Urban News

விழுப்புரம், ஆக. 16: விழுப்புரம் மாவட்ட பேரூராட்சி செயல் அலுவலர்களின் பணி ஆய்வு கூட்டம் விழுப்புரம் ஆட்சியர் அலுவலகத்தில் நடந்தது. ஆட்சியர் பழனிசாமி முன்னிலையில் பேரூராட்சிகளின் இயக்குனர் ராஜேந்திரன் ஆய்வு மேற்கொண்டார்.

அப்போது அவர் பேசியதாவது:

செஞ்சி, திருக்கோவிலூர், தியாகதுருகம், உளுந்தூர்பேட்டை ஆகிய 4 பேரூராட்சிகளில் நடப்பு நிதியாண்டில் (2010&11) அண்ணா மறுமலர்ச்சி திட்டம் செயல்படுத்தப்பட்டு வருகிறது. இந்த திட்டத்தின் மூலம் மேற்கொள்ளப்பட உள்ள அனைத்து பணிகளும் வரும் 22ம் தேதிக்குள் வேலைக்கான பணி ஆணை வழங்கி பணிகள் தொடங்கப்பட வேண்டும்.

திடக்கழிவு மேலாண்மை திட்டத்தை செயல்படுத்த வேண்டும். இத்திட்டத்தின் மூலம் உரம் தயார் செய்து விற்பனை செய்திட நடவடிக்கை எடுக்க வேண்டும். வரி மற்றும் வரியில்லா இனங்கள் மூலம் பேரூராட்சிகளுக்கு வர வேண்டிய நிலுவைத் தொகைகளை முழுமையாக வசூல் செய்ய நடவடிக்கை எடுக்க வேண்டும். அனைத்து திட்டப்பணிகளையும் கால தாமதமின்றி நிறைவேற்ற வேண்டும். சுவர்ண ஜெயந்தித்திட்டத்தின் கீழ் இளைஞர்களுக்கு வேலைவாய்ப்பு பயிற்சி மற்றும் மானியத்துடன் கூடிய தனி நபர் கடன்கள், குழுக்கடன்கள் வழங்க வேண்டும். மாவட்ட நிர்வாகத்தின் ஆலோசனை பேரில் பணிகள் நிறைவேற்றப்பட வேண்டும். இவ்வாறு அவர் பேசினார். பேரூராட்சிகளின் உதவி இயக்குனர் சடையப்பன், உதவி செயற்பொறியாளர் முருகேசன் மற்றும் செயல் அலுவலர்கள் பங்கேற்றனர்.

காரைக்கால், ஆக. 12 : காரைக்கால் மாவட்ட கேபிள் ஆபரேட்டர் நகராட்சிக்கு செலுத்த வேண்டிய கேளிக்கை வரியை செலுத்தாததால், வாடிக்கையாளர்கள் கேபிள் கட்டணம் செலுத்த வேண்டாம் என்று காரைக்கால் நகர்மன்றக் கூட்டத்தில் தீர்மானம் நிறைவேற்றப்பட்டுள்ளது.

காரைக்கால் நகர்மன்றக் கூட்டத்தின் 28வது கூட்டம் தலைவர் ஆர். பிரபாவதி தலைமையில் வியாழக்கிழமை நடைபெற்றது. கடந்த பல கூட்டங்கள் சுமூகமாக நடக்காததால், பல்வேறு தீர்மானங்கள் நிறைவேற்றப்பட்டாமல் உள்ளதாகவும், உறுப்பினர்கள் சுமூகமாக பேசி கூட்டத்தை நடத்திட ஒத்துழைக்குமாறு கேட்டுக்கொள்ளப்பட்டது.

கூட்டத்தில் உறுப்பினர்களின் விவாத விவரம்:

செய்யது அகமது, கார்த்திகேசன், வி.ஏ. அம்புரோஸ்: காரைக்காலில் கே.எல். டிவி என்ற தனியார் கேபிள் ஆபரேட்டர் நிறுவனம், நகராட்சிக்கு | 88 லட்சம் கேளிக்கை வரி பாக்கி செலுத்தாமல் இருந்த நிலையில், அந்த நிறுவனத்தை டைமண்ட் டி.வி. என்று பெயர் மாற்ற நகராட்சி நிர்வாகம் எவ்வாறு அனுமதி அளித்தது.

தற்போது அந்த கேபிள் நிறுவனம் சுமார் ஒரு கோடி ரூபாய் வரை வரி பாக்கி செலுத்தாமல் இருப்பதால், அதுகுறித்து நகராட்சியின் நடவடிக்கை என்ன? என்றனர்.

இதையடுத்து, கேளிக்கை வரி செலுத்தாததால், வாடிக்கையாளர்கள் மாதந்தோறும் செலுத்தும் கேபிள் கட்டணத்தை செலுத்த வேண்டாம் என கூட்டத்தில் தீர்மானம் நிறைவேற்றப்பட்டது. இதுகுறித்து ஆணையர் முறையான அறிவிப்பு வெளியிட உறுப்பினர்கள் கேட்டுக்கொண்டனர்.

காரைக்காலில் மதகடி, காதல்சுல்தான், பி.கே.சாலை வார்டு குப்பை அகற்றும் ஒப்பந்ததாரர்களுக்கு வழங்கப்பட்ட ஒப்பந்த உரிமத்தை ரத்து செய்ய வேண்டும் என தீர்மானம் நிறைவேற்றப்பட்டது.

காரைக்காலில் வாரச் சந்தையை மன்றத்தின் ஒப்புதலின்றி இடம் மாற்றியதாகவும், தாற்காலிக மார்க்கெட் வளாகம் உரிய வசதிகளின்றி அமைக்கப்படுவதாகவும் உறுப்பினர்கள் குற்றம்சாட்டினர்.

காரைக்கால் நகரப் பகுதியிலிருந்து வெளியேற்றப்படும் குப்பையிலிருந்து உரம் தயாரிக்க தனியார் நிறுவனத்துக்கு அனுமதி தர மன்றம் ஒப்புதல் அளித்தது. ஆடு அறுக்கும் கட்டணத்தை உயர்த்தியும், நகரில் முறையான குடிநீர் விநியோகம், மின்விளக்குகள் சீரமைப்பது, விளம்பரத்துடன் கூடிய நிழற்குடை அமைக்க அனுமதி என 34 பணிகளுக்கு அனுமதி அளித்து தீர்மானம் நிறைவேற்றப்பட்டது.

நகர்மன்ற துணைத் தலைவர் இ. தங்கவடிவேல், ஆணையர் ஜோஸ்பேட்டன் உள்ளிட்டோர் கலந்துகொண்டனர்.

உறுப்பினர்களுடன் அமர்ந்த துணைத் தலைவர்: கூட்டத்தில் வழக்கமாக, தலைவர், துணைத் தலைவர், ஆணையர் ஆகியோர் மன்றத்தின் மையப் பகுதி இருக்கையில் அமர்ந்து கூட்டம் நடத்தப்பட்டு வந்தது.

திமுகவை சேர்ந்த தலைவர் பிரபாவதிக்கும், காங்கிரûஸ சேர்ந்த துணைத் தலைவர் தங்கவடிவேலுக்கும் அண்மை காலமாக இணக்கமான உறவு இல்லையென கூறப்படுகிறது. இந்நிலையில், வியாழக்கிழமை நடைபெற்ற கூட்டத்தில் மன்ற உறுப்பினர்களோடு சேர்ந்து துணைத் தலைவர் அமர்ந்து, கேள்விகள் எழுப்பினார்.