தினமணி 20.08.2010
22 கி.மீ. நீள சாலைகளை சீரமைக்க முடிவு
உதகை, ஆக. 19: உதகை நகர்மன்றத்தில் நடைபெற்ற அவசரக் கூட்டத்தில் ரூ.499 லட்சம் மதிப்பில் 22 கி.மீ. நீள சாலைகளை சீரமைக்க தீர்மானம் நிறைவேற்றப்பட்டுள்ளது.
இதுதொடர்பாக உதகை நகர்மன்ற தலைவர் ராஜேந்திரன் தெரிவித்துள்ளதாவது:
தமிழக நகராட்சிகளின் நிர்வாக இயக்குநரின் உத்தரவின் பேரில் மாநிலத்திலுள்ள அனைத்து நகராட்சிகளுக்கும் சிறப்பு சாலைகள் சீரமைக்கும் திட்டம் அறிவுறுத்தப்பட்டுள்ளது. இதன் பேரில் உதகை நகராட்சியில் நிபந்தனைகளுக்குட்பட்டு 7 சாலைகள் தெரிவு செய்யப்பட்டுள்ளன.
அதன்படி தாமஸ் சர்ச் சாலை, பாட்னா ஹவுஸ் சாலை ஆகியவை ரூ.48.7 லட்சத்திலும், அணிக்கொரை சாலை, லோயர் உட் ஹவுஸ் சாலை மற்றும் ஹிக்கின்ஸ் சாலை மேம்படுத்தும் பணிகள் ரூ.69.5 லட்சத்திலும், பழைய அக்ரஹாரம் சாலை, ஆட்லி சாலை, கீழ் கோடப்பமந்து சாலை, மெயின்பஜார் சாலை மற்றும் அப்பர் பஜார் சாலையை மேம்படுத்தும் பணிகள் ரூ.69.3 லட்சத்திலும், ரிட்சிங் காலனி பைபாஸ் சாலை, கிராண்டப் சாலை மற்றும் டைகர் ஹில் சாலை மேம்படுத்தும் பணிகள் ரூ.96.3 லட்சத்திலும், ரெட்கிராஸ் சாலை, தீட்டுக்கல் சாலை மற்றும் ஆரம்பி ஹவுஸ் சாலை மேம்படுத்தும் பணிகள் ரூ.75 லட்சத்திலும், ஆர்.கே.புரம் மற்றும்
கிளன்ராக் சாலை மேம்படுத்தும் பணிகள் ரூ.96 லட்சத்திலும், விஜயநகரம் காலனி சாலை மற்றும் எல்க்ஹில் சாலை மேம்படுத்தும் பணிகள் ரூ.44.2 லட்சத்திலும் மேற்கொள்ளப்படும்.
இப்புதிய திட்டத்தின்கீழ் உதகை நகராட்சியில் 21.6 கி.மீ. நீளமுள்ள சாலைகளை மேம்படுத்த ரூ.499 லட்சம் நிதி ஒதுக்கீடு அளித்த தமிழக அரசுக்கு உதகை நகர்மன்றத்தின் சார்பில் நன்றி தெரிவித்துக் கொள்வதாகவும் நகர்மன்ர தலைவர் ராஜேந்திரன் தெரிவித்துள்ளார்.