தினமலர் 06.09.2010
பள்ளப்பட்டி பஞ்.,ல் தார்சாலை அமைப்பு
கரூர்: அரவக்குறிச்சி அடுத்த பள்ளப்பட்டி டவுன் பஞ்சாயத்தில் 20 லட்சம் ரூபாய் மதிப்பில் தார்சாலை அமைக்கும் பணி நடக்கிறது. பள்ளப்பட்டி டவுன் பஞ்சாயத்தில் உள்ள 18 வார்டுகளிலும் சாலை வசதி மேம்படுத்துவதற்காக பணிகள் திட்டமிடப்பட்டு செயல்படுத்தப்படுகிறது. 18வது வார்டு ராஜாப்பேட்டை தெரு முதல் தைக்கால் தெரு வரை 20 லட்சம் ரூபாய் மதிப்பில் புதிய தார்சாலை அமைக்கும் பணி நடக்கிறது. பணிகளை டவுன் பஞ்சாயத்து தலைவர் பசீர் அகமது நேரில் பார்வையிட்டார். செயல் அலுவலர் சுப்பிரமணியம் மற்றும் கவுன்சிலர்கள் உடனிருந்தனர்
