தினமணி 06.09.2010
அபிராமத்தில் 42.9 லட்சத்தில் சாலைகளைச் சீரமைக்க முடிவு
கமுதி, செப். 5: கமுதி அருகே அபிராமத்தில் 42.9 லட்சம் செலவில் சாலைகளைச் சீரமைக்க பேரூராட்சி கூட்டத்தில் தீர்மானிக்கப்பட்டது.
இப் பேரூராட்சியின் சாதாரண கூட்டம், தலைவர் பி.எஸ்.கணேசன் (எ) கணேஷ்குமார் தலமைமையில் நடைபெற்றது. எஸ்.அகம்மது இப்ராகிம், செயல் அலுவலர் (பொறுப்பு) பா.முனியாண்டி ஆகியோர் முன்னிலை வகித்தனர்.
2010-2011-ம் ஆண்டிற்குரிய பேரூராட்சி சாலைகள் சீரமைப்பு சிறப்பு திட்டத்தின் கீழ் 42.9 லட்சம் செலவில் ஒரு சிமென்ட் சாலை மற்றும் 9 தார்ச் சாலைகளை சீர மைத்தல், கிராம நிர்வாக அலுவலர் அறை பின்புறம் 3 லட்சம் செலவில் மகளிருக்கு நவீன கழிப்பறை கட்டுதல், 90 சதவீத மானியத் தொகையும், பேரூராட்சியின் 10 சதவீத பங்குத் தொகையும் சேர்த்து 2.5 லட்சம் செலவில் பூங்கா மற்றும் விளையாடுமிடம் அமைத்தல், 75 சதவீத மானியத் தொகையும், பேரூராட்சியின் 25 சதவீத மானியத் தொகையும் சேர்த்து 30 லட்சம் செலவில் வணிக வளாகம் கட்டுதல் உள்ளிட்ட 9 தீர்மானங்கள் நிறைவேற்றப்பட்டன.