Urban News

பண்ருட்டி, மே 23: தொரப்பாடி பேரூராட்சி பகுதியில் பின் தங்கிய மண்டல மானிய நிதியில் இருந்து ரூ.5.20 லட்சம் செலவில் அடிப்படை வசதிகள் செய்ய கூட்டத்தில் தீர்மானம் நிறைவேற்றப்பட்டது.

÷பண்ருட்டி வட்டம் தொரப்பாடி பேரூராட்சியின் மாதாந்திர கூட்டம் அதன் தலைவர் ஜெயலட்சுமி துரைராஜ் தலைமையில், துணைத் தலைவர் யூ.வி.என்.அருணாசலம் செட்டியார் முன்னிலையில் அலுவலக வளாகத்தில் வெள்ளிக்கிழமை நடைபெற்றது.

÷கூட்டத்தில் நடைபெற்ற விவாதம்:

÷எஸ்.எஸ்.பி.ராஜேஸ்குமார்: நந்தகுமார் லே அவுட், ஜெயராம் நகரில் உள்ள பூங்காவுக்கு சுற்றுச் சுவர் அமைக்க வேண்டும்.

÷கீதா பலராமன்: செல்வபுரம் பகுதியில் குடிநீர் பைப் விஸ்தரிப்பு செய்ய வேண்டும்.

÷சரஸ்வதி முருகன்: நெரிஞ்சிப்பேட்டை தெருவில் சாலை பழுதடைந்துள்ளது. இதில் சிமெண்ட் சாலை அமைத்துத் தரவேண்டும்.

÷என்.ஆர்.பிரகாஷ்: மெயின் ரோடு தெருவில் தண்ணீர் பஞ்சம் உள்ளது. மேற்கண்ட பகுதியில் ஆழ்குழாய் கிணறு அமைக்க வேண்டும்.

÷ரமேஷ்குமார்: ஆதிதிராவிடர் புதுக்காலனியில் சாலை வசதியும், மின் விளக்கு வசதியும் செய்து தரவேண்டும்.

÷இதற்கு பதில் அளித்த தலைவர் ஜெயலட்சுமி துரைராஜ், பின்தங்கிய மண்டல மானிய நிதியில் இருந்து ரூ.5.19 லட்சம் செலவில் மேற்கண்ட அடிப்படை வசதிகள் செய்து தரப்படும் என கூறினார்.

கோவை, மே 24:கோவையில் நடக்கும் உலகத்தமிழ் செம்மொழி மாநாட்டை ஒட்டி ரூ.300 கோடி செல வில் மேம்பாட்டு பணிகள் நடக்கின்றன. இதன் ஒரு பகுதியாக மாநகரை ஒட்டிய காளப்பட்டி பேரூராட்சி, சின்னியம்பாளையம், நீலம்பூர் கிராம ஊராட்சிகள் மற்றும் மயிலம்பட்டி பகுதிகளில் அவிநாசி சாலையில் மின் விளக்குகள் அமைக்கவேண்டும் என்று சம்பந்தப்பட்ட உள்ளாட்சி அமைப்புகள் தீர்மானம் நிறைவேற்றி யிருந்தன. இதில் ஊராட்சி பகுதிகளில் 76 மின் விளக்குகள் 10 மீட்டர் உயரம் கொண்ட டியூப்லர் கம்பத் தில் அமைக்கப்பட்டுகிறது. இதில் 250 வாட்ஸ் திறன் கொண்ட சோடியம் மின் விளக்குகள் அமைக்கப்படுகின்றன.

இதேபோல் காளப்பட்டி பேரூராட்சியில் விமான நிலையம் ரோடு முதல் ஆர்.ஜி.புதூர் முருகன் கோவில் வரை 94 மின் விளக்குகள் 10 மீட்டர் உயரத்தில் அமைக்கப்படுகின்றன. இதற்கு தேவைப்படும் நிதியை அரசு மானியமாக வழங்கவேண் டும் என்று காளப்பட்டி பேரூராட்சி தீர்மானம் நிறைவேற்றி அரசுக்கு அனுப்பி வைத்தது. மானியமாக ஒதுக்கீடு செய்ய அரசுக்கு பேரூராட்சி இயக்குநரும் பரிந்துரை செய்து மின் விளக்கு அமைக்கும் பணிகளை கோவை மாநகராட்சி மூலமே செய்து கொள்ளலாம் எனவும் தெரிவித்திருந்தார். இதை தொடர்ந்து ரூ.57 லட்சம் மானியமாக ஒதுக்கீடு செய்து அரசு செயலர் நிரஞ்சன் மார்டி உத்தரவு பிறப்பித்துள்ளார்.