தினமணி 23.03.2010
பொள்ளாச்சி 13-வது வார்டில் 100 சதவீத வரி வசூல்
பொள்ளாச்சி, மார்ச் 22: பொள்ளாச்சி நகராட்சியின் 13-வது வார்டில் 100 சதவீத வரி வசூலிக்கப்பட்டுள்ளதாக நகராட்சி ஆணையாளர் மூ. வரதராஜ் தெரிவித்தார்.
பொள்ளாச்சி நகராட்சியில் மொத்தம் 36 வார்டுகள் உள்ளன. இதில் 13-வது வார்டின் வரித்தொகை கேட்பு ரூ.8.50 லட்சம். இந்த வார்டில் பில் கலெக்டராக கே.சீனிவாசன் செயல்படுகிறார். நகராட்சிப் பகுதியில் முதன்முதலாக இந்த வார்டில் 100 சதவீத வரி வசூலிக்கப்பட்டுள்ளது. இந்த வார்டின் நகர்மன்ற உறுப்பினரான டி.ராஜேஸ்வரி நகராட்சித் தலைவியாகவும் செயல்படுகிறார். இது தவிர 9, 10 மற்றும் 14-வது வார்டுகளில் 94 சதவீத வரி வசூலிக்கப்பட்டுள்ளதாகவும், ஆணையாளர் மூ.வரதராஜ் தெரிவித்தார்.
