தினகரன் 20.11.2010
சாலை பணிகள் பூமி பூஜை விழா
தங்கவயல், நவ. 20: தங்கவயல் உரிகம்பேட்டையில் நகரசபை சார்பில் சாலை அமைக்க பூமி பூஜை நடத்தப்பட்டது. கர்நாடக நகராட்சி மறுசீரமைப்பு ஆணையம் தங்கவயலில் உள்ள 35 வார்டுகளிலும் முன்னேற்றப்பணிகளுக்காக ரூ 22 கோடி ஒதுக்கி உள்ளது. அதில் முதல்கட்டமாக உரிகம் பேட்டையில் சாலை அமைக்க நேற்று பூமி பூஜை நடத்தப்பட்டது.
நகரசபை தலைவர் தயாளன் தலைமையில் முன்னாள் எம்.எல்.ஏ மு.பக்தவச்சலம் தொடங்கி வைத்தார். நிகழ்ச்சியில் கவுன்சிலர்கள் ஜி.குமார், குலசேகர், பிரேமகுமாரி சம்பத், ஜெயந்தி ஸ்ரீனிவாசன், மணிமேகலன் உள்பட பலர் கலந்து கொண்டனர். நகரசபை மேலாளர் ஸ்ரீகாந்த் விழாவுக்கான ஏற்பாடுகளை செய்திருந்தார்.