தினமலர் 20.02.2010
மாநகராட்சி வரி விதிப்பு குழு கூட்டம்
மதுரை : மதுரை மாநகராட்சியின் வரி விதிப்பு நிதிக்குழு கூட்டம், அதன் தலைவர் மகேஸ்வரி தலைமையில், தலைமை பொறியாளர் சக்திவேல் முன்னிலையில் நடந்தது. 2010-11ம் ஆண்டுக்கான பட்ஜெட் குறித்து கூட்டத்தில் ஆலோசிக்கப் பட்டது. வருகிற ஆண்டில் சென்ற ஆண்டை விட, வருவாயை அதிகரிப்பது தொடர்பாகவும், குடிநீர், சாலை வசதி, கொசு ஒழிப்பு போன்ற பணிகளுக்கு முக்கியத்துவம் தருவது தொடர்பாகவும் பேசப்பட்டது. உதவி கமிஷனர்கள் ஆர்.பாஸ்கரன், தேவதாஸ், ரவீந்திரன், ராஜகாந்தி, அங்கயற்கண்ணி, சிவன், கவுன்சிலர்கள் நல்லகாமன், எம்.கணேசன், அழகர்சாமி, கலைமதி, சுஜாதா கலந்துகொண்டனர்.
