தினமலர் 25.08.2010
கம்பம் ரோடுகளை பராமரிக்க ரூ. 1.25 கோடி மதிப்பீடு
கம்பம் : கம்பம் நகராட்சி ரோடுகள் ஒரு கோடியே 25 லட்ச மதிப்பீட்டில் பராமரிப்பு மேற்கொள்ள நகராட்சி முடிவு செய்துள்ளது. கம்பம் பழைய பஸ் ஸ்டாண்ட் ரோட்டை சிமென்ட் ரோடாக அமைக்க நகராட்சி திட்டமிட்டது. இந்நிலையில் தற்போது இதை தார் ரோடாக அமைக்க மதிப்பீடு தயாரித்துள்ளது. வி.எம். சாவடி தெரு 25 லட்சம் ரூபாய் மதிப்பீட்டிலும், ராமையாகவுடர் தெரு, ஆலமரத்து தெரு, நந்தகோபாலன் கோயில் தெருக்கள் 30 லட்சம் ரூபாய் செலவிலும், மணிநகரம் முதல் குறுக்குத் தெரு ஐந்து லட்சம் ரூபாய் செலவிலும், இரண்டாவது குறுக்குத் தெரு ஆறுலட்சத்து 20 ஆயிரம் ரூபாய் மதிப்பீட்டிலும், காளவாசள் தெற்கு 3 மற்றும் 4 வது தெருக்களில் தார்சாலை ஒன்பது லட்சம் ரூபாய் மதிப்பீட்டிலும் அமைக்க நகராட்சி முடிவு செய்துள்ளது.
மேலும் பகுதி 2 திட்டத்தின் கீழ் அனுமதித்து வரப்பட்ட பத்து லட்சம் ரூபாய்க்கு சி.எம்.எஸ். நகர் முதல் தெருவை மண் ரோட்டை, தார் ரோடாக மாற்ற மூன்று லட்சத்து 20 ஆயிரமும், கோம்பை ரோடு முதல் தெருவில் மண் ரோட்டை சிமிண்ட் ரோடாக ஐந்து லட்சத்து 25 ஆயிரம் மதிப்பீட்டிலும், சுக்காங்கல்பட்டி தெருவில் தார் ரோடு அமைக்க மூன்று லட்சத்து 35 ஆயிரம் ரூபாய் மதிப்பிலும் நகராட்சி மதிப்பீடுகள் தயாரித்துள்ளது.