தினமணி 05.10.2010
சிங்கம்புணரி பேரூராட்சியில் ரூ 76 லட்சத்தில் சாலைப் பணிகள்
சிங்கம்புணரி, அக். 4: சிங்கம்புணரி பேரூராட்சியில் ரூ 76 லட்சம் செலவில் சாலைப் பணிகள் நடைபெற உள்ளன.
இப் பேரூராட்சியில் சிறப்பு சாலைகள் திட்டம் 2010-11ன் கீழ் தேர்வு செய்யப்பட்டு பணிகள் நடைபெற உள்ளன. இதில் ஆர்.எம்.எஸ். மருத்துவமனை முதல் வடக்குவளவு வரை ரூ 11.52 லட்சத்தில் சிமெண்ட் சாலைகள், வார்டு 17 தேத்தாங்காட்டில் ரூ 10.15 லட்சத்தில் சிமெண்ட் சாலை, வடக்கு வளவு செட்டியார் தெருவில் ரூ 3.15 லட்சத்தில் சிமெண்ட் சாலை, வ.உ.சி. தெருவில் ரூ 5.6 லட்சத்தில் சிமெண்ட் சாலை, சந்திவீரன் கூடம் தெருவில் ரூ 3.65 லட்சத்தில் சிமெண்ட் சாலை, பண்டாரங்காலனி பிளாசம் மண்டபம் சாலையில் ரூ 4.2 லட்சத்தில் சிமெண்ட் சாலை, வார்டு 7 செட்டியார் தெருவில் ரூ 1.57 லட்சத்தில் சிமெண்ட் சாலை, வார்டு 2 உப்புச் செட்டியார் தெரு 3-ல் ரூ 1.45 லட்சத்தில் சிமெண்ட் சாலை, வார்டு 2 உப்புச் செட்டியார் தெரு 2-ல் ரூ 1.45 லட்சத்தில் சிமெண்ட் சாலையும், வார்டு 15 என்பீல்டு காலனியில் ரூ 13.25 லட்சத்தில் சிமெண்ட் சாலை, சேவுகப்பெருமாள் ஐயனார் கோவில் ரோட்டில் ரூ 20 லட்சத்தில் தார் சாலை ஆக மொத்தம் ரூ 76 லட்சத்தில் சாலைப் பணிகள் நடைபெற உள்ளதாக பேரூராட்சித் தலைவர் சுசீலா, செயல் அலுவலர் மங்களேஷ்வரன் ஆகியோர் தெரிவித்தனர்.
