தினமலர் 05.12.2010
நகராட்சி வரி கட்ட காலக்கெடு
மேலூர் : மேலூர் நகராட்சியில் வசூலிக்கப்படும் சொத்து வரி, தொழில் வரி, குடிநீர் கட்டணம், குத்தகை இனங்கள், கடை கட்டட வாடகைகள் ஆகியவற்றை டிசம்பர் மாத இறுதிக்குள் கட்ட வேண்டும். டிச., 2010 த்திற்குள் 100 சதவித வரி வசூல் செய்திட இலக்கு நிர்ணயம் செய்யப்பட்டுள்ளது. அரசு செயலாளர், நகராட்சி நிர்வாக இயக்குனர் மற்றும் நகராட்சிகளின் மண்டல இயக்குனர் ஆகியோரின் வலியுறுத்தலின் பேரில் இவ்வரிகள் உடனடியாக வசூலிக்கப்பட உள்ளதாக, மேலூர் நகராட்சி கமிஷனர் அய்யனார் தெரிவித்தார்.
