Urban News

மேலூர் : மேலூர் நகராட்சியில் வசூலிக்கப்படும் சொத்து வரி, தொழில் வரி, குடிநீர் கட்டணம், குத்தகை இனங்கள், கடை கட்டட வாடகைகள் ஆகியவற்றை டிசம்பர் மாத இறுதிக்குள் கட்ட வேண்டும். டிச., 2010 த்திற்குள் 100 சதவித வரி வசூல் செய்திட இலக்கு நிர்ணயம் செய்யப்பட்டுள்ளது. அரசு செயலாளர், நகராட்சி நிர்வாக இயக்குனர் மற்றும் நகராட்சிகளின் மண்டல இயக்குனர் ஆகியோரின் வலியுறுத்தலின் பேரில் இவ்வரிகள் உடனடியாக வசூலிக்கப்பட உள்ளதாக, மேலூர் நகராட்சி கமிஷனர் அய்யனார் தெரிவித்தார்.

மதுரை, டிச. 2: மதுரை மாநகராட்சிக்கு உள்பட்ட பகுதியில் பல்வேறு வரி இனங்களை உரிய காலத்துக்குள் செலுத்த சம்பந்தப்பட்டோர் முன்வரவேண்டும் என, மாநகராட்சி ஆணையர் எஸ். செபாஸ்டின் தெரிவித்துள்ளார்.

இது குறித்து, அவர் தெரிவித்துள்ளதாவது:

மாநகராட்சிக்கு உள்பட்ட பகுதியில் வீடுகள், கடைகள், வணிக நிறுவனங்கள் மற்றும் அரசு கட்டடங்கள் மூலம் வரவேண்டிய வருவாய் பல கோடி ரூபாய் வரை நிலுவையில் உள்ளது. நிலுவையாக உள்ள சொத்துவரி, குடிநீர் வரி, பாதாளச் சாக்கடை வரிகளை உடனடியாக உரிய காலத்துக்குள் சம்பந்தப்பட்டோர் செலுத்த வேண்டும்.

இது தொடர்பாக வரித் தண்டலர்களுக்கு உத்தரவிடப்பட்டுள்ளது.எனவே, பொதுமக்கள் தங்களுடைய வரிகளை உரிய காலத்துக்குள் செலுத்தி, மாநகராட்சி வளர்ச்சிக்கு உறுதுணையாக இருக்கவும், ஜப்தி, குடிநீர் மற்றும் பாதாளச் சாக்கடை இணைப்புத் துண்டிப்பு போன்ற நடவடிக்கைகளைத் தவிர்க்கும்படியும்,பொதுமக்கள், கடை உரிமையாளர்களை ஆணையர் கேட்டுக்கொண்டுள்ளார்.