தினமணி 17.06.2010
ஹைபாரஸ்ட் ரோட்டுக்கு தற்காலிகத் தீர்வு
வால்பாறை, ஜூன் 16: வால்பாறை, ஹைபாரஸ்ட் ரோடு பிரச்னையில் தற்காலிகத் தீர்வுக்கு நகராட்சி முன்வந்துள்ளது.
வால்பாறையை அடுத்துள்ள ஹைபாரஸ்ட் எஸ்டேட் ரோடு குண்டும் குழியுமாக இருப்பதால் செவ்வாய்கிழமை முதல் பஸ் போக்குவரத்து நிறுத்தப்பட்டுள்ளது. இது தொடர்பாக புதன்கிழமை வால்பாறை வட்டாட்சியர் அலுவலகத்தில் பொள்ளாச்சி கோட்டாச்சியர் அழகிரிசாமி முன்னிலையில் பேச்சுவார்த்தை நடைபெற்றது. இதில் தற்காலிகமாக நகராட்சி சார்பில் கற்களை போட்டு சீரமைக்க முடிவு செய்யப்பட்டது. நகராட்சித் தலைவர் கணேசன் இதில் கலந்து கொண்டார்.