தினகரன் 30.09.2010
பாதாள சாக்கடை சேவை கட்டணம் தீர்மானம் நிறைவேறியது
கோவை, செப். 30: கோவை மாநகராட்சியில் பாதாள சாக்கடைக்கு மாதாந்திர சேவை கட்டணத்திற்கான தீர்மானம் நிறைவேற்றப்பட் டது. கோவை மாநகராட்சி யில் இதுவரை பாதாள சாக் கடை திட்டத்திற்கு மாதாந் திர சேவை கட்டணம் வசூலிக்கும் நடைமுறை கிடை யாது. முதல் முறையாக மாதாந்திர சேவை கட்டணத் தை பல்வேறு இனங்களில் வசூலிக்க மாநகராட்சி திட் டது. நேற்று நடந்த கூட்டத்தில் இந்த தீர்மானம் விவாதமின்றி நிறைவேற்றப்பட்டது. ஏற்கனவே 3 முறை தீர்மானம் கொண்டு வந்து பின்னர், அனைத்து கட்சி கூட்டத்தில் இது குறித்து விவாதிக்கப்பட்டிருந்தது.
குடியிருப்பு 500 சதுர அடிக்கு குறைவாக இருந் தால் 30 ரூபாய், 500 சதுரடி முதல் 1200 சதுரடி வரை இருந்தால் 50 ரூபாய், 1200 சதுரடி முதல் 2400 சதுரடி வரை இருந்தால் 75 ரூபாய், 2400 சதுரடி முதல் 4 ஆயிரம் சதுரடி வரை இருந்தால் 150 ரூபாய், 4 ஆயிரம் சதுரடிக்கு மேல் இருந்தால் 200 ரூபாய் என கட்டணம் நிர்ணயிக்கப்பட்டது.
வணிக வளாகத்திற்கு கட்டடத்தின் பரப்பிற்கு ஏற்ப 75 ரூபாய் முதல் 1100 ரூபாய் வரையிலும், தொழிற்சாலைகளுக்கு 75 ரூபாய் முதல் 500 ரூபாய் வரையிலும், மருத்துவமனை, கிளீனிக்கிற்கு 500 ரூபாய் முதல் 5 ஆயிரம் ரூபாய் வரையிலும் (படுக்கை வசதிக்கு ஏற்ப), தங்கும் விடுதிகளில் 500 ரூபாய் முதல் 2500 ரூபாய் வரையிலும், ஹாஸ்டல்களுக்கு 60 ரூபாய் முதல் 400 ரூபாய் வரையிலும், உணவ கம் மற்றும் உணவு விடுதிகளுக்கு 100 ரூபாய் முதல் 5 ஆயிரம் ரூபாய் வரையி லும், சினிமா தியேட்டர்களுக்கு 350 ரூபாய் முதல் 1000 ரூபாய் வரையிலும், சமுதாய கூடம், திருமண மண்டபத்திற்கு 200 ரூபாய் முதல் 1000 ரூபாய் வரையிலும், பள்ளி, கல்லூரிகளில் 500 ரூபாய் முதல் 3 ஆயிரம் ரூபாய் வரையிலும், கட்டண கழிப்பிடங்களில் 500 ரூபாயும் மாதாந்திர சேவை கட்டணம் விதிக்கப்படும். 5 ஆண்டிற்கு ஒரு முறை கட்டணத்தை உயர்த்தவும் யோசனை தெரிவிக்கப்பட்டுள்ளது.
வீட்டு உபயோக பாதாள சாக்கடை வைப்பு 3 ஆயிரம் ரூபாய், தொழிற்சாலை, வணிக நிறுவனம், சிறு ஓட் டல், மருத்துவமனைகளுக்கு வைப்பு தொகை 20 ஆயிரம் ரூபாய், நட்சத்திர ஓட்டல், பெரிய உணவகங்களுக்கு 25 ஆயிரம் ரூபாய் வைப்பு தொகை என நிர்ணயிக்கப்பட்டுள்ளது.