நொய்ல் நகர் பகுதியில் ரூ75 லட்சத்தில் பிரதான மழை நீர் வடிகால் அமைக்கப்பட்டு வருகிறது. மேலும் பண்ணாரி அம்மன் நகர், எம்.ஜி.ஆர். நகர், காந்திநகர், திருவள்ளுவர் நகர், காமராஜர் நகர் ஆகிய பகுதிகளில் மழைநீர் வடிகால் வசதி, சாலை வசதி, தெருவிளக்கு வசதி ஆகியவை மொத்தம்

ரூ8.75 கோடி மதிப்பீட்டில் பணி மேற்கொள்ளப்பட்டு வரு கிறது. இப்பணிகளை நேற்று சென்று ஆய்வு மேற் கொண்ட மாநகராட்சி துணை மேயர் கார்த்திக், மண்டல தலைவர் சாமி ஆகியோர் பணிகளை விரைந்து முடிக்க வேண்டும் என கேட்டுக் கொண்டனர்.

பூந்தமல்லி, செப் 21: புவி வெப்பமயமாவதை தடு க்கும் வகையில் தெரு க்களில் சிஎப்எல் பல்புகள் பொருத்துவது உட்பட ரூ1 கோடியே 20 லட்சம் செலவில் வளர்ச்சிப் பணிகள் செய்ய மாங்காடு பேரூராட்சி கூட்டத்தில் தீர்மானம் நிறைவேற்றப்பட்டுள்ளது. மாங்காடு பேரூராட்சி கூட்டம், அதன் தலைவர் சீனிவாசன் தலைமையில் நேற்று நடந்தது. துணைத் தலைவர் ஜபருல்லா முன்னிலை வகித்தார்.

எல்லா வார்டுகளிலும் உயர்கோபுர மின்விளக்கு அமைக்க தலா ரூ2லட்சம் ஒதுக்கீடு செய்தல், சிவானந்தா நகர், மீனாட்சி நகர் உட்பட 5 இடங்களில் மேல்நிலை நீர்த்தேக்கத் தொட்டி கட்டுதல், புவி வெப்ப மயமாவதை தடுக்கும் வகையில், எல்லா தெருக்களிலும் சிஎப்எல் பல்புகள் பொருத்துதல், நூலகம் அமைத்தல், அங்கன்வாடி கட்டிடம் கட்டுதல், சிமென்ட் சாலைகள் அமைத்தல் உட்பட ரூ1 கோடியே 20 லட்சம் செலவில் வளர்ச்சிப் பணிகள் செய்ய தீர்மானங்கள் நிறைவேற்றப்பட்டன. செயல் அலுவலர் மகராஜன் மற்றும் கவுன்சிலர்கள் கலந்து கொண்டனர்.