தினமலர் 22.09.2010
சாலை சீரமைப்பு பணி: ரூ.5.50 கோடி ஒதுக்கீடு
தர்மபுரி: தர்மபுரி நகராட்சி பாதாளா சாக்கடை திட்டம் கீழ் சாலை அபிவிருத்தி பணிகளுக்கு 5 கோடியே 50 லட்ச ரூபாய் நிதி ஒதுக்கீடு செய்யப்பட்டுள்ளது.தர்மபுரி நகராட்சி உட்பட்ட 33 வார்டுகளில் பாதாள சாக்கடை திட்ட பணிகள் நடந்து வருகிறது. முதல் கட்ட பணிகள் முடியும் தருவாயில் உள்ளது. இத்திட்டத்தின் கீழ் பாதிப்படைந்த சாலைகளை சீரமைக்க 7 கோடி நிதி ஒதுக்கீடு செய்ய வேண்டும் என நகராட்சி நிர்வாகம் சார்பில் துணை முதல்வரிடம் கோரிக்கை மனு அளிக்கப்பட்டது. இதை ஏற்று நகராட்சியில் புதிய சாலை அபிவிருத்தி பணிக்கு 5 கோடியே 50 லட்ச ரூபாய் நிதி ஒதுக்கீடு செய்யப்பட்டது. இதற்கான ஆணையை துணை முதல்வர் ஸ்டாலின், சேர்மன் ஆனந்தகுமார் ராஜாவிடம் வழங்கினார்.
